«قازپوشتا» اق توراعاسىنىڭ ورىنباسارى مۇرات جارىلقاعانوۆپەن اڭگىمە
– حالىقارالىق سالەمدەمەنى ساپالى, جىلدام ءارى سەنىمدى تۇردە جەتكىزۋ – «قازپوشتا» اكتسيونەرلك قوعامى يميدجىنىڭ نەگىزگى كەپىلى. ونىڭ ۇستىنە قازاقستان تاياۋدا دۇنيەجۇزىلىك پوشتا وداعى (WPU) جارعىسىنا قاتىستى جەتىنشى حاتتاماعا قول قويدى. بۇل كومپانياعا حالىقارالىق پوشتا ءجونەلتىلىمى قوزعالىسى شەڭبەرىندە قانداي مىندەتتەمە جۇكتەيدى؟
– WPU – بۇۇ-نىڭ ءبىر مەكەمەسىنىڭ مارتەبەسى بار ۇكىمەتارالىق ۇيىم. قازىر ونىڭ قۇرامىندا 190 ەل بار. سولار بارلىق پوشتا اكىمشىلىكتەرىنىڭ ءبىرتۇتاس پوشتا اۋماعىن قۇرايدى. ول شىن ءمانىندە تەك كومپانيالاردى عانا ەمەس, بەلگىلى ايماقتىق باعىتتار بويىنشا تۇتاس ەكونوميكالاردى بايلانىستىرىپ, ءوزارا توعىستىراتىن ۇيىمداردىڭ ءبىرى. مۇنداي بىرلەستىكتەر الەمدە كوپ ەمەس. ونىڭ نەگىزگى مۇراتى – پوشتا اكىمشىلىكتەرىنىڭ حالىقارالىق پوشتا جونەلتىلىمىنىڭ ءبىرىڭعاي قاعيداسىن دايىنداۋ ماقساتىندا ءوزارا ىقپالداستىققا قول جەتكىزۋ. ەرەجە, كوپتەگەن ەلدەردىڭ زاڭناماسى تالاپ ەتەتىندەي, ەڭ الدىمەن, ءاربىر ازاماتتىڭ حات-حابار جانە وزگە دە ماڭىزدى جونەلتىلىمدەردى الۋىن قامتاماسىز ەتەدى.
قازاقستان 1992 جىلدان بەرى وسى ۇيىمنىڭ تولىققاندى مۇشەسى. بيىلعى تامىز ايىنان باستاپ, ءبىز بايلانىس جانە اقپارات مينيسترلىگى ارقىلى قازاقستان رەسپۋبليكاسىنىڭ ۇلتتىق پوشتا وپەراتورىمىز. ياعني, WPU جارعىسى سياقتى حالىقارالىق بارلىق ەرەجەلەر مەن نورمالارعا قول قويامىز. مۇنداي قۇجاتتار پوشتا اكىمشىلىكتەرىنىڭ ءوزارا ىقپالداسۋى ءتۇرلى ەلدەردەگى پوشتا قىزمەتىن دامىتۋدىڭ وزەگى بولىپ تابىلادى. ءويتكەنى, بۇلار تالاپ پەن ستاندارتتاردىڭ بەلگىلى ءبىر بازالىق دەڭگەيىن قالىپتاستىرادى. بۇل قازىر ءبىز ءۇشىن اسا ماڭىزدى. سەبەبى, اقپاراتتىق تەحنولوگيا قارىشتاپ دامىپ كەلەدى. سوندىقتان ءداستۇرلى پوشتا ءوز ءمانىن از-ازداپ جوعالتۋدا. اقپاراتتى جەتكىزۋ تەحنولوگياسى شاپشاڭ وزگەرۋدە. سودان ەندىگى جەردە پوشتانىڭ بەتالىسى قالاي بولماق دەگەن ساۋال تۋىندايدى. بۇعان بىرلەسە جاۋاپ ىزدەۋ WPU دەڭگەيىندە دە, «دوستاستىق ەلدەرى ايماقتىق بايلانىسى» (دەاب) پوشتا وپەراتورلارى قاۋىمداستىعى سياقتى ايماقتىق پوشتا وپەراتورلارى ۇيىمدارى شەڭبەرىندە دە جۇرگىزىلۋدە. ءداستۇرلى پوشتا سەرۆيسى, ءسوز جوق, قالادى. ايتسە دە جاڭا پوشتا ونىمدەرى قانداي بولاتىنىن ءتۇسىنۋ كەرەك. ناق وسى ماسەلەلەردى ءبىز WPU جانە باسقا دا عالامدىق بىرلەستىكتەر اۋقىمىندا بەلسەندى تۇردە تالقىلايمىز. ءسويتىپ, پوشتا بايلانىسىن دامىتۋدىڭ ورتاق ستراتەگياسىن دايىنداپ جاتىرمىز.
