ءبىرىنشى مەديتسينالىق كومەك كورسەتۋ, «ۆيزيت كارتوچكاسى» كورسەتىلىمى, قابىرعا گازەتى مەن توپ باسشىلارى سايىسى بويىنشا قۇتقارۋشىلار سىنعا ءتۇستى. سونىمەن بىرگە جاۋىنگەرلىك قانات جايۋ, تابيعي ورتا جاعدايىندا قۇتقارۋ-ىزدەستىرۋ جۇمىستارى, سۋ ايدىندارىندا قۇتقارۋ جۇمىستارى بويىنشا ءوز شەبەرلىكتەرىن كورسەتتى.
جارىس قورىتىندىسى بويىنشا اباي اۋدانىنىڭ جاس قۇتقارۋشىلار قۇراما كومانداسى «ۆيزيت كارتوچكاسى» سايىسىندا جانە كاپيتاندار سايىسىندا ءساتتى ونەر كورسەتىپ, جۇلدەلى 3-ءشى ورىنعا يە بولدى. بۇحار-جىراۋ اۋدانىنىڭ اتىنان قاتىسقان كوماندا «جاۋىنگەرلىك قانات جايۋ» قاشىقتىقتا جانە «تابيعي ورتا جاعدايىنداعى ىزدەستىرۋ-قۇتقارۋ جۇمىستارى» كەزىندە ءبىرىنشى ورىن الىپ, سونىمەن قاتار كاپيتاندار سايىسىندا, بارلىق جارىستىڭ قورىتىندىسى بويىنشا جالپىكوماندالىق 2 ورىندى يەلەدى. «فاكەل» ساۋىقتىرۋ لەگەرىنىڭ قۇراماسى «سۋ اكۆاتورياسى قۇتقارۋ جۇمىستارى» قاشىقتىعىندا, قابىرعا گازەتى سايىسىندا, كاپيتاندار سايىسىندا ءبىرىنشى ورىن الىپ, بارلىق جارىستاردىڭ قورىتىندىسى بويىنشا «جاس قۇتقارۋشىلار» وبلىستىق جارىسىندا جەڭىمپاز اتاندى.
جارىستىڭ قورىتىندىسى بويىنشا بارلىق قاتىسۋشىلارعا العىس حاتتار, ديپلومدار, ەستەلىك سىيلىقتار جانە مەدالدار تابىس ەتىلدى, ال جەڭىمپاز كومانداعا جەڭىس كۋبوگى تابىستالدى. جەڭىسكە دەگەن جىگەرى ءۇشىن, جۇلدەلى ورىندارعا يە بولعان كوماندالارعا ىنتالاندىرۋ سىيلىقتارى بەرىلدى. سونىمەن قاتار جەكەلەگەن كەزەڭدەرىندە جۇلدەلى ورىندارعا يە بولعان كوماندالار العىس حاتتارمەن ماداقتالدى.
