رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ نورماتيۆتىك قاۋلىسى №4-نپ

2011 جىلعى 31 تامىز,  استانا قالاسى مەملەكەتتىك قارجىلىق باقىلاۋ ورگاندارى قىزمەتكەرلەرىنىڭ بىلىكتىلىگىن ارتتىرۋ ەرەجەسىن بەكىتۋ تۋرالى قازاقستان رەسپۋبليكاسى پرەزيدەنتىنىڭ 2002 جىلعى 5 تامىزداعى № 917 جارلىعىمەن بەكىتىلگەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى تۋرالى ەرەجەنىڭ 8-تارماعىنىڭ 23-2) تارماقشاسىنا سايكەس رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى قاۋلى ەتەدى: 1. قوسا بەرىلىپ وتىرعان مەملەكەتتىك قارجىلىق باقىلاۋ ورگاندارى قىزمەتكەرلەرىنىڭ بىلىكتىلىگىن ارتتىرۋ ەرەجەسى بەكىتىلسىن. 2. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتiنiڭ اپپارات باسشىسى ە.ق. سىزدىقوۆ بiر اي مەرزiمدە قازاقستان رەسپۋبليكاسىنىڭ ادiلەت مينيسترلiگiندە وسى نورماتيۆتىك قاۋلىنىڭ مەملەكەتتiك تiركەلۋiن قامتاماسىز ەتسiن. 3. وسى نورماتيۆتىك قاۋلى العاش رەسمي جاريالانعان كۇنiنەن باستاپ قولدانىسقا ەنگiزiلەدi. توراعا      و. وكسىكباەۆ. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2011 جىلعى «31» تامىزداعى № 4-نپ نورماتيۆتىك قاۋلىسىمەن بەكىتىلگەن مەملەكەتتىك قارجىلىق باقىلاۋ ورگاندارى قىزمەتكەرلەرىنىڭ بىلىكتىلىگىن ارتتىرۋ ەرەجەسى 1. جالپى ەرەجەلەر 1. وسى مەملەكەتتىك قارجىلىق باقىلاۋ ورگاندارى قىزمەتكەرلەرىنىڭ بىلىكتىلىگىن ارتتىرۋ ەرەجەسى (بۇدان ءارى – ەرەجە) قازاقستان رەسپۋبليكاسىنىڭ 2008 جىلعى 4 جەلتوقسانداعى بيۋدجەت كودەكسىنە سايكەس ازىرلەنگەن جانە مەملەكەتتىك قارجىلىق باقىلاۋ ورگاندارى قىزمەتكەرلەرىنىڭ (بۇدان ءارى – قىزمەتكەرلەر) بىلىكتىلىگىن ارتىرۋدى ۇيىمداستىرۋ مەن جۇرگىزۋدىڭ ءتارتىبىن ايقىندايدى. 2. باقىلاۋدى ءتيىمدى جۇزەگە اسىرۋ ءۇشىن قىزمەتكەرلەردىڭ ءتيىستى كاسىبي دەڭگەيىن قولداۋ, سونداي-اق قىزمەتكەرلەردىڭ بىلىمدەرى مەن داعدىلارىن ارتتىرۋعا قاجەتتىلىكتەرىن قاناعاتتاندىرۋ بولىگىندەگى مەملەكەتتىك قارجىلىق باقىلاۋدىڭ «قۇزىرەتتىلىك» ستاندارتىن ساقتاۋ ماقساتىندا قىزمەتكەرلەردىڭ بىلىكتىلىگىن ارتتىرۋ جۇزەگە اسىرىلادى. 3. بىلىكتىلىك ارتتىرۋدى: 1) جۇيەلى تۇردە; 2) عىلىمي تۇردە; 3) ءوز بەتىنشە ءبىلىم الۋمەن ۇشتاستىرا وتىرىپ جۇزەگە اسىرۋ قىزمەتكەرلەردىڭ بىلىكتىلىگىن ارتتىرۋدىڭ نەگىزگى پرينتسيپتەرى بولىپ تابىلادى. 