– Kazpost جۇيەسى ەۋروپاداعى Post Europe ۇلتتىق پوشتا وپەراتورلارى قاۋىمداستىعىنىڭ تولىققاندى مۇشەسى اتاندى. بۇل ەلىمىزدەگى ۇلتتىق پوشتا بايلانىسى وپەراتورى كارى قۇرلىقتاعى ءوز ارىپتەستەرىنىڭ قىزمەتىندەگى ءبىرىڭعاي تالاپتارعا ساي بولۋى ءتيىس دەگەندى بىلدىرە مە؟
– راس, قازاقستان Post Europe قاۋىمداستىعىنىڭ مۇشەسى. ايتا كەتۋ كەرەك, پوشتا جونەلتىلىمىنىڭ الەمدىك قوزعالىسىندا Post Europe-نىڭ اينالىمى ايتارلىقتاي جوعارى – 40 پايىزعا جەتىپ قالادى. ءبىز اتالعان ۇيىمنىڭ قۇرامىندا جۇمىسقا جاقىندا كىرىستىك. Post Europe ايماقتىق كەڭەسى كيەۆتە ءوتتى. ەندى دانيادا پوشتا دەپارتامەنتتەرى وكىلدەرىنىڭ كەزدەسۋى وتپەكشى. وسى باسقوسۋلاردىڭ بارىندە دە بىرىڭعاي تەحنولوگيا مەن ورتاق ءىس-قيمىل ستراتەگياسىن دايىنداۋ قولعا الىنۋدا. ءويتكەنى, شاپشاڭ وزگەرىپ جاتقان مىنا زاماندا يننوۆاتسيا كەيدە مەملەكەتتىك قىزمەت كورسەتۋ سالاسىن دامىتۋدىڭ قالىپتاسقان ىرعاعىنان وزىپ كەتەدى. Post Europe دا, WPU دا پوشتا اكىمشىلىكتەرىنىڭ ىنتىماقتاستىعىن, ءتۇرلى ەلدەردەگى پوشتا قىزمەتىنىڭ بىرىڭعاي حالىقارالىق تالاپتارعا بەتالۋىن ىنتالاندىرۋدى كوزدەيدى. سوندىقتان Post Europe شەڭبەرىندە ءبىز قانداي دا ءبىر ورتاق ماسەلەنى تالقىلاپ قانا قويماي, تەحنولوگيالىق كومەك سەكىلدى ناقتى قولداۋعا دا ءۇمىت ارتا الامىز. ءدال قازىر بىزگە كەيبىر باعىتتار مەن قىزمەت تەحنولوگيالارىن دامىتۋدا ءبىر-بىرىنە قولداۋ كورسەتۋگە مۇمكىندىك بەرەتىن وسىنداي حالىقارالىق سالالىق ۇيىمداردىڭ بولۋى اسا پايدالى. قازان ايىندا سول Post Europe ماماندارىنىڭ كەلۋىن كۇتىپ وتىرمىز. ولارمەن بىزدەگى ستاندارتتار مەن نورمالاردىڭ سايكەس كەلۋى سەكىلدى ماسەلەلەردى تالقىلايمىز. اتاپ ايتقاندا, جەتكىزۋدىڭ شەكتى مەرزىمى ءسوز بولادى. Post Europeعا جەتكىزۋ مەرزىمى بىزگە قاراعاندا قىسقا. ءبىز مودەرنيزاتسيا مەن اۆتوماتتاندىرۋ دەڭگەيىنە قاراپ, وسى تالاپقا تولىقتاي ساي بولساق دەيمىز.
