ونىڭ قورىتىندىسى بويىنشا قازاقستاندىق عالىمدار ءوز ازىرلەمەلەرىنە كوممەرتسيالاندىرۋدى ەنگىزۋ تۋرالى يدەيانى جاريا ەتتى. عالىمدار اتالعان باستامالار بويىنشا رەسەيلىك ارىپتەستەرمەن بىرلەسىپ, ىسكە اسىرىلعان كوممەرتسيالىق جوبالار سالاسىندا تاجىريبە الماستى. سونىمەن قاتار, قولدانبالى جانە فۋندامەنتالدى زەرتتەۋلەرگە ينۆەستيتسيالار تارتۋ بويىنشا ۇسىنىستار جاسادى. ساراپشىلاردىڭ پىكىرى بويىنشا عىلىمي-تەحنيكالىق ازىرلەمەلەردى كوممەرتسيالاندىرۋ ەكونوميكالىق ورلەۋگە جانە قازاقستاننىڭ عىلىمى مەن تەحنيكاسىنىڭ دامۋىنا وڭ اسەرىن تيگىزەدى.
قاتىسۋشىلار قازاقستاننىڭ تۋريستىك كلاستەرىن دامىتۋداعى عىلىمي ادىستەرىن ۇسىندى. جاس عالىمدار اتالعان سالاعا ينۆەستيتسيا تارتۋعا قاتىستى پىكىر الماستى. شەتەلدىك تۋريستەر ءۇشىن قازاقستاننىڭ كۋرورتتىق ورىندارىنىڭ فلوراسى مەن فاۋناسىن زەرتتەۋ بويىنشا جاڭا باعدار قۇرۋ تۋرالى ۇسىنىس جاسالدى. ساراپشىلاردىڭ پىكىرى بويىنشا, ءتۋريزمنىڭ اتالعان ءتۇرى ءارتۇرلى ەلدەردىڭ كليەنتتەرى تاراپىنان زور تابىس اكەلۋى مۇمكىن.
فورۋمعا قاتىسقان رەسەيلىك ماسكەۋ, سانكت-پەتەربۋرگ, ومسك, نوۆوسيبيرسك, ەكاتەرينبۋرگ, ماگنيتوگورسك قالالارىنىڭ عالىمدارى ەكى ەل اراسىنداعى ترانسشەكارالىق ىنتىماقتاستىق ماسەلەلەرىنە توقتالدى. قاتىسۋشىلار عىلىمي قاۋىمداستىقتار ۇرپاقتارىنىڭ ساباقتاستىعىن جالعاستىرۋ ءۇشىن بىرلەسكەن عىلىمي مەكتەپتەر مەن ۇجىمدار قۇرۋ قاجەتتىگىن ايتتى.
رعا جاس عالىمدار كەڭەسىنىڭ توراعاسى, ف.م.ع.ك لەونيد كوتەلنيكوۆ: «مودەرنيزاتسيا جاعدايىندا ءىرى تاقىرىپتارعا ءارتۇرلى مامانداردى قاتىستىرۋ قاجەت, ولاردى ءبىر ەلدەن تابۋ مۇمكىن ەمەس», دەدى. زەرتتەۋلەر ءۇشىن كولدەنەڭ ىنتىماقتاستىق ىزدەپ تابۋ, كوپتەگەن عالىمداردى, ينجەنەرلەردى, عىلىمي مەكتەپتەردىڭ اعا بۋىنى وكىلدەرىن قاتىستىرۋ قاجەت. الدىمىزدا تۇرعان ماڭىزدى مىندەتتەردىڭ ءبىرى – زامانۋي عىلىمي قاۋىمداستىق اراسىنداعى بايلانىس مەحانيزمىن ازىرلەۋ. زەرتتەۋلەردەگى ءبىلىم مەن تاجىريبە ساباقتاستىعى, سونداي-اق بايلانىستاردى جالعاستىرۋ جاس عىلىمي بۋىنعا العا قادام جاساۋعا مۇمكىندىك بەرەدى. قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى ۇسىنعان الاڭنىڭ ارقاسىندا ءبىز عىلىمي زەرتتەۋلەردى جۇرگىزۋ بويىنشا اقپارات الماسۋعا جانە زياتكەرلىك كۇش-قۋاتىمىزدى بىرىكتىرۋگە جانە وندىرىسىتك ماسەلەلەردى شەشۋگە مۇمكىندىك الامىز.
ودان كەيىن قازاقستاننىڭ جاس عالىمدارى ەكى ەل اراسىنداعى تاۋار اينالىمىن ارتتىرۋعا ىقپال ەتەتىن رەسەيلىك جانە قازاقستاندىق وراسان زور ەلەكتروندىق كوممەرتسيا ينتەرنەتى اراسىندا بىرىڭعاي ونلاين الاڭىن قۇرۋ يدەياسىن ۇسىندى. بۇدان باسقا, ول ەكى ەل اراسىنداعى تۇتىنۋشىلارعا ونىمدەردى ارەندا ءۇشىن جانە ساۋدا الاڭدارىنىڭ سەرۆيسى ءۇشىن شىعىن شىعارماي ءوز باعاسىمەن ساتىپ الۋعا مۇمكىندىك بەرەدى. ساراپشىلار پلاتفورما تاۋار اينالىمىن 75 ميلليارد اقش دوللارىنا دەيىن جەتكىزە الادى دەگەن پىكىر ايتتى.
ماحمۋت تومانوۆ, قر تۇڭعىش پرەزيدەنتى - ەلباسى قورى جاس عالىمدار كەڭەسىنىڭ توراعاسى: ء«بىز ءبىر ورىندا ورنالاسقان كوپتەگەن رەسەيلىك جانە قازاقستاندىق ينتەرنەت-دۇكەندەرىن بىرىڭعاي ينتەرنەت-الاڭىن قۇرعىمىز كەلەدى. ول رەسەيلىك, سونداي-اق قازاقستاندىق وندىرۋشىلەر ءوز ونىمدەرىن ءبىر جەردە ساتا الادى دەگەن ءسوز», دەدى.
فورۋم اياقتالعان سوڭ تاراپتار بىرلەسكەن قازاقستان-رەسەي ساراپشىلار كەڭەسىن قۇرۋ تۋرالى ۋاعدالاستى, ول ءوز كەزەگىندە شەكارالاس ەلدەردىڭ باسشىلارىنا وزەكتى ەكونوميكالىق, ساياسي پروبلەملاردى جانە قوعامنىڭ ماسەلەلەرىن شەشۋ جولىن ىزدەستىرۋدى قامتاماسىز ەتەدى. اتالعان باستاما تۇڭعىش پرەزيدەنت قورىنىڭ جانە رعا جعك جاس عالىمدار كەڭەسىنىڭ نەگىزىندە قۇرىلادى.
فورۋم جىل سايىن ءداستۇرلى تۇردە وتكىزىلەدى, وندا جاس عالىمدار بىرلەسىپ جاڭا جانە پەرسپەكتيۆتى جوبالار سالاسىنداعى مەملەكەتتىك سەكتورعا ارنالعان ۇسىنىستار ازىرلەيدى.
