وسى جىلدىڭ سوڭىنا دەيىن تاعى 111 ءۇي كۇرەلىپ, 1850 تۇرعىن جاڭا باسپاناسىنا قونىستانادى دەپ جوسپارلانىپ وتىر. وسىعان وراي, ەلوردا اكىمدىگى مەديا ورتالىعىنىڭ تىلشىلەرى اپاتتى ۇيلەردىڭ قالاي كۇرەلىپ جاتقانىن كورىپ, جۇمىسشىلاردىڭ ءبىر كۇندىك جۇمىسىنان فوتورەپورتاج دايىندادى.
2013-2016 جىلدار ارالىعىندا كۇرەلگەن توتەنشە جاعدايداعى ۇيلەردە تۇرىپ كەلگەن 1570 وتباسى جاڭا پاتەرگە قونىستاندى. جىل سوڭىنا دەيىن قونىس تويىن تويلاۋشىلاردىڭ سانى 1850 وتباسىعا كوبەيمەك. سەبەبى, بيىلعى جىلدىڭ سوڭىنا دەيىن كۇرەلەتىن اپاتتى ۇيلەردىڭ تۇرعىندارىنا وسىنشا پاتەردىڭ كىلتى تابىستالادى.
جالپى كۇرەلىپ جاتقان ۇيلەردىڭ دەنى وتكەن عاسىردىڭ 40-70 جىلدارىندا سالىنعان. توزىعى جەتكەن ۇيلەردە تۇرۋ ادام ومىرىنە قاۋىپ توندىرەدى. ينجەنەرلىك جەلىلەر توزعان, ەسىك-تەرەزەلەرى شىرىگەن ۇيلەردىڭ ەدەندەرى مەن جەلتورەلەرىنىڭ جاعدايى ايتپاسا دا تۇسىنىكتى. ءسوزىمىزدىڭ باسىندا اتاپ وتكەندەي جىل سوڭىنا دەيىن 111 ءۇيدى كۇرەۋ كوزدەلىپ وتىر. ەلورداداعى ەڭ كوپ اپاتتى ءۇي سارىارقا اۋدانىندا. ولاردىڭ سانى - 124. الماتى اۋدانىندا - 82, ال ەسىلدە - 22 توزىعى جەتكەن ءۇي بار-دى.
اپاتتى ۇيلەردى بۇزۋ جۇمىسى عيماراتتىڭ توبەسىن اشۋدان باستالادى. ودان سوڭ جىلۋ جەلىلەر مەن توبەدەگى بەتون قاپتامالارى الىنادى. كىرپىشتەرىن ءبىر بولەك, قوقىستارىن بىربولەك جيناپ, ەڭ سوڭىندا قالا سىرتىنداعى قوقىس پوليگونىنا جونەلتىلەدى. جىل سوڭىنا دەيىن كۇرەلەتىن ۇيلەردىڭ ورىندارىنا استانا بيلىگى ساياباقتار مەن گۇلزارلار سالۋدى جوسپارلاپ وتىر.
بۇل ۇيلەردى كۇرەۋ ەڭ الدىمەن ازاماتتاردىڭ قاۋىپسىزدىگىن قامتاماسىز ەتۋ ءۇشىن قاجەت. ءومىر ءسۇرۋ دەڭگەيىنىڭ ساپاسىن ارتتىرۋ دا كۇن تارتىبىندەگى باستا ماسەلە ەمەس پە؟ سونداي-اق قورقىنىشتى فيلمدەگى جارتىلاي قيراپ, دال-د ۇلى شىققان ۇيلەر ەلوردانىڭ ءسانىن كىرگىزبەسى انىق. ساۋلەتى مەن سالتاناتى كۇن ساناپ اسقاقتاپ جاتقان استانانىڭ تۇرعىندارى جاقسى ءارى جايلى ءھام جاڭا ۇيدە تۇرسا دا بولادى.
وكىنىشتىسى, تۇرعىنداردىڭ ءبارى مۇنى تۇسىنە بىلمەيدى. بۇگىندە اپاتتى ۇيلەردە تۇرىپ كەلگەن ەلوردالىقتاردىڭ 95 پايىزى جاڭا پاتەرلەرگە كوشۋگە كەلىستى. ال كەيبىر تۇرعىندار جاڭا باسپانادان باس تارتىپ وتىر.