– «قازپوشتا» اق جونەلتىلىمدى جەتكىزۋدىڭ ساپاسى بويىنشا قازىر قانداي تالاپتارعا جۇگىنەدى؟ ونىڭ ەۋروپالىق ۇلگىدەن نەندەي وزگەشەلىگى بار؟
– ءبىزدىڭ سەرىكتەستەر مەن كليەنتتەر ءۇشىن باستى كريتەري – حات, سالەمدەمە, اقشا اۋدارىمىنىڭ يەسىنە جەتۋى. كليەنت ءوزى جىبەرگەن دۇنيەنىڭ مەكەن-جايى مەن قوزعالىسى تۋرالى ماعلۇماتتى كەز كەلگەن ۋاقىتتا ءبىلۋى ءتيىس. «قازپوشتادا» جونەلتىلىمنىڭ قوزعالىسىن قاداعالايتىن ەلەكتروندىق جۇيە ەنگىزىلۋدە. كەمشىلىك بار, ونى جاسىرمايمىز. قاداعالاۋ جۇيەسى «قازپوشتانىڭ» اۆتوماتتاندىرۋ ەنگىزىلگەن ءبولىمشەلەرىندە عانا بار. جاڭارتۋ قارقىنىنا بايلانىستى مۇنداي قاداعالاۋ جاقىن كەلەشەكتە قالالار مەن شەت ايماقتارداعى بولىمشەلەردى دە قامتيدى.
حات تاسىمالداۋ جۇمىستارىنىڭ جەتكىزۋ مەرزىمى جىل سايىن وبلىس جانە اۋدان ورتالىقتارى مەن ءىرى قالالار ارالىعى بويىنشا ساقتالىپ وتىرادى. جەتكىزۋ مەرزىمى – كومپانيانىڭ نەگىزگى مىندەتى ءارى كورسەتكىشى بولىپ تابىلادى. اتاپ وتەتىن ءبىر ءجايت, زاماناۋي باسقارۋ جۇيەلەرىنىڭ دامۋى مەن قاداعالاۋعا بايلانىستى, ادامنىڭ سۋبەكتيۆتى جۇمىس جاساۋى ەداۋىر جەڭىلدەپ, جەتكىزۋ ساپاسى ارتىپ كەلەدى. ءبىز حالىقارالىق پوشتانى وتە كوپ قابىلدايمىز, جانە وكىنىشكە قاراي, ول پوشتانىڭ جونەلتىلۋى كوپ ۋاقىت الادى, ءتىپتى كەيدە جىبەرۋ مۇمكىن بولماي قالاتىن جاعدايلار بولادى. بىراق ءبىزدىڭ بولجامىمىزشا, جاڭا تەحنولوگيالاردى ەندىرىپ, بارلىق ۇدەرىستەردى اۆتوماتتاندىرۋ ارقىلى مۇنداي ماسەلەلەر بارا-بارا جويىلادى.
