قر اشم اگروونەركاسىپتىك كەشەنىندەگى وسىمدىكتەر كارانتينى بويىنشا مەملەكەتتىك ينسپەكتسيا باسقارماسىنىڭ باسشىسى سىمبات قالياسقاروۆ جالپى سالماعى 35 توننا قاربىز ساتىلىمنان الىنىپ, جويۋعا جىبەرىلگەنىن مالىمدەدى.
«بۇل ءونىمدى ساتىلىمنان العىزدىق. ءونىمنىڭ ساتىلىمنان الىنۋى ونىڭ تەز ارادا جويىلاتىنىن بىلدىرەدى. بىزدەگى اقپاراتقا سايكەس, اتالعان ءونىمنىڭ جالپى سالماعى 35 توننانى قۇراعان», – دەدى ول.
باسقارما باسشىسىنىڭ ايتۋىنشا, قازاقستاننىڭ وڭتۇستىك وڭىرلەرىندە, اتاپ ايتقاندا, وقو, جامبىل جانە قىزىلوردا وبلىستارىندا قاۋىن شىبىنى بەلەڭ الدى.
«جىل سايىن قاۋىن شىبىنىمەن كۇرەسۋگە قارجى بولىنەدى جانە ولاردى اۋىزدىقتاۋ مەن جويۋ ءۇشىن كارانتيندىك شارالار جۇرگىزىلەدى. بالكىم, بۇل قاربىزدار قاۋىن شىبىنىنان بۇزىلعان شىعار», – دەپ اتاپ ءوتتى س.قالياسقاروۆ.
سونىمەن بىرگە, مەملەكەتتىك ينسپەكتسيا وكىلى قاربىزداردىڭ بۇل پارتياسىنىڭ سەرتيفيكاتتالماعانىن حابارلادى.
«وسىمدىكتەر كارانتينى تۋرالى زاڭعا سايكەس, قر اۋماعىنا تاراعان كارانتيندىك وبەكتىلەردىڭ ءتىزىمى بار. بۇل تىزىمدە قاۋىن شىبىنى دا كورسەتىلگەن. كارانتينگە جاتقىزىلعان ءونىمدى وبلىسارالىق تاسىمالداۋدىڭ ءوز تارتىپتەرى بار. ونى تاسىمالداۋ ءۇشىن كارانتيندىك سەرتيفيكات بولۋى مىندەتتى. بۇل جاعدايدا 35 توننا قاربىز سەرتيفيكاتسىز تاسىمالدانعان», – دەدى ول.
ەسكە سالا كەتەيىك, وسىدان بىرەر كۇن بۇرىن الەۋمەتتىك جەلىدە استانا بازارلارىنىڭ بىرىنە جەتكىزىلگەن شىرىگەن قاربىزدار تۋرالى بەينەجازبا تارادى. وندا اق حالاتتى ايەل قاربىزداردى كەسىپ كورسەتىپ, ولاردىڭ جەۋگە جارامسىز ەكەنىن ايتادى.
