احمەتبەك نۇرسيلانىڭ قاتىسىۋمەن وبلىس ورتالىعىندا ەلىمىزدەگى «بيزنەس باستاۋ» كاسىپكەرلىك مەكتەبىنىڭ فيليالى اشىلدى. جاڭاشا مەكتەپتىڭ العاشقى اشىلۋ ءراسىمىن وتكىزگەن كاسىپكەر كەزدەسۋ بارىسىندا تابىسقا جەتۋدىڭ قىر-سىرىن ايتىپ بەردى. ەستاي اتىنداعى مادەنيەت سارايىندا ءوز كاسىبىن اشىپ, ودان ءارى جەتىلدىرۋگە نيەت بىلدىرگەن تۇرعىندارعا ارنالعان ترەنينگ ءوتتى.
ال بيزنەسمەننىڭ ايتۋىنشا, كاسىپكەرلەر مەكتەبىنىڭ اشىلۋ ماقساتى – شاعىن جانە ورتا بيزنەستى دامىتۋ. جالپى, وقىتۋ باعدارلاماسى – سالا تاڭداۋ, جارناما ءماتىنىن قۇراستىرۋ, باننەر, سايت جاساۋ, سايت تەحنيكاسى, تارگەتينگ, ساتۋ ونەرى, بەينەروليك سياقتى بىرنەشە كەزەڭدەردەن تۇرادى. مىسالى, 60 كۇنگە سوزىلاتىن «الامان» كۋرسىنىڭ ونلاين رەجىمىندەگى باعاسى 55 مىڭ تەڭگە.
ەندى وسى كاسىپكەرمەن بولعان بيزنەس كەزدەسۋدەن كەيىن ايىنا 40-45 مىڭ تەڭگە ەڭبەكاقى الىپ جۇرگەن ادامداردىڭ ايىنا جارتى ميلليون اقشا تابۋلارى دا مۇمكىن ەكەن. ويتكەنى ولار قالاي مول تابىسقا, كوپ اقشا تابۋدىڭ جولدارىن ۇيرەنەدى. ياعني, اركىمنىڭ ءوز بيزنەسىن دامىتۋ ءۇشىن ەڭ باستىسى ەرىك-جىگەر مەن نيەت, ءبىلىم كەرەك. بىراق, كۋرسقا قاتىسۋشىلار قاتارى ءالى دە ازداۋ. احمەتبەك نۇرسيلانىڭ ايتۋىنشا, ءبىزدىڭ وبلىسقا قاراعاندا ەلىمىزدىڭ باتىس قازاقستان, قىزىلوردا, استانا, وڭتۇستىك قازاقستان وڭىرلەرىنىڭ تۇرعىندارى بەلسەندىلىك تانىتۋدا. قاتىسۋشىلاردىڭ از بولۋى مۇمكىن, ءوندىرىستى وڭىردە شوعىرلانعان ءىرىلى-ۇساقتى كاسىپورىنداردىڭ كوپتىگى, جۇمىس ورىندارىنىڭ دەنى زاۋىتتاردا, كاسىپورىنداردا بولعاندىقتان كوپشىلىك تۇرعىندار وندىرىستە ەڭبەك ەتەدى.
احمەتبەك نۇرسيلا كەزىندە پاۆلودار قالاسىنداعى «اسىل اعاش» جيھاز جاساۋ فيرماسىندا قىزمەت ەتكەن. سول كەزدەرى يتاليا, كانادا, امەريكانىڭ ەرىكتىلەرىمەن بايلانىس ورناتىپ, كوپ نارسەنى ۇيرەنگەنىن دە ايتىپ ءوتتى.
- جالپى, بيزنەس مەكتەبى ادامنىڭ قارجىسىز ءوز ءىسىن باستاۋدى, دۇرىس ءومىر ءسۇرۋدى, ۋاقىتتى جوسپارلاۋدى ۇيرەتەدى. سودان سوڭ ادام ءوز كومانداسىن جينايدى. بيزنەس ادامدارعا پايدا اكەلۋ كەرەك, - دەيدى كاسىپكەر
فاريدا بىقاي,
«ەگەمەن قازاقستان»