– كولىك-لوگيستيكالىق قىزمەت رىنوگىنداعى «قازپوشتا» اق-تىڭ العا جىلجۋ ستراتەگياسىنىڭ قۇرىلۋى, ياعني كومپانياداعى مودەرنيزاتسيالاۋ قىزمەتى, جاڭا تەحنولوگيالار مەن باسقارۋ جۇيەلەرىن ەنگىزۋ جۇمىستارى قالاي ءجۇرىپ جاتىر؟
– «قازپوشتا» اق كولىك-لوگيستيكالىق قىزمەت جۇمىسىن جۇرگىزۋ بارىسىندا, كليەنتتەرىمىزدىڭ جۇگى قىسقا مەرزىم ىشىندە ناقتى جەتىپ, قىزمەتتىڭ كاسiپورىنداردىڭ كوپشiلiگىنە ءتيىمدى بولۋىن قاداعالايدى. بۇل جاعداي جەتكىزىلۋ شىعىنىنىڭ ازايىپ, زاماناۋي تەحنولوگيالاردى قولدانۋ كولەمىن كوبەيتۋگە جول اشادى. «باتىس ەۋروپا – باتىس قىتاي» ءاۆتودالىزى قۇرىلىسى اياقتالعان كۇننەن باستاپ, كولىكتىك قىزمەت سپەكترىن وسى باعىت بويىنشا كەڭەيتۋگە دايىندالىپ جاتىرمىز. سونداي-اق ءبىز قىس مەزگىلىندە كوپتەگەن الىس اۋىلدىق ايماقتارعا جۇك تاسىمالداۋ جۇمىسى قيىنعا سوعاتىندىعىن, ال جەرگىلىكتى كاسىپ سەنىمدى كولىك قىزمەتىنە ءزارۋ ەكەندىگىن ەسكەرىپ وتىرمىز. جۇك تاسىمالى قوزعالىسىنىڭ كولەمىنىڭ كوپتىگىنە بايلانىستى, ساپاسىز جولداردىڭ كوبەيىپ, ترانزيتتىك تاسىمالدىڭ جۇرۋىنە كوپ كەدەرگى بولاتىنى انىق. ءبىز بۇگىندە ءوزىمىزدىڭ جەكە تەمىر جول (كومپانيا ەنشىسىندە 60 ۆاگون بار), سونداي-اق جەرگىلىكتى پوشتالىق اۆتوپاركتەر مەن ارنايى تەحنيكامىزدى جۇمىلدىرۋ ارقىلى بۇل ماسەلەنى شەشۋ ۇستىندەمىز. لوگيستيكالىق قىزمەتتى ارتتىرۋعا باعىتتالعان جوسپارىمىزدا, ۆاگونداردىڭ كومەگى ارقىلى جۇك جەتكىزىلىمىن ارتتىرۋعا قاتىستى جوبادا بار, بىراق نەگىزگى كۇش اۋىر جۇك تاسىمالدايتىن اۆتوكولiكتەرگە تۇسپەك.
لوگيستيكادا «قازپوشتا» اق-تىڭ باسەكەلەستiك ارتىقشىلىقتا بولۋى اسا ماڭىزدى. «قازپوشتا» اق-تىڭ «ءبىر قورجىنى» ىشىندە تاسىمالداپ, جيناۋ جانە قورلاردى باسقارۋ سىندى بىرنەشە قاجەتتى قىزمەت تۇرلەرى بار. ءبىز ينفراقۇرىلىمنىڭ كەڭ جەلىسىن قولدانامىز. اتاپ ايتقاندا, بارلىق وبلىس ورتالىقتارىندا, سونداي-اق نەگىزگى ستانسالارداعى بەكەتتەردە پوشتالىق جۇك تاسىمالىن قابىلداپ, وڭدەۋ جۇمىستارىن جاسايتىن پوشتالىق كەشەن قىزمەت كورسەتەدى. بۇگىنگى تاڭداعى ءبىزدىڭ نەگىزگى ماقساتىمىز – كولىك-لوگيستيكالىق جۇيەنى بارىنشا ءتيىمدى ەتۋ. بۇل ءۇشىن زاماناۋي باسقارۋ جۇيەسىن ەنگىزىپ, قىزمەتكەرلەردىڭ ءبىلىمىن كەڭەيتۋ قاجەت. اتاپ وتەتىن ءبىر ءجايت, كولىك-لوگيستيكالىق قىزمەت كومپانيا كاسىبىنىڭ تەك ءبىر تارماعى عانا ەمەس, بۇتىندەي العاندا, ءتيىمدى لوگيستيكا پوشتانىڭ نەگىزگى جۇمىسى. «قازپوشتا» جۇيەسىندە مىڭداعان كيلومەترلەرگە دەيىن سوزىلاتىن تاسىمال باعىتتارى بار. وتە كولەمدى جۇك تاسىمالىن جەتكىزۋ وڭاي شارۋا ەمەس, جۇمىستىڭ دۇرىس اتقارىلۋى دا وسىعان بايلانىستى. ءبىزدىڭ نەگىزگى مىندەتىمىز كليەنتتەردىڭ سەنىمىنەن شىعىپ, تاسىمالدى بارىنشا تەز جەتكىزۋدى جۇزەگە اسىرىپ, تابىستى ارتتىرۋ.
