«جول-كولىك وقيعالارىنىڭ 20 پايىزى جاياۋ جۇرگىنشىلەردىڭ جولدا ءجۇرۋ ەرەجەسىن ساقتاماۋىنان ورىن الادى. كوپشىلىك جەتە ءمان بەرمەيتىن رۇقسات ەتىلمەگەن جەردەن جولدى كەسىپ ءوتۋ, باعدارشامنىڭ جاسىل ءتۇسىن كۇتپەي, ءجۇرىپ كەتۋدىڭ سوڭى قايعىلى اياقتالىپ جاتادى. جاياۋ جۇرگىنشىلەردىڭ قاتىسۋىمەن 54 جول-كولىك وقيعاسى بولدى. وندا 43 ادام ءتۇرلى دەنە جاراقاتتارىن السا, 11 ادام قازا تاپتى», - دەيدى استانا قالالىق ءىىد جەرگىلىكتى پوليتسيا قىزمەتىنىڭ باسشىسى باقىتجان مالىباەۆ اكىمدىكتە وتكەن ءباسپاسوز ءماسليحاتىندا.
پوليتسيا وكىلىنىڭ ايتۋىنشا, جاياۋ جۇرگىنشىلەرمەن الدىن الۋ شارالارى تۇراقتى تۇردە جۇرگىزىلىپ تۇرادى. ولارعا جولدا ءجۇرۋ ەرەجەسى جازىلعان جادىنامالار تاراتىلىپ, تۇسىندىرمە جۇمىستارى وتكىزىلەدى. دەگەنمەن, جول-كولىك وقيعالارىنىڭ ورىن الۋىنا جاياۋ جۇرگىنشىلەردىڭ قۇلاققاپپەن ءان تىڭداۋى سەبەپ بولاتىن كورىنەدى.
«جول-كولىك اپاتىنا كەز كەلگەن فاكتور اسەر ەتەدى. اسىرەسە, قازىرگى جاستاردىڭ كوپشىلىگى قۇلاققاپپەن ءان تىڭداپ, سىرتقى الەممەن بايلانىسىن ۇزەدى. ال جۇرگىزۋشى كولىگىن توقتاتىپ ۇلگەرمەيدى. سوندىقتان, قالا تۇرعىندارىنان قاۋىپسىزدىككە بەي-جاي قاراماۋدى جانە جولدان وتەردە سمارتفون مەن قۇلاققاپتى پايدالانباۋدى سۇرايمىز», - دەپ تۇيىندەدى ءسوزىن ب.مالىباەۆ.
