07 قازان، 2011

جاڭارۋ جاعدايىندا

189 رەت كورسەتىلدى
پاۆلودار وبلىسى ءبىلىم بەرۋ جۇيەسىنىڭ جاي-كۇيى مەن دامۋى تۋرالى ءبىلىم بەرۋدى دامىتۋدىڭ 2011-2020 جىلدارعا ار­نالعان مەملەكەتتىك باعدارلاماسىندا قوعامدىق ءتيىم­دىلىكتىڭ، ازاماتتاردىڭ جەكە جانە الەۋمەتتىك ءال-اۋقا­تىنىڭ كەپىلى بولىپ تابىلاتىن ءبىلىم بەرۋ ساپاسىنىڭ باسىمدىقتارى بەلگىلەنگەن. بۇگىنگى كۇنى مەكتەپ ساپالى ءبىلىم الۋدا اتا-انالاردىڭ سۇرانىسىن ىسكە اسىراتىن مەكەمە عانا ەمەس، سونىمەن قاتار جان-جاقتى دامىعان تۇلعانى قالىپتاستىرۋعا سەپتىگىن تيگىزەدى. مەملەكەت العا قويعان ماقساتقا قول جەتكىزۋ ءۇشىن اۋقىمدى جۇمىس اتقارادى، تاربيەلەنۋشىلەردىڭ زياتكەرلىك، ەستەتيكالىق، ادامگەرشىلىك تۇرعىدان دامۋىنا بارىنشا جاعداي جاسالادى. وبلىس ءبىلىم بەرۋ جۇيەسىنىڭ جاعدايى ساپالى ءوز­گە­­رىستەردىڭ تۇراقتى تەندەنتسياسىن دالەلدەيتىن ءبىر­قا­تار ناقتى كورسەتكىشتەرمەن سيپاتتالادى. وبلىس ءبىلىم بەرۋ مەكەمەلەرىنىڭ جەلىسىنە 756 مەكتەپكە دەيىنگى، جالپى ورتا، تەحنيكالىق جانە كا­سىپتىك ءبى­لىم بەرەتىن مەكەمە، بالالار ۇيلەرى مەن بالالار اۋ­ىل­دارى، تۇزەتۋ جانە مەكتەپتەن تىس ۇيىمدار ەنگىزىلگەن. باعدارلاماداعى ستراتەگيالىق باعىتتاردىڭ ءبىرى مەكتەپكە دەيىنگى بىلىمگە دەگەن قولجەتىمدىلىكتى قام­تا­ماسىز ەتۋ بولىپ تابىلادى. اتالعان جۇمىس 2010-2014 جىلدارعا ارنالعان «بالاپان» باعدارلا­ماسى شەڭبەرىندە جۇزەگە اسىرىلادى. 2011 جىلعى 1 قىركۇيەكتەگى جاعداي بويىنشا وب­لىستا كونتينگەنتى 34 مىڭنان استام بالانى قامتيتىن 381 مەكتەپكە دەيىنگى مەكەمە جۇمىس ىستەيدى. وبلىستا 2-دەن 6 جاسقا دەيىنگى بالالاردىڭ سانى – 42873 بالا. بۇل جاستاعى بالالاردى مەكتەپكە دەيىنگى تاربيەمەن قامتاماسىز ەتۋ 79،4%-دى قۇرايدى. 1-دەن 6 جاسقا دەيىنگى بالالاردىڭ سانى – 49971، اتالعان ساناتتى قام­تۋ كورسەتكىشى 68،1 %-دى قۇرايدى. 3-تەن 6 جاسقا دەيىنگى بالالار سانى – 26469، اتالعان ساناتتىڭ قام­تىلۋى 81،5 %-دى قۇرايدى. اعىمداعى جىلى بەس-التى جاستاعى بالالار مەكتەپكە دەيىنگى وقىتۋمەن 100% قامتىلعان. 2011 جىلى 318 ورىندىق 19 شاعىن ورتالىقتىڭ اشىلۋى، 2315 ورىندىق 18 بالاباقشانى قايتا قال­پىنا كەلتىرۋ جوسپارلانۋدا. اقسۋ، پاۆلودار، ەكى­باس­تۇز قالالارىندا 960 ورىندىق 3 بالاباقشانىڭ قۇرىلىسى جالعاسۋدا. جالپى ورتا ءبىلىم بەرۋ جۇيەسىندە مەملەكەتتىك كۇندىزگى ورتا ءبىلىم بەرەتىن 416 مەكتەپتىڭ وقۋ­شى­لار كونتينگەنتى 92 مىڭعا جۋىق وقۋشىنى قۇرايدى. مەكتەپتەردىڭ ماتەريالدىق-تەحنيكالىق بازا­سىن نىعايتۋ جونىندەگى