اڭگىمەلەسكەن ۆەنەرا تۇگەلباي.
– حالىقارالىق سالەمدەمەنى ساپالى, جىلدام ءارى سەنىمدى تۇردە جەتكىزۋ – «قازپوشتا» اكتسيونەرلك قوعامى يميدجىنىڭ نەگىزگى كەپىلى. ونىڭ ۇستىنە قازاقستان تاياۋدا دۇنيەجۇزىلىك پوشتا وداعى (WPU) جارعىسىنا قاتىستى جەتىنشى حاتتاماعا قول قويدى. بۇل كومپانياعا حالىقارالىق پوشتا ءجونەلتىلىمى قوزعالىسى شەڭبەرىندە قانداي مىندەتتەمە جۇكتەيدى؟
– WPU – بۇۇ-نىڭ ءبىر مەكەمەسىنىڭ مارتەبەسى بار ۇكىمەتارالىق ۇيىم. قازىر ونىڭ قۇرامىندا 190 ەل بار. سولار بارلىق پوشتا اكىمشىلىكتەرىنىڭ ءبىرتۇتاس پوشتا اۋماعىن قۇرايدى. ول شىن ءمانىندە تەك كومپانيالاردى عانا ەمەس, بەلگىلى ايماقتىق باعىتتار بويىنشا تۇتاس ەكونوميكالاردى بايلانىستىرىپ, ءوزارا توعىستىراتىن ۇيىمداردىڭ ءبىرى. مۇنداي بىرلەستىكتەر الەمدە كوپ ەمەس. ونىڭ نەگىزگى مۇراتى – پوشتا اكىمشىلىكتەرىنىڭ حالىقارالىق پوشتا جونەلتىلىمىنىڭ ءبىرىڭعاي قاعيداسىن دايىنداۋ ماقساتىندا ءوزارا ىقپالداستىققا قول جەتكىزۋ. ەرەجە, كوپتەگەن ەلدەردىڭ زاڭناماسى تالاپ ەتەتىندەي, ەڭ الدىمەن, ءاربىر ازاماتتىڭ حات-حابار جانە وزگە دە ماڭىزدى جونەلتىلىمدەردى الۋىن قامتاماسىز ەتەدى.
قازاقستان 1992 جىلدان بەرى وسى ۇيىمنىڭ تولىققاندى مۇشەسى. بيىلعى تامىز ايىنان باستاپ, ءبىز بايلانىس جانە اقپارات مينيسترلىگى ارقىلى قازاقستان رەسپۋبليكاسىنىڭ ۇلتتىق پوشتا وپەراتورىمىز. ياعني, WPU جارعىسى سياقتى حالىقارالىق بارلىق ەرەجەلەر مەن نورمالارعا قول قويامىز. مۇنداي قۇجاتتار پوشتا اكىمشىلىكتەرىنىڭ ءوزارا ىقپالداسۋى ءتۇرلى ەلدەردەگى پوشتا قىزمەتىن دامىتۋدىڭ وزەگى بولىپ تابىلادى. ءويتكەنى, بۇلار تالاپ پەن ستاندارتتاردىڭ بەلگىلى ءبىر بازالىق دەڭگەيىن قالىپتاستىرادى. بۇل قازىر ءبىز ءۇشىن اسا ماڭىزدى. سەبەبى, اقپاراتتىق تەحنولوگيا قارىشتاپ دامىپ كەلەدى. سوندىقتان ءداستۇرلى پوشتا ءوز ءمانىن از-ازداپ جوعالتۋدا. اقپاراتتى جەتكىزۋ تەحنولوگياسى شاپشاڭ وزگەرۋدە. سودان ەندىگى جەردە پوشتانىڭ بەتالىسى قالاي بولماق دەگەن ساۋال تۋىندايدى. بۇعان بىرلەسە جاۋاپ ىزدەۋ WPU دەڭگەيىندە دە, «دوستاستىق ەلدەرى ايماقتىق بايلانىسى» (دەاب) پوشتا وپەراتورلارى قاۋىمداستىعى سياقتى ايماقتىق پوشتا وپەراتورلارى ۇيىمدارى شەڭبەرىندە دە جۇرگىزىلۋدە. ءداستۇرلى پوشتا سەرۆيسى, ءسوز جوق, قالادى. ايتسە دە جاڭا پوشتا ونىمدەرى قانداي بولاتىنىن ءتۇسىنۋ كەرەك. ناق وسى ماسەلەلەردى ءبىز WPU جانە باسقا دا عالامدىق بىرلەستىكتەر اۋقىمىندا بەلسەندى تۇردە تالقىلايمىز. ءسويتىپ, پوشتا بايلانىسىن دامىتۋدىڭ ورتاق ستراتەگياسىن دايىنداپ جاتىرمىز.