4. بىلىكتىلىكتى ارتتىرۋ قىزمەتكەرلەردىڭ بۇرىن ءتيىستى دەڭگەيلەردە العان كاسىبي بىلىمدەرى مەن داعدىلارىن ۇشتاۋدى قامتاماسىز ەتەدى جانە بىلىكتىلىكتى ارتتىرۋ سەرتيفيكاتىمەن راستالادى. 2. بىلىكتىلىكتى ارتتىرۋدىڭ شارتتارى 5. رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) قازاقستان رەسپۋبليكاسىنىڭ اۋماعىندا, سونداي-اق ودان تىس جەردە قىزمەتكەرلەردىڭ بىلىكتىلىگىن ارتتىرۋدى ءتيىستى عىلىمي ۇيىم (بۇدان ءارى – وقىتۋشى ۇيىم) ارقىلى ۇيىمداستىرادى. 6. مەملەكەتتىك قىزمەتشىلەردىڭ شەتەلدە بىلىكتىلىگىن ارتتىرۋ جاعدايلارىن قوسپاعاندا, سىرتقى مەملەكەتتىك قارجىلىق باقىلاۋ ورگاندارى قىزمەتكەرلەرىنىڭ بىلىكتىلىگىن ارتتىرۋ كەمىندە 3 جىلدا ءبىر رەت جۇزەگە اسىرىلادى. 7. بىلىكتىلىكتى ارتتىرۋ باعدارلامالارى باقىلاۋدى جوسپارلاۋ مەن باقىلاۋدىڭ قورىتىندىسىن شىعارعانعا دەيىنگى ونىڭ بارلىق كەزەڭدەرىندە مەملەكەتتىك قارجىلىق باقىلاۋ (اۋديت) جۇرگىزۋدى ۇيىمداستىرۋدىڭ بەيىمدەلگەن الەمدىك جانە وتاندىق تاجىريبەسىن قامتيدى, ولار باقىلاۋدىڭ ء(اۋديتتىڭ) جەكەلەگەن ۇلگىلەرى بويىنشا ءبىر باعىتقا مامانداندىرىلعان وقۋ باعدارلامالارىن قامتۋى مۇمكىن. بىلىكتىلىكتى ارتتىرۋ باعدارلامالارى شەڭبەرىندە عىلىمي-اقپاراتتىق الماسۋ بويىنشا ءىس-شارالار, ماستەر-كلاسستار, ترەنينگتەر, ءوز بەتىنشە ءبىلىم الۋ, تاجىريبە جۇزىندە وقۋ (جۇمىس ورنىندا تاعىلىمدامادان ءوتۋ) جۇرگىزىلۋى مۇمكىن. 8. نەگىزگى بىلىمدەرىنىڭ دەڭگەيى بىردەي نەمەسە ءار ءتۇرلى بولىپ كەلەتىن بىردەي نەمەسە ءار ءتۇرلى لاۋازىمداعى قىزمەتكەرلەر اراسىنان وقۋدىڭ ماقساتى مەن مازمۇنىنا قاراي وقۋ توپتارىن جاساقتاۋ جۇزەگە اسىرىلۋى مۇمكىن. 9. بىلىكتىلىكتى ارتتىرۋ باعدارلاماسىنا ەنگىزىلگەن قىزمەتكەرلەر تىڭداۋشىلار بولىپ تابىلادى. بولىنگەن بيۋدجەت قاراجاتى شەگىندە تىڭداۋشىلاردىڭ دەربەس قۇرامىن قالىپتاستىرۋ ەسەپ كوميتەتىنىڭ بىلىكتىلىكتى ارتتىرۋ باعدارلاماسى باستالعانعا دەيىن ءبىر ايدان كەشىكتىرمەي مەملەكەتتىك قارجىلىق باقىلاۋدىڭ ءتيىستى ورگاندارىنا جولداعان سۇراۋى بويىنشا جۇزەگە اسىرىلادى. شەتەلدە بىلىكتىلىكتى ارتتىرۋ باعدارلاماسىنان وتەتىن تىڭداۋشىلاردى ىرىكتەۋ وسى ەرەجەنىڭ 20-23-تارماقتارىندا كوزدەلگەن تارتىپپەن جۇزەگە اسىرىلادى. 