«بۇل جاقتا ايران, شۇبات جانە قىمىزدى كوپتەپ تۇتىناتىنىن بىلەمىن. مەن وسى ونىمدەردى ءبىر جولعا قويا بىلسە, زور تابىسقا كەنەلۋگە بولاتىنىنا سەنىمدىمىن. سەبەبى, شۇبات وتە كەرەمەت سۋسىن. ايراننىڭ دا ءدامى ەرەكشە. ال مەن ماسەلەن, قىمىزدى جاقسى كورەمىن. فرانتسۋزدار قىمىزدىڭ دامىنە ۇيرەنگەن جوق. ونىمگە سۇرانىستى ارتتىرۋ ءۇشىن فرانتسۋزداردى قىمىزعا ۇيرەتۋ كەرەك! وتكەندە شىعىس قازاقستانعا بارعانىمدا ماعان قىمىز ۇسىندى. قىزىعىپ كەتكەنىم سونشالىق, ەكى ءليترىن وزىممەن الا كەلدىم», دەيدى ەلشى.
فرانسيس ەتەننىڭ ايتۋىنشا, قازاقستاندا شەتەلدىك نارىققا ۇسىنۋعا تۇرارلىق سۋسىندار بار. ونىڭ سوزىنە سەنسەك, شۇبات دەپرەسسيادا جۇرگەندەردى جازا الاتىن تاپتىرماس سۋسىن ەكەن.
«Danone» قازىرگى ۋاقىتتا شۇباتتى زەرتتەپ جاتىر. ەڭ باستىسى, قايتالاپ ايتارىم - فرانتسۋزدارعا بۇل جاقتاعى ونىمدەردىڭ دامىنە ۇيرەتۋ كەرەك! ەگەر نارىقتا سۇرانىسقا يە بولۋىنا بىرلەسە كۇش سالساق, شۇباتتى فرانتسيادا وندىرۋگە بولادى», دەپ ءتۇيدى فرانسيس ەتەن.
