ەلوردالىق بالالار العاش رەت قۇتقارۋشى, ءورت ءسوندىرۋشى, قۇرىلىسشى, بانك قىزمەتكەرى, مۇعالىم سىندى وزگە دە ءتۇرلى ماماندىقتا (100 مامىندىق بويىنشا) رولگە ەنىپ, وزدەرىن سىناپ, كورە الادى.
بۇل تۋرالى ءباسپاسوز كونفەرەنتسياسى بارىسىندا «ماماندىقتار قالاسى» بىرەگەي بالالار حالىقارالىق جوباسىنىڭ اۆتورى تاتيانا ليۋلكا ايتىپ بەردى.
19 تامىزدا ساعات 11.00-دەن 16.00-گە دەيىن «اراي» ساياباعىندا العاش رەت بالالاردىڭ قاي ماماندىققا يەكەمى بار ەكەنىن انىقتاۋعا باعىتتالعان «ماماندىقتار قالاسى» بىرەگەي بالالار حالىقارالىق جوباسى وتەدى.
جوباعا 2-18 جاس ارالىعىنداعى بۇلدىرشىندەر مەن جاستار قاتىسا الادى. قاتىسۋ تەگىن.
جوبانى استانادا وتكىزۋ يدەياسىنا قولداۋ ءبىلدىردى.
- ءار بالا ءوزىن ءتۇرلى ماماندىقتا سىناپ كورۋ كەرەك. بيىل قالادا 100-گە جۋىق ماماندىق تاجىريبە ءۇشىن ۇسىنىلادى. جوباعا مەملەكەتتىك ۇيىمداردان باستاپ بيزنەس وكىلدەرىنە دەيىن قاتىسادى. مەملەكەتتىك ۇيىمداردىڭ قاتارىندا – تجد, ءىىد جانە قالا باسقارماسى, ساۋلەت, دەنساۋلىق ساقتاۋ, ءبىلىم جانە باسقا دا باسقارمالار بار,- دەدى استانا قالاسىنىڭ كاسىپكەرلىك جانە ونەركاسىپ باسقارماسىنىڭ باسشىسى رىسگۇل قاۋعاباەۆا.
جوبادا قاراستىرىلعانداي, ساياباقتا ءبىر كۇنگە ينتەراكتيۆتى قالاشىق ورنالاستىرىلادى. ساياباققا كىرۋدە ءار ءبۇلدىرشىن ەڭبەك كىتاپشاسى بولىپ تابىلاتىن قۇجاتقا يە بولادى, ءارى قاراي «جۇمىسقا ورنالاسۋ» سيۋجەت كورسەتىلەدى.ء بىر كۇن ىشىندە ەلوردالىق بالعىندار ەرەسەكتەردىڭ كەيپىنە ەنىپ, ماماندىققا بەيىمدەلىپ, اقشانى «وزدىگىنەن» تابۋدى ۇيرەنەدى. كىشكەنتاي «قىزمەتكەرلەر» ءتۇرلى سۋۆەنيرلەر مەن تاتتىلەر دۇكەنىندە ءوزىنىڭ قالاعانىن ساتىپ الا الاتىن قارجى - «جالاقى» الادى. ول دۇكەن «ماماندىقتار قالاسى» اۋماعىندا ورنالاسقان.
بۇل جوبا بالالاردىڭ يەكەمىن, ماشىعىن تۇسىنۋگە, قابىلەتتەرىن انىقتاۋعا ارنالعان جوبا. كە كەزدەرى اتا-انالار وزدەرىنىڭ بالالارىنىڭ قابىلەتىن باعالاماي جاتادى, ءتىپتى بىلمەي دە جاتادى. ەركىندىك بەرمەيدى. بۇل جوبا ءوز الدىنا بالالاردىڭ قابىلەتىن انىقتاۋدا تاپتىرماس مۇمكىندىك, - دەدى جوبا اۆتورى.
- استانا اكىمدىگى جوباعا قولداۋ بىلدىرۋگە تەز ارەكەت ەتتى, جاۋاپ بەردى. ءبىز اكىمدىككە ءوزىمىزدىڭ ۇسىنىسىمىز جايلى حات جىبەردىك, 5 كۇن ىشىندە جاۋاپ بەردى, ۋكرايندا جۇرگەن ەدىم, ءسىزدىڭ جوباڭىزعا قولداۋ بىلدىرەمىز, قاشان كەلە الاسىز دەپ سۇرادى. بۇل جوبانى استانا قالاسىندا 1 ايدىڭ ىشىندە ۇيىمداستىردىق. استانادا باقىتتى بالالاردىڭ قاتارى ارتقانىن قالايمىن, ءار بالا ءوزىنىڭ قالاعان ىسىمەن اينالىسقانىن قالايمىن, - دەدى جوبا اۆتورى تاتيانا ليۋلكا.
جوبانىڭ باس سەرىكتەسى - «BIGroup» كومپانياسى. كومپانيا ءوز الدىنا قاجەتتى قۇرال-جابدىقتاردى, مامانداندىرىلعان تەحنيكانى ۇسىنادى.
قالالىق اكىمدىكتىڭ ستاتيستيكالىق مالىمەتى بويىنشا, استانادا شامامەن 200 000 بالا تىركەلگەن, ۇيىمداستىرۋشىلار سولاردىڭ 1 پايىزىن بولسىن قامتۋدى جوسپارلاپ وتىر.
ايتا كەتەيىك, 2016 جىلى اتالمىش جوبا ۋكراينانىڭ 25 قالاسىندا وتكىزىلدى, وعان 300 مىڭنان استام بالا قاتىستى.
