شىرايى كىرگەن شارۋاشىلىق

ءبارىمىز دە اۋىلدا تۋىپ, اۋىلدا وستىك. ونىڭ قاندايدا ءبىر جەتىستىككە جەتىپ, قۇل­پىرعانىن كورۋ سوندا قانات قاققان كەز كەلگەن جاننىڭ كوڭىلىنە قۋانىش سىيلايدى. وتكەنگە ءسال كوز جۇگىرتسەك, توقسانىنشى جىل­داردىڭ ورتا شەنىنە تامان جۇمىسسىز­دىقتىڭ سالدارىنان اۋىلداعى قانشاما ءوندىرىس وشاقتارى مەن مال قورالاردىڭ تەك قاڭقاسى, سونداي-اق ەگىس القاپتارىنىڭ بوس قالعانى بار ەدى. وكىنىشكە قاراي, بۇل كورى­نىستەر ءالى دە بارشىلىق. الايدا, قازىرگى تاڭ­دا ۇكىمەت تاراپىنان كوڭىل ەرەكشە ءبولى­نۋىنىڭ ارقاسىندا شىرايى كىرگەن اۋىلدار سانى كوبەيىپ كەلە جاتقانى سۇيسىندىرەدى. بۇل رەتتە, ارينە, اۋدان, اۋىل اكىمدەرىمەن قوسا سول جەردەن تۇلەپ ۇشقان ەڭبەكسۇيگىش كاسىپكەرلەردىڭ دە ەڭبەكتەرىن ايتقان ورىن­دى. بۇگىندە رەڭى كىرىپ, بەرەكەلى تىرشىلىكتىڭ ۇلگىسىن كورسەتىپ وتىرعان جەرلەردىڭ ءبىرى اقمولا وبلىسىنىڭ استراحان اۋدانى. استىقتى اۋداننىڭ استىعى جايىندا گازەتىمىزدىڭ بۇرىنعى ساندارىندا ءبىرشاما ايتقان ەدىك. ەندىگى ايتپاعىمىز – اۋدانداعى كارتوپ ءوسىرىپ, ونى وڭدەۋدەگى يگى جۇمىستار جايىندا بولماق. «شيششوۆ ە.ي.» شارۋا قوجالىعىنىڭ جۇرگىزىپ جاتقان بۇل كاسىبى كىمدى دە بولسا قىزىقتىرماي قويمايتىنداي. جوعارىدا ايتىلعانداي, بوس قالعان ەگىستىك القاپتارىنىڭ قاتارىندا وسى كارتوپ ەگىلگەن 110 گەكتار جەر دە بولىپتى. بۇل جەردەن ءونىم الىنىپ جاتقانىنا بيىل بۇيىرتسا, ءۇشىنشى جىل. ون جەتى جىل بوس جاتقان وسى القاپتى اتالمىش قوجالىق ەل يگىلىگىنە اينالدىرۋدا ەكەن. اۋداننان ونشا قاشىقتا ورنالاسا قوي­ما­عان شارۋاشىلىق جەرىندە قىزۋ جۇمىس­تار­دىڭ كۋاسى بولدىق. ورتالىق حالقىنا ماۋسىمدىق كەزدە جۇمىس تاۋىپ بەرىپ وتىرعان قوجالىقتىڭ بۇل ىسىنە جەرگىلىكتى جۇرتشىلىق ءدان ريزا. ەگىس باسىندا جانتالاسا ەڭبەك ەتىپ جاتقان جۇمىسشىلار كۇمىس­جان بايعوجينا مەن ۆالەنتينا كۋلينيچ ماۋسىمدىق جۇمىستى اسىعا كۇتەتىندىكتەرىن ايتادى. قانشا ەڭبەكاقى الاسىزدار دەگەن سۇراعىمىزعا ەكەۋى دە: «بىزگە تونناعا قاراپ تولەيدى. جوسپاردى ورىنداساق, شامامەن كۇنىنە ادام باسىنا ەكى, ەكى جارىم مىڭ تەڭگەدەي بولىپ قالادى. قىسقاسى, بۇيىرعا­نى عوي», – دەپ ك ۇلىمسىرەيدى ولار. سونداي-اق, كارتوپتى سۇرىپتاپ وڭدەيتىن ارنايى تەح­نيكانى ەرەكشە اتاۋعا بولادى. مۇندا ساعا­تىنا ءبىر مەزگىلدە 15 توننا كارتوپ ءتورت تۇردە سۇرىپتالادى. بۇل دا ءبىراز ادامدى جۇمىسپەن قامتىعان. قوجالىقتىڭ اتقارۋ­شى ديرەكتورى اناتولي سىسوەۆ ءبىزدى كارتوپ ساقتايتىن ارنايى قويمالارمەن تانىس­تىردى. سونىڭ ءبىرى سىيىمدىلىعى 350 تون­نا­لىق تۇقىمدىق سۇرىپتاعى كارتوپتار ساقتالاتىن قويما. – گەكتارىنا 300 تسەنتنەردەن جوعارى ءونىم الىپ جاتىرمىز. بۇل جاقسى كورسەتكىش. سۇرىپتايتىن تەحنيكانىڭ كارتوپتارىنان بولەك, ونىمدەردىڭ دەنىن ەگىس باسىنان وزگە ايماققا دا الىپ كەتىپ جاتقاندار دا جەتەرلىك. بۇل دا ءبىزدىڭ جۇمىستارىمىزعا تىڭ سەرپىن بەرەدى, – دەيدى اناتولي نيكولاەۆيچ. ال شارۋاشىلىقتىڭ اگرونومى يگور بۋلگاكوۆ تۇراقتى تۇردە جۇمىس جاسايتىن 8 جۇمىسشىنىڭ بارلىق جاعدايى جاسالعانىن جەتكىزدى. بۇلاردىڭ قاتارىندا كەزەكتى ەڭبەك دەمالىسى مەن ۋاقىتشا ەڭبەككە جارامسىز­دىق جاعدايىندا تولەنەتىن اقىلار دا بار. سايىپ كەلگەندە, بەرەكەلى شارۋاشىلىقتاعى جۇمىستار لەگى قارقىندى دەڭگەيدە ءجۇرىپ جاتقاندىعى بايقالادى. يگىلىكتى جۇمىستى جاندارىنا سەرىك ەتكەن كاسىپكەرلەردىڭ اۋىل تۇرمىسىن كوتەرۋدە جاساپ جاتقان جانكەشتى ەڭبەكتەرىن قالاي ماقتاساڭ دا جاراسادى. اتالعان شارۋاشى­لىق­تاعى جۇمىستار دا وسى قاتاردان ورىن الادى. ۇجىمداعى قىزۋ شارۋالار بىزگە وسىنى اڭعارتتى. ءابدىراحمان قىدىربەك. اقمولا وبلىسى, استراحان اۋدانى. سۋرەتتى تۇسىرگەن  قايىربەك مۇقىشەۆ.