ارقانى كەڭگە سالۋعا بولمايدى

كۇزدىڭ جيىن-تەرىنى اياقتالىپ قالدى  ەكەن دەپ بوساڭسۋعا ءالى ەرتە. اسىرەسە, ارقا ءوڭىرى ءۇشىن! الدا قىتىمىر قىس­تىڭ ۇسكىرىك ايازى مەن دولدانا سوعار بورانى الماس قىلىشتاي جالاڭداپ تۇر. بىلتىر جاعالارى جايلاۋدا جۇرگەندەر «ءۇستى-باس اق قىراۋ, ءتۇسى  سۋىق» جاننان تاياقتى وڭباي جەگەن بولاتىن. الايدا, الداعى قىسقى ماۋسىمعا ازىرلىك بارىسى كەي باسشىلاردى ءالى دە ويلاندىرىپ-تول­عاندىرمايتىن ءتارىزدى. وسىناۋ ماڭىز­­دى ماسەلەنى تالقىلاۋعا ارنالعان  باسقوسۋعا بىرقاتار جاۋاپتى مەملەكەتتىك ورگان باسشىلارىنىڭ  توبە كورسەت­پەي ورىنباسارلارىن جىبەرۋى «توتەنشە جاعدايلارعا» الدىمەن جاۋاپتى ەكەندىكتەرىن ەستەن شىعارىپ السا كەرەك. وبلىس اكىمىنىڭ ءبىرىنشى ورىنباسارى ايداربەك ساپاروۆتىڭ توراعالىعىمەن ءوت­كەن باسقوسۋدا  گيدروقۇرىلعىلاردىڭ اپات­سىز جۇمىس ىستەۋىن قامتاماسىز ەتەتىن ازاماتتىق قورعانىس شارالارىن ورىنداۋداعى الداعى مىندەتتەر جان-جاقتى تالقىلاندى. وبلىستىق توتەنشە جاعدايلار ءجو­نىن­دەگى دەپارتامەنت باستىعىنىڭ ورىن­باسارى  الەكساندر شۆەتسوۆ الدا قىرۋار ىستەر كۇتىپ تۇرعانىن, ەڭ باستىسى, نا­زار­دى جىلىتۋ قوسىندارىن قۇرۋ قاجەت­تىگىنە, جەدەل قۇتقارۋ توپتارىن ارنايى تەحنيكالارمەن جابدىقتاۋعا اۋداردى. ايازدى, بوراندى كۇندەرى  ەلدى مەكەندەر  اراسىندا بايلانىستىڭ ءۇزىلىپ قالۋ جاع­دايلارى ءجيى كەزدەسەدى. سوندىقتان  جەتكىلىكتى ازىق-ت ۇلىك, مەديتسينالىق پرەپاراتتار قورىن جاساۋ قاجەتتىگىن ايتا كەلىپ, وتكەن قىستا بىرقاتار پروبلەمالار تۋىنداعانىن ەسكە سالدى. «سولتۇستىك قازاقستان گيدرومەتەورولوگيالىق ورتا­لىعى» ديرەكتورىنىڭ ورىنباسارى قىم­بات مەرعاليموۆانىڭ اقپاراتى دا جي­نالعانداردى قۋانتا قويعان جوق.  ال­دىن-الا بولجامعا قاراعاندا, قىراۋلى قىستىڭ قىتىمىر مىنەزى از بولمايتىن ءتارىزدى. داۋرەنى جۇرىسىمەن-اق سىناپ باعاسى 30 گرادۋسقا جەتىپ, ءتىپتى ودان دا تومەندەيتىن كورىنەدى. سوندىقتان با­رىن­شا ساقتانعان ءجون, دەدى ول.  كەزەك ەنەر­گەتيكا جانە كوممۋنالدىق شارۋا­شىلىق باسقارماسىنىڭ باستىعى انتون فەدياەۆقا كەلگەندە جينالىس سايىن سىن­نان كوز اشپايتىن بۇل سابازىڭ نە ايتار دەگەندەي  زال ءىشى سىلتىدەي تىنا قالدى.  جوق, بۇل جولى ونىڭ بايانداماسىنىڭ تىگىسى جاتىق شىقتى. ءسىرا, وتكىر سىندار ءبىراز شيراتقان بولۋ كەرەك. 3 قازاننان باستاپ 590 عيماراتقا جىلۋ بەرىلىپتى.  ءبىلىم جانە دەنساۋلىق مەكەمەلەرى ءبىرىنشى كەزەكتە قامتاماسىز ەتىلىپتى. پەتروپاۆل قالاسى اكىمىنىڭ ورىنباسارى انتون ماكاروۆ  تۇرعىن ۇيلەر تۇگەلگە جۋىق  جىلىتۋ ماۋسىمىنا تاس-ءتۇيىن دايىن ەكە­نىن مالىمدەدى. سۋ تاراتاتىن قۇبىر­لار­دىڭ جارامدىلىعى تەكسەرۋدەن ءوتىپ, ورىن العان كەمشىلىكتەر دەرەۋ تۇزەتى­لىپ­تى. كەرىسىنشە,  سولتۇستىك قا­زاق­ستان  ەلەكتر جەلىلەرىن تاراتۋ كوم­پا­نياسى­نىڭ باستىعى ۆيكتور تەن  ەلەكتر قۋا­تىن قابىلداۋ جونىندەگى قۇجاتتار تاپ-تۇيناقتاي ءازىر ەتىلمەگەندىكتەن, بىرقا­تار الەۋمەتتىك-تۇرمىستىق نىسان­دار­­دىڭ جارىقسىز قالۋ قاۋپى بار دەي كەلىپ, ءورتتىڭ جارتىسىنا جۋىعى ەلەكتر سىم­دا­رىنىڭ تۇيىقتالۋى سالدارىنان  ورىن الاتىنىن رەنىشپەن جەتكىزدى. كەڭەستە  اۆتوكولىك جولدارى كوميتەتى جەرگىلىكتى دەپارتامەنت باستىعىنىڭ ورىنباسارى ارمان ءجۇسىپوۆتىڭ, جولاۋشىلار تاسى­ما­لى  جانە اۆتوكولىك جولدارى باسقار­ما­سى باستىعىنىڭ ورىنباسارى سەرىك مۇحاماديەۆتىڭ ءبىراز قىزارۋىنا تۋرا كەلدى. وبلىستىق ما­ڭىز­داعى جولداردى كۇتىپ ۇستاۋ ماسە­لەسىنە قاتىستى ارىز-شاعىم كوبەيمەسە, ازايار ەمەس. ماسە­لەن, ع.مۇسىرەپوۆ اۋ­دانىندا  جاۋاپتى ورىن­دار­دىڭ سال­عىرت­­تىعىنان جولدا باتىپ قالعان كولىكتەر مەن ادامدارعا كومەك  كەشىگىپ جەتكەن. جول بەلگىلەرىن قالپى­نا كەلتىرۋدە دە كەمشىلىكتەر جوق ەمەس. جيىندا 2011-2012 جىلدارداعى قىسقى ماۋسىمدا  تجم اۋماقتىق قۇرى­لىمدارى مەن جەرگىلىكتى باسقارۋ ورگان­دارىنىڭ ازىرلىگىن كۇشەيتۋ مىندەتتەرى بەلگىلەندى. ءومىر ەسقالي. سولتۇستىك قازاقستان وبلىسى.