NTI-ءدىڭ قازاقستان پرەزيدەنتىنە سىيلىعى

وسى جىلدىڭ 4 قازانىندا ۆاشينگتون قالاسىندا «يادرولىق قاتەردى قىسقارتۋ بويىنشا باستاما» (NTI) بەدەلدى امەريكالىق قورىنىڭ  قۇرىلعانىنا 10 جىل تولۋىمەن ۇشتاستىرىلعان  سىي­اقى­لارمەن ماراپاتتاۋ سالتانات­تى ءراسىمى ءوتتى. قور جاپپاي قىرىپ-جويۋ قارۋىن قولدانۋدىڭ جانە تارا­لۋى­نىڭ تاۋەكەلىن ازايتۋ جو­لىنداعى عالامدىق قاۋىپ­سىزدىكتى وزىنە ماقسات ەتەدى. قوردىڭ ناگرادالارىمەن ما­را­پاتتالعانداردىڭ اراسىندا  اۆ­ستراليانىڭ, ۇلىبري­تانيا­نىڭ, گەرمانيانىڭ, نورۆە­گيا­نىڭ, رەسەيدىڭ, اقش پەن تاياۋ شىعىستىڭ بىرقاتار ءىرى مەملەكەت قايراتكەرلەرى بار. ماراپاتتالۋشىلاردىڭ ءبىرىنشى قاتارىندا قازاقستان پرەزيدەنتى نۇرسۇلتان نازارباەۆتىڭ ەسى­مى اتالدى. قوردىڭ نەگىزىن سالۋشى اقش-تىڭ بۇرىنعى سە­ناتورى سەم نانن مەن بەلگىلى امە­ريكالىق بيزنەسمەن جانە فيلانتروپ تەد تەرنەر وزدەرىنىڭ سويلەگەن سوزدەرىندە اتاپ ءوت­كەندەي, NTI شەشىمى  پرەزيدەنت ن.نازارباەۆتىڭ يادرولىق قارۋ­سىز­دانۋ ىسىنە قوسقان اۋقىمدى ۇلە­سىن تانۋ بەلگىسى رەتىندە قا­بىلدانعان. مەملەكەت باسشى­سى­نىڭ قىزمەتىنە قور «يادرولىق قا­تەردى ازايتۋعا ۇلگى بولعان تۇڭ­عىش جول سالۋشىنىڭ باتىل كوش­باس­شىلىعى ءۇشىن», دەپ ءوزىنىڭ جو­عا­رى باعاسىن تۇجىرىمداپ وتىر. قازاقستاننىڭ اقش-تاعى ەلشىسى ەرلان ىدىرىسوۆ پرەزيدەنت ن.نازارباەۆتىڭ ناگراداسىن قا­بىل­داي وتىرىپ, ءوزىنىڭ جاۋاپ ءسو­زىندە NTI-ءدى قۇرۋشى­لار­دى 10 جىلدىق مەرەيتوي­لارى­مەن قۇت­تىقتادى جانە قازاقستان­نىڭ NTI ءوزىنىڭ الدىنا وسىدان 10 جىل بۇرىن قويعان يگىلىكتى ماق­ساتتاردى تولىق قولدايتىندىعىن ءبىلدىردى. كەلەسى اپتادا استانادا پرەزيدەنت ن.نازارباەۆتىڭ باس­تا­ماسى بويىنشا NTI مىندەتتەرىمەن ۇندەس يگىلىكتى ماقساتتار قويا­تىن يادروسىز الەم ءۇشىن ءىرى حا­لىقارالىق فورۋم وتپەكشى.