«قازاقستاندىق ديپلوماتتار ەلىمىزدىڭ 6 ازاماتىن قايتارۋ ءۇشىن كاير اۋەجايىنا جەتكىزدى. 1 تامىز كۇنى كەشكىسىن مىسىر ۇلتتىق قاۋىپسىزدىك كوميتەتىنىڭ وكىلدەرى قازاقستاننىڭ ەلشىلىگىمەن حابارلاسىپ, وسىعان دەيىن ۇستالعان قازاقستاندىق ازاماتتاردىڭ بارلىعىن ەلىنە دەپورتاتسيالايتىندىقتارى تۋرالى ايتتى»,- دەلىنگەن حابارلامادا.
وسىدان كەيىن قازاقستاننىڭ كونسۋلى ارنايى راسىمدەردى ۇيىمداسترۋ ءۇشىن اۋەجايعا كەلىپ, ەلىمىزدىڭ ازاماتتارىمەن جۇزدەسكەن. ولاردىڭ جاعدايلارى جاقسى جانە جاقىن ارادا ەلگە جەتكىزىلەدى. قازاقستاندىقتاردى ۇستاۋ سەبەپتەرى ازىرگە ايتىلماي وتىر. مىسىر بيلىگىنىڭ اقپاراتىنا سەنسەك, ەلىمىزدىڭ ازاماتتارىن ۇستاۋ بويىنشا بارلىق مالىمەتتى اراب ەلىنىڭ قۇقىق قورعاۋ ورگاندارى قوسىمشا حابارلايتىن بولادى.