جۇمىس جالعاسۋدا. وبلىس مەكتەپتەرى 203 مۋلتيمەديالىق، 214 فيزيكا كابينەتىمەن، 135 بيولوگيا كابينەتىمەن، جاڭا ۇلگىدەگى 85 حيميا كابينەتىمەن جاراقتاندىرىلعان. كومپيۋتەرلىك پارك 8546 بىرلىكتى قۇرايدى، اۋىلدىق جەردە 1 كومپيۋتەرگە 11 وقۋشىدان كەلسە، قالالىق جەردە – 12،8 وقۋشىدان كەلەدى. وبلىستا مەملەكەتتىك تىلدە ءبىلىم بەرەتىن مەك­تەپتەردىڭ سانىن ارتتىرۋ جونىندە ماقساتقا ساي باعىتتالعان جۇمىس جۇرگىزىلۋدە. جىل سايىن مەملەكەتتىك تىلدە وقيتىن بالالاردىڭ سانى ارتىپ كەلەدى. قازاق تىلىندە ءبىلىم بەرەتىن مەكتەپتەردىڭ سانى - 150 (36،1%)، وندا 22 مىڭنان استام وقۋشى ءبىلىم الادى. بىلتىرعى جىلمەن سالىستىرعاندا، ولاردىڭ سانى 5 مەكتەپكە ارتتى. ارالاس مەكتەپتەر – 155، قازاق تىلىندە وقيتىن ونداعى بالالار سانى 15747 وقۋشى (40%). وبلىس مەكتەپتەرىندە بارلىعى 37936 (41،5%) وقۋشى قازاق تىلىندە ءبىلىم الادى. وبلىستا ءبىلىم بەرۋدىڭ جوعارى دەڭگەيىن قامتا­ما­سىز ەتەتىن گيمنازيا مەن ليتسەيلەر، گيمنازيا جانە ليتسەي سىنىپتارى بار مەكتەپتەر جەلىسىن دامىتۋ ءجو­نىن­دە ماقساتقا باعىتتالعان جۇمىستار اتقارىلادى، جاڭا ۇلگىدەگى 17 مەكتەپتىڭ جۇمىس ىستەۋى وسىعان دالەل. 119 مەكتەپ رەسپۋبليكالىق جانە وبلىستىق ەكسپەري­مەن­تال­دى الاڭ بولىپ تابىلادى. پاندەردى تەرەڭدەتىپ وقى­تاتىن مەكتەپتەر مەن سىنىپتاردىڭ سانى كوبەيۋ­دە، ولاردىڭ پايىزدىق كورسەتكىشى 49،8 % (207 مەكتەپ). ءبىلىم بەرۋ قىزمەتىنىڭ ساپاسىن قامتاماسىز ەتۋ باعىتىنىڭ تۇراقتالعانىنا جوعارى ناتيجەلەرگە يە بولعان وتكەن وقۋ جىلىنىڭ قورىتىندىسى دالەل بولا الادى. 6029 مەكتەپ ءبىتىرۋشىنىڭ ىشىنەن 5064 ءبىتىرۋشى 2011 جىلعى تەستىلەۋگە قاتىستى، ولاردىڭ جالپى سانىنان بۇل كورسەتكىش 84%-دى قۇرايدى. وبلىس بويىنشا ۇبت-نىڭ ورتاشا بالى – 91،27 بالدى قۇرايدى (2010 جىلى – 88،79). «التىن بەلگى» اتتەستاتىنا 163 ۇمىتكەردىڭ 129-ى (79%) ءوز بىلىمدەرىن راستادى (2010 ج. – 78%). وبلىستا «زياتكەرلىك ۇلت – 2020» جوباسى وي­دا­عىداي ىسكە اسىرىلۋدا. جالپى العاندا، مامان­دان­دى­رىلعان مەكتەپتەر ءوز مىندەتتەرىن تولىقتاي اتقارىپ كەلەدى. اتالعان مەكتەپتەردىڭ وقۋشىلار رەيتينگى ەلىمىزدە عانا ەمەس، ەلىمىزدىڭ تىس جەرلەرىندە دە جوعارى باعالانادى. وبلىسىمىزدىڭ وقۋشىلارى ەڭ ايتۋلى حالىقارالىق زياتكەرلىك كونكۋرستاردا، عىلىمي ساي­ىس­تار مەن ءپان وليمپيادالارىندا ءوز بىلىمدەرىن شىڭ­داپ، جوعارى ناتيجەلەرگە قول جەتكىزىپ وتىر. 2010-2011 وقۋ جىلىندا حالىقارالىق ينتەللەكتۋالدىق ساي­ىستاردا ولار 67 مەدالدى قانجىعالارىنا