– Kazpost جۇيەسى ەۋروپاداعى Post Europe ۇلتتىق پوشتا وپەراتورلارى قاۋىمداستىعىنىڭ تولىققاندى مۇشەسى اتاندى. بۇل ەلىمىزدەگى ۇلتتىق پوشتا بايلانىسى وپەراتورى كارى قۇرلىقتاعى ءوز ارىپتەستەرىنىڭ قىزمەتىندەگى ءبىرىڭعاي تالاپتارعا ساي بولۋى ءتيىس دەگەندى بىلدىرە مە؟
– راس, قازاقستان Post Europe قاۋىمداستىعىنىڭ مۇشەسى. ايتا كەتۋ كەرەك, پوشتا جونەلتىلىمىنىڭ الەمدىك قوزعالىسىندا Post Europe-نىڭ اينالىمى ايتارلىقتاي جوعارى – 40 پايىزعا جەتىپ قالادى. ءبىز اتالعان ۇيىمنىڭ قۇرامىندا جۇمىسقا جاقىندا كىرىستىك. Post Europe ايماقتىق كەڭەسى كيەۆتە ءوتتى. ەندى دانيادا پوشتا دەپارتامەنتتەرى وكىلدەرىنىڭ كەزدەسۋى وتپەكشى. وسى باسقوسۋلاردىڭ بارىندە دە بىرىڭعاي تەحنولوگيا مەن ورتاق ءىس-قيمىل ستراتەگياسىن دايىنداۋ قولعا الىنۋدا. ءويتكەنى, شاپشاڭ وزگەرىپ جاتقان مىنا زاماندا يننوۆاتسيا كەيدە مەملەكەتتىك قىزمەت كورسەتۋ سالاسىن دامىتۋدىڭ قالىپتاسقان ىرعاعىنان وزىپ كەتەدى. Post Europe دا, WPU دا پوشتا اكىمشىلىكتەرىنىڭ ىنتىماقتاستىعىن, ءتۇرلى ەلدەردەگى پوشتا قىزمەتىنىڭ بىرىڭعاي حالىقارالىق تالاپتارعا بەتالۋىن ىنتالاندىرۋدى كوزدەيدى. سوندىقتان Post Europe شەڭبەرىندە ءبىز قانداي دا ءبىر ورتاق ماسەلەنى تالقىلاپ قانا قويماي, تەحنولوگيالىق كومەك سەكىلدى ناقتى قولداۋعا دا ءۇمىت ارتا الامىز. ءدال قازىر بىزگە كەيبىر باعىتتار مەن قىزمەت تەحنولوگيالارىن دامىتۋدا ءبىر-بىرىنە قولداۋ كورسەتۋگە مۇمكىندىك بەرەتىن وسىنداي حالىقارالىق سالالىق ۇيىمداردىڭ بولۋى اسا پايدالى. قازان ايىندا سول Post Europe ماماندارىنىڭ كەلۋىن كۇتىپ وتىرمىز. ولارمەن بىزدەگى ستاندارتتار مەن نورمالاردىڭ سايكەس كەلۋى سەكىلدى ماسەلەلەردى تالقىلايمىز. اتاپ ايتقاندا, جەتكىزۋدىڭ شەكتى مەرزىمى ءسوز بولادى. Post Europeعا جەتكىزۋ مەرزىمى بىزگە قاراعاندا قىسقا. ءبىز مودەرنيزاتسيا مەن اۆتوماتتاندىرۋ دەڭگەيىنە قاراپ, وسى تالاپقا تولىقتاي ساي بولساق دەيمىز.