10. بىلىكتىلىكتى ارتتىرۋ جۇمىستان قول ۇزبەستەن, قول ءۇزىپ, سونداي-اق ءىشىنارا قول ءۇزىپ جۇرگىزىلەدى. سوڭعى جاعدايدا قىزمەتكەرلەر مەملەكەتتىك قارجىلىق باقىلاۋ ورگانىنىڭ باسشىسىمەن كەلىسىپ, قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىنا سايكەس ءبىر مەزگىلدە وقي وتىرىپ, جۇمىسىن تولىق ەمەس جۇمىس ۋاقىتى جاعدايىندا اتقارا الادى. 11. تىڭداۋشىلاردىڭ, وقىتۋشى ۇيىمنىڭ جانە/نەمەسە شەتەلگە جىبەرۋشى ۇيىمنىڭ قۇقىقتارى مەن مىندەتتەرى وسى ەرەجەنىڭ 19-تارماعىندا كوزدەلگەن تالاپتار مىندەتتى تۇردە كورسەتىلە وتىرىپ, ءتيىستى شارتپەن رەسىمدەلەدى. 12. بىلىكتىلىكتى ارتتىرۋ باعدارلاماسىنىڭ تاقىرىبى بويىنشا تىڭداۋشىلاردىڭ ءبىلىم دەڭگەيىن انىقتاۋ ءۇشىن, وقۋ كەزىندە - اعىمداعى, وقۋ اياقتالعاننان كەيىن قورىتىندى باقىلاۋ وتكىزىلەدى. باقىلاۋ تەستىلەۋ جانە اڭگىمەلەسۋ تۇرىندە وتەدى. الىنعان بىلىمگە قورىتىندى باعا قويۋ نىسانىن وقىتۋشى ۇيىم ءوز بەتىنشە ايقىندايدى. تىڭداۋشىنىڭ قورىتىندى باقىلاۋدان وتە الماۋى بۇدان كەيىن ونىڭ بىلىكتىلىگىن ارتتىرۋ بويىنشا شارالار قولدانۋعا, ءوز بەتىنشە ءبىلىم الۋ اياسىندا قايتا دايارلاۋعا جانە قورىتىندى باقىلاۋدان وتپەي قالعاننان كەيىن التى ايدىڭ ىشىندە سەرتيفيكاتتاۋدان قايتا وتۋىنە نەگىز بولىپ تابىلادى. تىڭداۋشىنىڭ قورىتىندى باقىلاۋدان قايتادان وتە الماي قالۋى تۋرالى مالىمەتتەر مەملەكەتتىك قارجىلىق باقىلاۋ ورگانىنىڭ باسشىسىنا جىبەرىلەدى. 3. بىلىكتىلىكتى ارتتىرۋدىڭ مازمۇنى مەن مەرزىمى 13. بىلىكتىلىكتى ارتتىرۋ باعدارلامالارىن ىسكە اسىرۋ وقىتۋشى ۇيىمنىڭ جۇمىس وقۋ باعدارلامالارىنا سايكەس جۇزەگە اسىرىلادى. 14. وقۋ باعدارلامالارىندا تىڭداۋشىنىڭ اۋديتورلىق جۇمىسىنا جانە كۋرس باعدارلاماسىندا كورسەتىلگەن تاپسىرمالار شەڭبەرىندە ءوز بەتىمەن ءبىلىم الۋىنا وقۋ ۋاقىتى كوزدەلەدى. 15. قىزمەتكەرلەردىڭ بىلىكتىلىگىن ارتتىرۋدىڭ ۇزاقتىعى ءۇش كۇننەن ەكى اپتاعا دەيىن قۇرايدى. 16. قورىتىندى باقىلاۋدىڭ ناتيجەسى بويىنشا بىلىكتىلىكتى ارتتىرۋ باعدارلامالارىن يگەرگەن تىڭداۋشىلارعا سەرتيفيكات بەرىلەدى. 4. شەتەلدىك مامانداردى تارتا وتىرىپ شەتەلدە بىلىكتىلىكتى ارتتىرۋ 17. شەتەلدە وقىتۋ مەملەكەتتىك قارجىلىق باقىلاۋ (اۋديت) سالاسىندا ءبىلىم بەرۋ, عىلىمي-زەرتتەۋ قىزمەتىن جۇزەگە اسىراتىن شەتەلدىك ۇيىمداردا (بۇدان ءارى – شەتەلدىك ۇيىمدار) وتكىزىلەدى. شەتەلدىك جەتەكشى مامانداردى تارتۋ قازاقتاندىق تاراپ پەن شەتەلدىك ماماننىڭ جانە (نەمەسە) شەتەلدىك ۇيىمنىڭ اراسىندا جاسالاتىن شارتتارعا سايكەس جۇزەگە اسىرىلادى. 