قازىر ەت كلاستەرى بويىنشا دايىندىق جۇمىسى قىزۋ جۇرگىزىلۋدە. ايماقتا ء«ىرى قارا مال ەتىنىڭ ەكسپورتتىق الەۋەتىن دامىتۋ» باعدارلاماسى اياسىندا اۋقىمدى شارالار ىسكە اسىرىلۋدا.
قازالى اۋدانىنداعى «سىر مارجانى» جشس-ءنىڭ 500 باسقا ارنالىپ سالىنعان مىق مالىن بورداقىلاۋ الاڭىندا جىل باسىنان بەرى 200-دەن استام سيىر بورداقىلانىپ, ونىڭ 100-ءى سويىپ, ساتىلدى.
بۇگىنگى كۇنى الاڭنىڭ قۋاتتىلىعىن 3000 باسقا ۇلعايتۋ بويىنشا جۇمىس جۇرگىزىلىپ جاتىر. سونىمەن قاتار الاڭ جانىنان ەت كونسەرۆىلەۋ زاۋىتىن اشۋ جوسپارلانىپ, ەت كلاستەرىن جاساۋ ءۇشىن دايىندىق جۇمىستارى باستالدى.
رف استراحان قالاسىنىڭ اكىمشىلىگىمەن 20 توننا ەت ءونىمىن ەكسپورتقا شىعارۋ جونىندە مەموراندۋم جاساۋ بويىنشا كەلىسسوزدەر جۇرگىزىلۋدە.
مال شارۋاشىلىعىنىڭ دامۋىنا دەم بەرگەن «سىباعا» باعدارلاماسى اياسىندا وسى جىلى 262 باس انالىق سيىر مەن 9 باس اسىل تۇقىمدى بۇقا ساتىپ الۋ جوسپارلانعان.
ەسكە سالا كەتەيىك, «قازاقستان رەسپۋبليكاسىندا ىقم ەتىن ەكسپورتىق الەۋەتىن دامىتۋ جوباسىن» «قازاگرو» ۇبح» اق جانە «قازاگروونىم» اق ەلباسىنىڭ اوك ەكسپورتتىق الەۋەتىن ۇلعايتۋ قاجەتتىگى تۋرالى تاپسىرماسىن ورىنداۋ ءۇشىن ازىرلەگەن.
