ەرەيمەنتاۋ ستانتسياسىنا ايالداعان پويىز وسىندا ەكى كۇن بولدى. «سالاماتتى قازاقستان» پويىزىنىڭ باسشىسى, ءتىس دارىگەرى مارجان مۇكپەنوۆانىڭ ايتۋىنشا, بريگادا قۇرامىندا 25 ءبىرىنشى جانە جوعارى ساناتتى دارىگەرلەر بار.
«دارىگەرگە قارالۋعا نيەت بىلدىرگەن, ءتىپتى كومەككە ءزارۋ قالا مەن اۋىل تۇرعىندارىنىڭ بارىنە ارىپتەستەردىڭ قىزمەتى قولجەتىمدى بولدى», - دەيدى مارجان مۇكپەنوۆا.
مەديتسينا پويىزىنا سەگىز ۆاگون تىركەلىپتى. وندا كوپسالالى كەڭەسشىلىك-دياگنوستيكالىق كومەك كورسەتۋگە جانە وزگە دە مۇمكىندىكتەر قاراستىرىلعان. دارىگەرلەر تەگىن قىزمەت كورسەتتى. پويىزدا گينەكولوگ, تەراپەۆت, نەۆروپاتولوگ, كارديولوگ, وتاشى, وفتالمولوگ, پەدياتر, ءتىس دارىگەرى, رەنتگەنولوگ جانە وزگە سالا وكىلدەرى جۇمىس ىستەدى. دارىگەردىڭ قابىلداۋىنا قوسا جول بويى بىرقاتار دياگنوستيكالىق شارالار اتقارىلدى. ماماندارعا جۇگىنگەن ناۋقاستاردىڭ ءىش قۇرىلىسى ۋلتراساۋلە ادىسىمەن زەرتتەلدى, رەنتگەنولوگيالىق تەكسەرىس, كلينيكالىق-بيوحيميالىق ساراپتاما جۇرگىزىلدى.
جىلجىمالى قۇرام زاماناۋي جابدىقپەن دە جاراقتاندىرىلىپتى, شۇعىل كەڭەس بەرۋ ءۇشىن كەز كەلگەن كلينيكامەن, ينستيتۋتپەن بايلانىسقا شىعۋعا مۇمكىندىك قاراستىرىلعان.
مەديتسينا ماماندارىنا قاجەتتى جاعدايدىڭ ءبارى ويلاستىرىلعان. ۆاگوندا عالامتور, دۋش كابيناسى, تەلەفون, تەلەديدار, ديزەلدى گەنەراتور, ءبارى-ءبارى بارشىلىق. ءدامحانادا ءتورت مەزگىل تاماق قاراستىرىلعان.
ودان ءارى «سالاماتتى قازاقستان» پويىزى ءىرىلى-ۇساقتى ستانتسيالاردى باعىتقا الىپ, ءارى قاراي ساپارىن جالعاستىرادى. ماسەلەن, ءبىر عانا تورعاي ستانساسىندا 96 ادام, ونىڭ ىشىندە 5 بالا جوعارى بىلىكتى ماماندارعا قارالدى.