18. رەسپۋبليكالىق بيۋدجەت قاراجاتى ەسەبىنەن شەتەلدىك ۇيىمداردا بىلىكتىلىگىن ارتتىرۋعا مەملەكەتتىك قارجىلىق باقىلاۋ ورگاندارىندا كەمىندە ەكى جىل قىزمەت وتكەرىپ كەلە جاتقان مەملەكەتتىك قىزمەتشىلەر جىبەرىلەدى. 19. شەتەلگە وقۋعا جىبەرىلەتىن تىڭداۋشىلار بىلىكتىلىكتى ارتتىرۋ باعدارلاماسى اياقتالعاننان كەيىن ءبىر جىل بويى مەملەكەتتىك قارجىلىق باقىلاۋ ورگاندارى جۇيەسىندە جۇمىس ىستەۋگە ءتيىس. ەگەر تىڭداۋشى وقۋ باعدارلاماسىنان دالەلسىز سەبەپپەن شىعىپ قالعاندا نەمەسە وسى تارماقتىڭ ءبىرىنشى بولىگىندە كورسەتىلگەن ءوز مىندەتتەمەلەرىن ورىنداماعاندا, ول ءوزىنىڭ بىلىكتىلىگىن ارتتىرۋعا جۇمسالعان قاراجاتتى تولىق كولەمىندە قايتارۋعا ءتيىس. 20. شەتەلدە بىلىكتىلىكتى ارتتىرۋعا تىڭداۋشىلاردى ىرىكتەۋدى ەسەپ كوميتەتى اشىق كونكۋرس نەگىزىندە جۇزەگە اسىرادى. 21. كونكۋرسقا قاتىسۋ ءۇشىن ەسەپ كوميتەتىنە: 1) تىڭداۋشىعا كانديداتتىڭ ءوتىنىشى (ەركىن نىساندا); 2) مەملەكەتتىك قارجىلىق باقىلاۋ ورگانىنىڭ ءبىرىنشى باسشىسى نەمەسە ونى الماستىرۋشى تۇلعا قول قويعان ۇسىنىمحات; 3) قىزمەتتىك ءتىزىم; 4) شەتەلدىك ۇيىمداردىڭ تالاپتارى بويىنشا وزگە دە قۇجاتتار (ولار قاجەت بولعاندا) جىبەرىلەدى. 22. كانديداتتاردى ىرىكتەۋدى كونكۋرستىق كوميسسيا جۇزەگە اسىرادى, ونىڭ قۇرامىن ەسەپ كوميتەتىنىڭ توراعاسى بەكىتەدى. 23. مىنالار: 1) شەتەلدە وقۋ باعدارلاماسى بويىنشا قىزمەتكەردىڭ ماماندانۋى; 2) تىلدىك ءبىلىمى (قاجەت بولعاندا); 3) شەتەلدە بىلىكتىلىكتى ارتتىرۋدى وتكەرۋ ءۇشىن بۇرىن جاسالعان شارت (ول بولعان جاعدايدا) تالاپتارىن قىزمەتكەردىڭ ساقتاۋى كونكۋرستىق كوميسسيانىڭ وتكىزەتىن ىرىكتەۋىنە ىقپال ەتەتىن ولشەمدەر بولىپ تابىلادى. 24. كونكۋرستان وتكەن تىڭداۋشىلاردىڭ قورىتىندى ءتىزىمىن ەسەپ كوميتەتىنىڭ ءادىسناما مەن سىرتقى بايلانىستارعا جاۋاپتى قۇرىلىمدىق بولىمشەسى كونكۋرستىق كوميسسيانىڭ حاتتامالىق شەشىمى نەگىزىندە قالىپتاستىرادى. قورىتىندى تىزىمگە ەنگىزىلگەن ادامدار ناتيجەلەر تۋرالى حاباردار ەتىلەدى. قاۋلى قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 16 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7189 بولىپ ەنگىزىلدى.