العا ادىمداعان «اكۆاتەرم»

مەملەكەت باسشىسى نۇرسۇلتان نازارباەۆتىڭ ەرەكشە نازارىنداعى ۇدەمەلى يندۋستريالىق-يننوۆاتسيالىق دامۋ باعدارلاماسى اۋىلدىق ايماقتاردى دا قاناتتاندىرىپ وتىر. باباتاي تەمىر جول ستانسا­سىنداعى «اكۆاتەرم نس» جشس كاسىپورنى جۇمىسقا قوسىلعالى كوپ بولماسا دا, ولار شىعاراتىن كونديتسيونەرلەر, جىلۋمەن قامتاماسىز ەتەتىن جابدىقتار كوپشىلىك نازارىن اۋدارۋدا. ونى ساپالى ونىمدەرگە سۇرانىستىڭ ارتا تۇسكەنىمەن دالەلدەۋگە بولادى. ءبىر قۋانىشتىسى, ۋاقىتپەن ۇندەس سەرىكتەستىك باسشىلارى يگى ىزدەنىستەرىن جالعاستىرا تۇسۋدە. جۋىردا كاسىپورىندا جاڭا تسەح اشىلىپ, قۋات ۇنەمدەگىش تەحنولوگيا اۋقىمىنداعى ونىمدەر دايىندالدى. بابا­تاي­لىقتار قازىر ءوز ارىپتەستەرىنە كۇن ساۋلەلى باتارەيالار مەن جىلۋ ساق­تاعىش پەشتەردى جونەلتە باستادى. جوبانىڭ قۇنى 65 ميلليون تەڭگەنى قۇرايدى. وسىندا 15 جاڭا جۇمىس ورنى اشىلسا, جشس قىزمەت­كەر­لەرىنىڭ بارلىعى جەرگىلىكتى تۇرعىندار ەكەندىگى دە ۇلگى الارلىق قادام. «اكۆاتەرمنىڭ» ايرىقشا سيپاتتاعى ونىمدەرى سىناقتان ويداعىداي ءوتىپ, استانا رىنوگىن تولىقتىردى. بۇل جابدىقتاردىڭ جۇرتشىلىققا كەڭىنەن ايگىلى بەيبىتشىلىك جانە كەلىسىم سارايىندا, «حان شاتىر» ساۋدا-كوڭىل كوتەرۋ كەشەنىندە, «استانا-ارەنا» جابىق ستاديونىندا قولدانىلاتىنى مەرەي وسىرەدى. باقبەرگەن امالبەك. اقمولا وبلىسى, ارشالى اۋدانى.