ا. ايدارباەۆ ۇلت جوسپارىن ىسكە اسىرۋ اياسىندا ء«بىر تەرەزە» قاعيداسى مەن قۇرىلىستىڭ رۇقسات قۇجاتتارىن الۋدىڭ ءۇش ساتىلى قاعيداسى ەنگىزىلگەنىن مالىمدەدى. قۇجاتتاردى الۋ مەن ەسكيزدىك جوبالاردى بەكىتۋ مەرزىمدەرى – 40-60 كۇننەن 17-6 جۇمىس كۇنىنە دەيىن قىسقارتىلدى. قۇرىلىس سالۋعا رۇقسات بەرۋ ەلەكتروندىق تۇردە حابارلاما بەرۋگە الماستىرىلدى.
«2020 جىلعا قاراي جوبالىق-سمەتالىق قۇجاتتامانىڭ 90 پايىزعا دەيىن ساراپتاماسىن جەكە نارىق جۇرگىزەتىن بولادى. بۇگىندە بۇل كورسەتكىش 60 پايىزعا جەتتى», - دەدى ا. ايدارباەۆ.
بۇدان وزگە, ونىڭ ايتۋىنشا, ەۋروكودتارعا ارنالعان جاڭا نورماتيۆتىك بازا ەنگىزىلدى جانە 2019 جىلدىڭ سوڭىنا دەيىن وسى جۇيەگە تولىقتاي اۋىسۋ جۇمىستارى جۇرگىزىلەدى. سونداي-اق جىل سوڭىنا دەيىن جالپى قۇرىلىستىق ماسەلەلەر بويىنشا قنجە جويىلادى, ولاردىڭ ورنىنا زاماناۋي تالاپتارعا ساي جاڭا نورمالار مەن ەرەجەلەر ەنگىزىلەدى.
«قۇرىلىس سالاسىنداعى رەفورمالاردىڭ ناتيجەسىندە قازاقستان Doing Business ەسەبى بويىنشا 2015 جىلدان باستاپ ءوز ورنىن 130 پۋنكتكە جاقسارتتى, ياعني 152-دەن 22-ورىنعا كوتەرىلدى», - دەدى ا. ايدارباەۆ.