– «قازپوشتا» اق جونەلتىلىمدى جەتكىزۋدىڭ ساپاسى بويىنشا قازىر قانداي تالاپتارعا جۇگىنەدى؟ ونىڭ ەۋروپالىق ۇلگىدەن نەندەي وزگەشەلىگى بار؟
– ءبىزدىڭ سەرىكتەستەر مەن كليەنتتەر ءۇشىن باستى كريتەري – حات, سالەمدەمە, اقشا اۋدارىمىنىڭ يەسىنە جەتۋى. كليەنت ءوزى جىبەرگەن دۇنيەنىڭ مەكەن-جايى مەن قوزعالىسى تۋرالى ماعلۇماتتى كەز كەلگەن ۋاقىتتا ءبىلۋى ءتيىس. «قازپوشتادا» جونەلتىلىمنىڭ قوزعالىسىن قاداعالايتىن ەلەكتروندىق جۇيە ەنگىزىلۋدە. كەمشىلىك بار, ونى جاسىرمايمىز. قاداعالاۋ جۇيەسى «قازپوشتانىڭ» اۆتوماتتاندىرۋ ەنگىزىلگەن ءبولىمشەلەرىندە عانا بار. جاڭارتۋ قارقىنىنا بايلانىستى مۇنداي قاداعالاۋ جاقىن كەلەشەكتە قالالار مەن شەت ايماقتارداعى بولىمشەلەردى دە قامتيدى.
حات تاسىمالداۋ جۇمىستارىنىڭ جەتكىزۋ مەرزىمى جىل سايىن وبلىس جانە اۋدان ورتالىقتارى مەن ءىرى قالالار ارالىعى بويىنشا ساقتالىپ وتىرادى. جەتكىزۋ مەرزىمى – كومپانيانىڭ نەگىزگى مىندەتى ءارى كورسەتكىشى بولىپ تابىلادى. اتاپ وتەتىن ءبىر ءجايت, زاماناۋي باسقارۋ جۇيەلەرىنىڭ دامۋى مەن قاداعالاۋعا بايلانىستى, ادامنىڭ سۋبەكتيۆتى جۇمىس جاساۋى ەداۋىر جەڭىلدەپ, جەتكىزۋ ساپاسى ارتىپ كەلەدى. ءبىز حالىقارالىق پوشتانى وتە كوپ قابىلدايمىز, جانە وكىنىشكە قاراي, ول پوشتانىڭ جونەلتىلۋى كوپ ۋاقىت الادى, ءتىپتى كەيدە جىبەرۋ مۇمكىن بولماي قالاتىن جاعدايلار بولادى. بىراق ءبىزدىڭ بولجامىمىزشا, جاڭا تەحنولوگيالاردى ەندىرىپ, بارلىق ۇدەرىستەردى اۆتوماتتاندىرۋ ارقىلى مۇنداي ماسەلەلەر بارا-بارا جويىلادى.
