مىندەتتەر بەلگىلەندى

بۇرناعى كۇنى ەلور­دا­دا­عى «كورمە» ورتالىعىندا ەكى كۇنگە سوزىلعان «قا­زاق­ستانداعى جانە بۇرىنعى كە­ڭەس وداعى كەڭىستىگىندەگى ازاماتتىق قوعام: قالىپ­تا­سۋى جانە 20 جىل بويى دامۋى» تاقىرىبىنداعى ۇكىمەتتىك ەمەس ۇيىمداردىڭ حالىقارالىق كونفەرەنتسياسى ءوز جۇمىسىن اياقتادى. كونفەرەنتسيا جۇمىسى قورىتىندىلانعان كۇنى جي­ىنعا قاتىسۋشىلار بىرنەشە سەكتسيا توڭىرەگىندە وي-پاي­ىمدارىمەن ءبولىسىپ, پىكىرتالاس وتكىزدى. ماسەلەن, «ازا­ماتتىق قوعامنىڭ دا­مۋى: تۇيتكىلدەر جانە زەرتتەۋ ۇيىمدارىنىڭ ءمۇم­كىن­دىكتەرى», «الەۋمەتتىك باع­دار­لامالاردى جۇزەگە اسى­رۋ­عا حالىقتىڭ قاتىسۋ تيىمدىلىگىن ارتتىرۋ», «ەۋروپا مەن تمد ەلدەرىندەگى ۇەۇ قىزمەتىن جۇيەلەندىرۋ سالا­سىنداعى ۇردىستەر», «ۇەۇ-نىڭ مەملەكەتتىك جوبالار مەن باعدارلامالارعا زەرتتەۋ جۇرگىزۋى مەن ولاردى باعالاۋى», «ۇەۇ جاڭا مە­ديا-تەحنولوگيالاردى قالاي پاي­دالانا الادى؟», «با­ع­دار­لامانى تۇرعىنداردىڭ يگى­لىگى جولىنا قالاي با­عىت­تاۋعا بولادى؟» سىندى تا­قى­رىپتاردى كوتەرگەن سەكتسيا جۇمىستارى كوپتىڭ كو­كەيىن­دە جۇرگەن دۇنيەلەردى قوزعاۋىمەن ماڭىزدى بول­دى. «ازاماتتىق قوعامنىڭ دامۋى: تۇيتكىلدەر جانە زەرت­تەۋ ۇيىمدارىنىڭ ءمۇم­كىن­دىكتەرى» تاقىرىبىندا ءوت­كەن سەكتسيا جۇمىسىنا رەسەيدەگى ازاماتتىق قوعامدى زەرتتەۋ ورتالىعى مەن «جو­عارى ەكونوميكا مەكتەبى» ۇلت­تىق زەرتتەۋ ۋنيۆەرسيتەتى جەكەمەنشىك ەمەس سەكتو­رى­نىڭ ديرەكتورى يرينا مەرسيانوۆا ءسوز الىپ, ءوز ەلىن­دەگى ۇكىمەتتىك ەمەس سەك­توردىڭ قىزمەتىنە, ولارعا تۇرعىن­دار­دىڭ سەنىم ارتۋ كورسەت­كى­شىنىڭ دەيگەيىنە قا­تىس­تى قى­زىقتى مالىمەتتەر كەلتىردى. «ەۋروپا مەن تمد ەلدەرىندەگى ۇەۇ قىزمەتىن ءجۇي­ە­لەندىرۋ سالاسىنداعى ءۇر­دىس­تەر» تاقىرىبىنداعى سەك­تسيا جۇمىسىندا ءسوز ءسوي­لەگەن ICNL حالىقارالىق ۇيىمى­نىڭ تمد ەلدەرى بويىنشا ۆيتسە-پرەزيدەنتى ناتاليا بورجەللي الەم ەلدەرىندەگى ۇكىمەتتىك ەمەس ۇيىمداردىڭ قىزمەتىن جانداندىرۋدى جانە ازاماتتىق قوعامنىڭ دامۋىنا قولداۋ كورسەتۋدى ماقسات تۇتاتىن ۇيىمعا قا­تىستى كەڭىرەك مالىمەت بەردى. «ءبىزدىڭ ۇيىمنىڭ باس كەڭسەسىنەن بولەك, الەمنىڭ 25 ەلىندە كەڭسەلەرى ورنا­لاسقان. الەمنىڭ 80-نەن استام ەلىندە ازاماتتىق قو­عام­نىڭ دامۋىنا تەحني­كا­لىق, اقپاراتتىق كومەك بەرۋدى, ۇكىمەتتىك ەمەس ۇي­ىم­داردىڭ جۇمىسىنا قاجەتتى زاڭداردى جەتىلدىرۋدى كوز­دەي­تىن ارنايى باعدارلاما­لا­رىمىز بار. ءبىزدىڭ ۇيىم­نىڭ قازاقستانداعى جۇمى­سى دا جاقسى جولعا قويىل­عان», – دەدى ن. بورجەللي. ءبىر ايتا كەتەرلىگى, حا­لىق­­ارا­لىق فورۋم اياسىندا ازا­ماتتىق قوعامداعى, ۇكى­مەت­تىك ەمەس ۇيىمدار قىز­مەتىن­دەگى تۇيتكىلدەر ءسوز ەتىلىپ قانا قويماي, ولاردى شەشۋ جولدارى مەن اۋقىم­دى مىندەتتەر شوعىرى تال­قىعا سالىندى. ءلايلا ەدىلقىزى.