تەز ارادا وقيعا ورنىنا جەرگىلىكتى پوليتسيا قىزمەتىنىڭ جول-پاترۋلدىك پوليتسياسىنىڭ قىزمەتكەرلەرى جەتەدى. الايدا جاس جىگىت سۋعا سەكىرىپ ۇلگەرگەن. قۇتقارۋعا العاشقى بولىپ استانا قالاسى ءىىد جپق جول-پاترۋلدىك پوليتسياسىنىڭ لەيتەنانتى ازامات بالتاباەۆ كىرىسەدى. ونىڭ سوڭىنان فرانتسيا ەلىنىڭ ازاماتى جورج كيەففەر كومەككە كەلەدى. ەكەۋى بىرلەسە جاس جىگىتتى سۋدان الىپ شىعىپ, العاششقى مەديتسينالىق كومەك كورسەتىپ, جەدەل جاردەم قىزمەتكەرلەرىنە تاپسىرعان.
جىگىتتىڭ 1991 جىلعى شىعىس-قازاقستان وبلىسىنىڭ تۇرعىنى ەكەندىگى انىقتالدى. وتباسىلىق ۇرىس-كەرىستىڭ سالدارىنان وزىنە قول جۇمساماق بولعان.
فرانتسيالىق ازامات جورج كيەففەردىڭ پوليتسيا اعا سەرجانتى ەكەندىگى جانە ونىڭ فرانتسيا ەلشىلىگىنىڭ قاۋىپسىزدىك جونىندەگى وفيتسەرى بولىپ قىزمەت ەتەتىندىگى انىق بولدى.
ەلوردالىق پوليتسەي ازامات بالتاباەۆتىڭ ادام ءومىرىن ساقتاۋداعى بۇل ارەكەتى ءبىرىنشى ەمەس. اعىمداعى جىلدىڭ 2 مامىرىندا ول «يرگيز-134» ەكيپاجىنىڭ قۇرامىندا بولىپ سارايشىق كوشەسى بويىنداعى پاتەرلەردىڭ ءبىرى تۇتىندەپ جاتقاندىعىن بايقاپ, ءىىش جەدەل باسقارۋ ورتالىعىنا شۇعىل ارادا حابارلاعان. پاتەردىڭ التىنشى قاباتىندا وزدىگىنەن قوزعالا الاتىن قارت جاستاعى ايەل ادامنىڭ جانە سەگىزىنشى قاباتتاعى ەر ادامنىڭ بارىن بىلە سالىسىمەن ازامات بالتاباەۆ ولاردى دالاعا الىپ شىققان.