باي­لا­دى، ونىڭ ىشىندە 18 التىن، 26 كۇمىس، 23 قولا مەدال. وقۋشىلار ارا­سىنداعى 2011 جىلعى رەسپۋبليكالىق ءپان وليمپي­دا­لارىنىڭ قورىتىندىسى بويىنشا وبلىس قۇراماسى «ۇزدىك وليمپيادالىق كوماندا» اتاعىنا يە بولدى. جالپى ورتا ءبىلىم بەرۋ سالاسىنىڭ ماڭىزدى ماسەلەسى – نەگىزگى بۋىن وقۋشىلارىنىڭ باعدارالدى دايىندىعىن قاراستىراتىن 12 جىلدىق ءبىلىم بەرۋگە كوشۋ بولىپ تابىلادى. 12 جىلدىق ءبىلىم بەرۋ ۇلگىسىنە كوشۋگە جاعداي جاساۋ ءۇشىن ماتەريالدىق-تەحنيكالىق بازانى نىعايتۋ ءجو­نىن­دەگى جۇمىس جۇرگىزىلۋدە. وبلىس مەكتەپتەرىندە 110 ويىن بولمەلەرى جابدىقتالعان، 2011 جىلى تاعى 60 وي­ىن بولمەلەرىن جابدىقتاۋ جوسپارلانۋدا. ءتۇرلى جاس ەرە­ك­شەلىگى بار وقۋشىلارعا ارنالعان مەكتەپ جيھا­زى­نىڭ 1898 جيىنتىعى ساتىپ الىندى، اعىمداعى جىلى وقۋشى جيھازىنىڭ 832 جيىنتىعىن ساتىپ الۋ جوسپارلانۋدا. مەكتەپ اسحانالارى قازىرگى زامانعا ساي جاب­دىق­تارمەن جاراقتاندىرىلعان، اۋلا اجەتحانالارى رەتكە كەلتىرىلۋدە، 334 سپورت زالى جۇمىس ىستەيدى. 12 جىل­­دىق ءبىلىم بەرۋ ۇلگىسىن ماقۇلداۋ جونىندەگى ەكسپە­ري­مەنت رەجىمىندە وبلىستىڭ 7 ءبىلىم بەرۋ مەكەمەسى جۇمىس ىستەيدى، ونىڭ ىشىندە 6-ۋى رەسپۋبليكالىق الاڭ. جوعارى بۋىندا 12 جىلدىق ءبىلىم بەرۋ ۇلگىسىن ماقۇلداۋ وبلىستىڭ 12 مەكتەبىندە جۇزەگە اسىرىلادى. وبلىس بويىنشا وقۋلىقتار جانە وقۋ-ادىستەمەلىك قۇرالدارمەن قامتاماسىز ەتۋ 100%-دى قۇرايدى. 2011 جىلى وبلىستا ءبىلىم بەرۋ سالاسىن قار­جى­­لاندىرۋ كولەمى 2010 جىلمەن سالىستىرعاندا 6 ملرد. تەڭگەگە ارتتى (2010 جىلى – 27،4 ملرد. تەڭگە) جانە 33،4 ملرد. تەڭگەنى قۇرايدى. 2011 جىلى رەسپۋبليكالىق بيۋدجەت قاراجاتى ەسەبىنەن جوبالىق قۋاتى 2190 ورىندىق 4 نىساننىڭ، ونىڭ ىشىندە پاۆلودار قالاسىندا 1200 ورىندىق مەك­تەپتىڭ قۇرىلىسى (اپاتتىق مەكتەپتىڭ ورنىنا)، سون­داي-اق پاۆلودار، اقسۋ جانە ەكىباستۇز قالالارىندا اربىرەۋى 330 ورىندىق 3 بالاباقشانىڭ قۇرىلىسى جۇرگىزىلۋدە. تاربيە بەرۋ قىزمەتىنىڭ نەگىزگى باعىتتارى ازامات­­­تىق-پاتريوتتىق، قۇقىقتىق جانە مادەنيەتتى، ادامگەرشىلىك-رۋحاني، وتباسى، ەستەتيكالىق، دەنە تاربيەسى جانە سالاماتتى ءومىر سالتىن قالىپتاستىرۋدان قۇرا­لا­دى. 2011 وقۋ جىلى وبلىس ءبىلىم بەرۋ مەكەمەلەرىندەگى تاربيەلىك قىزمەت قازاقستان رەسپۋبليكاسى ءتاۋ­ەل­سىزدىگىنىڭ 20 جىلدىعىن اتاپ وتۋگە ارنالعان. قوسىمشا ءبىلىم بەرۋ مەكەمەلەرىنىڭ جەلىسى كەڭەيۋدە. وبلىستىڭ قوسىمشا ءبىلىم بەرۋ جۇيەسىندە: 20 مىڭعا جۋىق بالانى قامتىعان 38 مەكتەپتەن تىس ۇيىم، 9 مىڭنان استام