– كولىك-لوگيستيكالىق قىزمەت رىنوگىنداعى «قازپوشتا» اق-تىڭ العا جىلجۋ ستراتەگياسىنىڭ قۇرىلۋى, ياعني كومپانياداعى مودەرنيزاتسيالاۋ قىزمەتى, جاڭا تەحنولوگيالار مەن باسقارۋ جۇيەلەرىن ەنگىزۋ جۇمىستارى قالاي ءجۇرىپ جاتىر؟
– «قازپوشتا» اق كولىك-لوگيستيكالىق قىزمەت جۇمىسىن جۇرگىزۋ بارىسىندا, كليەنتتەرىمىزدىڭ جۇگى قىسقا مەرزىم ىشىندە ناقتى جەتىپ, قىزمەتتىڭ كاسiپورىنداردىڭ كوپشiلiگىنە ءتيىمدى بولۋىن قاداعالايدى. بۇل جاعداي جەتكىزىلۋ شىعىنىنىڭ ازايىپ, زاماناۋي تەحنولوگيالاردى قولدانۋ كولەمىن كوبەيتۋگە جول اشادى. «باتىس ەۋروپا – باتىس قىتاي» ءاۆتودالىزى قۇرىلىسى اياقتالعان كۇننەن باستاپ, كولىكتىك قىزمەت سپەكترىن وسى باعىت بويىنشا كەڭەيتۋگە دايىندالىپ جاتىرمىز. سونداي-اق ءبىز قىس مەزگىلىندە كوپتەگەن الىس اۋىلدىق ايماقتارعا جۇك تاسىمالداۋ جۇمىسى قيىنعا سوعاتىندىعىن, ال جەرگىلىكتى كاسىپ سەنىمدى كولىك قىزمەتىنە ءزارۋ ەكەندىگىن ەسكەرىپ وتىرمىز. جۇك تاسىمالى قوزعالىسىنىڭ كولەمىنىڭ كوپتىگىنە بايلانىستى, ساپاسىز جولداردىڭ كوبەيىپ, ترانزيتتىك تاسىمالدىڭ جۇرۋىنە كوپ كەدەرگى بولاتىنى انىق. ءبىز بۇگىندە ءوزىمىزدىڭ جەكە تەمىر جول (كومپانيا ەنشىسىندە 60 ۆاگون بار), سونداي-اق جەرگىلىكتى پوشتالىق اۆتوپاركتەر مەن ارنايى تەحنيكامىزدى جۇمىلدىرۋ ارقىلى بۇل ماسەلەنى شەشۋ ۇستىندەمىز. لوگيستيكالىق قىزمەتتى ارتتىرۋعا باعىتتالعان جوسپارىمىزدا, ۆاگونداردىڭ كومەگى ارقىلى جۇك جەتكىزىلىمىن ارتتىرۋعا قاتىستى جوبادا بار, بىراق نەگىزگى كۇش اۋىر جۇك تاسىمالدايتىن اۆتوكولiكتەرگە تۇسپەك.
لوگيستيكادا «قازپوشتا» اق-تىڭ باسەكەلەستiك ارتىقشىلىقتا بولۋى اسا ماڭىزدى. «قازپوشتا» اق-تىڭ «ءبىر قورجىنى» ىشىندە تاسىمالداپ, جيناۋ جانە قورلاردى باسقارۋ سىندى بىرنەشە قاجەتتى قىزمەت تۇرلەرى بار. ءبىز ينفراقۇرىلىمنىڭ كەڭ جەلىسىن قولدانامىز. اتاپ ايتقاندا, بارلىق وبلىس ورتالىقتارىندا, سونداي-اق نەگىزگى ستانسالارداعى بەكەتتەردە پوشتالىق جۇك تاسىمالىن قابىلداپ, وڭدەۋ جۇمىستارىن جاسايتىن پوشتالىق كەشەن قىزمەت كورسەتەدى. بۇگىنگى تاڭداعى ءبىزدىڭ نەگىزگى ماقساتىمىز – كولىك-لوگيستيكالىق جۇيەنى بارىنشا ءتيىمدى ەتۋ. بۇل ءۇشىن زاماناۋي باسقارۋ جۇيەسىن ەنگىزىپ, قىزمەتكەرلەردىڭ ءبىلىمىن كەڭەيتۋ قاجەت. اتاپ وتەتىن ءبىر ءجايت, كولىك-لوگيستيكالىق قىزمەت كومپانيا كاسىبىنىڭ تەك ءبىر تارماعى عانا ەمەس, بۇتىندەي العاندا, ءتيىمدى لوگيستيكا پوشتانىڭ نەگىزگى جۇمىسى. «قازپوشتا» جۇيەسىندە مىڭداعان كيلومەترلەرگە دەيىن سوزىلاتىن تاسىمال باعىتتارى بار. وتە كولەمدى جۇك تاسىمالىن جەتكىزۋ وڭاي شارۋا ەمەس, جۇمىستىڭ دۇرىس اتقارىلۋى دا وسىعان بايلانىستى. ءبىزدىڭ نەگىزگى مىندەتىمىز كليەنتتەردىڭ سەنىمىنەن شىعىپ, تاسىمالدى بارىنشا تەز جەتكىزۋدى جۇزەگە اسىرىپ, تابىستى ارتتىرۋ.
اڭگىمەلەسكەن ۆەنەرا تۇگەلباي.
