قۇتقارۋشىلار دەر كەزىندە كومەككە جەتپەگەندە ونىڭ اقىرى قايعىلى وقيعاعا سوقتىرارى كادىك ەدى. مامليۋت قالاسىنىڭ 9-سىنىپ وقۋشىسى ايرىقشا سۋرەت جاساپ, قۇربىلارىن تاڭداندىرماق بولعان. ءسويتىپ, قولىنا ۇيالى تەلەفونىن الىپ, جوعارى ۆولتتى باعاناعا شىققان. قاس-قاعىم ساتتە توك سوققانىن ءوزى دە اڭعارماي قالعان.
مامليۋت اۋدانىنىڭ ءىىب كەزەكشى بولىمىنە جاس جىگىتتىڭ باعانادا اسىلىپ تۇرعانى جايلى حابارلاما كەلىپ تۇسكەن. ەلەكترشىلەر وقيعا ورىن العان جەرگە جەدەل جەتىپ, كەرنەۋدى توقتان اجىراتقان. مەكتەپ وقۋشىسى شۇعىل تۇردە اۋرۋحاناعا جەتكىزىلىپ, جەدەل جاردەم كورسەتىلگەن. قۋانىشقا وراي, ء«وزىمشىل» اۋەسقويدىڭ سەلفيگە اۋەستىگى كۇيىك جاراقاتىن الۋمەن عانا شەكتەلگەن. قازىرگى ۋاقىتتا دەنساۋلىعى قالىپتى بولعانىمەن, ابدەن ۇرەيلەنىپ قالعانى بايقالادى.
«بالالار بيىك عيماراتتاردا, سۋدىڭ جاعاسىندا جانە باسقا دا جەرلەردە ايرىقشا سۋرەتكە تۇسۋگە قۇمار. بىلاي قاراعاندا قاۋىپ جوق سياقتى. بىراق جەلدىڭ ەكپىنى, ەلەكتر كەرنەۋى, توپىراقتىڭ وپىرىلۋ سەكىلدى ادام ومىرىنە قاۋىپ توندىرەتىن قۇبىلىستاردى ەسكەرە بەرمەيتىنى وكىنىشتى. سوندىقتان ەرەسەكتەر بالالارعا سەلفيمەن اۋەستەنۋدىڭ قاۋىپتىلىگىن ءتۇسىندىرۋى قاجەت. الەمنىڭ كوپتەگەن ەلدەرىندە مونوپودتاردى پايدالانۋعا ارنايى تىيىم سالىنعان», دەلىنگەن وبلىستىق ىشكى ىستەر دەپارتامەنتىنىڭ ءباسپاسوز قىزمەتى تاراتقان اقپاراتتا.
ءومىر ەسقالي.
«ەگەمەن قازاقستان»
سولتۇستىك قازاقستان وبلىسى