بالانى قامتىعان 84 اۋلا كلۋبى جۇمىس ىستەيدى. مەكتەپتەن تىس قىزمەتپەن قامتىلعان وقۋشىلار كونتينگەنتى 28918 (32،5 %). وبلىستاعى بىلىكتىلىك كادرلاردى دايارلاۋ تەح­­نيكالىق جانە كاسىپتىك ءبىلىم بەرەتىن 55 وقۋ ورنى، ونىڭ ىشىندە 26 كاسىپتىك ليتسەي جانە 29 كوللەدج جۇزەگە اسىرادى. تجكب جۇيەسىندە وقۋشىلار كونتينگەنتى 29،7 مىڭ ادامدى قۇرايدى. وقۋشىلاردىڭ جالپى سانىنان كاسىپتىك ليتسەيلەردە 6،9 مىڭ وقۋشى، كوللەدجدەردە – 22،8 وقۋشى ءبىلىم الادى. تەحنيكالىق جانە كاسىپتىك ءبىلىمى بار مامانداردى دايارلاۋ ءۇشىن 2011-2012 وقۋ جىلىنا ارنالعان مەملەكەتتىك تاپسىرىس 5303 ادامدى قۇرايدى، جانە وتكەن وقۋ جىلىمەن سالىستىرعاندا 332 ادامعا ارتىق «جۇمىسپەن قامتۋ – 2020» باعدارلاماسىن ىسكە اسىرۋ ءۇشىن وبلىستىڭ كوللەدجدەرى مەن كاسىپتىك ليتسەيلەرىندە 11-سىنىپ وقۋشىلارى قاتارىنان رەسپۋب­ليكالىق بيۋدجەت قاراجاتى ەسەبىنەن 953 ادامدى دايىنداۋ جوسپارلانۋدا، بۇل بىلتىرعى جىلدىڭ كورسەتكىشىمەن سالىستىرعاندا 653 ادامعا ارتىق. ەلىمىزدىڭ ۇدەمەلى يندۋستريالىق-يننوۆاتسيالىق دامىتۋ مىندەتتەرىن ورىنداۋ جونىندەگى الەۋمەتتىك سەرىكتەستىكتىڭ جارقىن بەينەسى ايماقتاعى جەتەكشى كاسىپورىنداردىڭ تەحنيكالىق جانە كاسىپتىك ءبىلىم بەرۋ مەكەمەلەرىن جاڭارتۋعا قاتىسۋى بولىپ تابىلادى. وسىلايشا، 2011 جىلى «ENRC» كورپوراتسياسى پاۆلودار قالاسىنىڭ №7 كاسىپتىك ليتسەيىن جاڭارتۋعا  73،3 ملن. تەڭگە جانە «قازاقمىس» كورپوراتسياسى – 33،9 ملن. تەڭگەنى قۇرايتىن قاراجات ءبولدى. اقسۋ فەرروقورىتپا زاۋىتى 27،3 ملن. تەڭگە قاراجات ءبولىپ، اقسۋ قالاسى № 19 كاسىپتىك ليتسەيىنىڭ جاڭارتىلۋىنا قاتىستى. مۇگەدەكتەر مەن پسيحولوگيالىق دەنە قوزعالى­سىن­دا ەرەكشەلىكتەرى بار تۇلعالاردىڭ كاسىپتىك ءبىلىم الۋ مۇمكىندىگى كەڭەيە ءتۇستى. 10 كاسىپ بويىنشا جاستاردىڭ بۇل ساناتىن دايىنداۋدى 15 ءبىلىم بەرۋ ۇيىمى جۇزەگە اسىرادى. وبلىس ءبىلىم بەرۋ مەكەمەلەرىنىڭ رەسەي فەدەراتسياسى، نورۆەگيا اراسىنداعى حالىقارالىق ىنتىماقتاستىق شەڭبەرىندەگى جۇمىس جالعاسۋدا. تاربيە-ءبىلىم بەرۋ ۇدەرىسىن 18613 پەداگوگ قىزمەتكەرى جۇزەگە اسىرادى: جوعارى ءبىلىمدى پەداگوگتاردىڭ ۇلەس كورسەتكىشى جىل سايىن كوبەيىپ جانە 82،6%-دى قۇرايدى، جوعارى جانە ءبىرىنشى ساناتى بار پەداگوگتاردىڭ سانى بويىنشا كورسەتكىش – 58%. پەداگوگيكالىق جوعارى وقۋ ورىندارى مەن كوللەدج بىتىرۋشىلەرىنىڭ جۇمىسقا ورنالاسۋ قورىتىن­دىسى بويىنشا 2011 جىلى وبلىس مەكتەپتەرىنە 448 ادام جىبەرىلدى. ءبىلىم بەرۋ سالاسى قىزمەتكەرلەرىنىڭ ۇزدىكسىز كا­سى­بي دامۋى، ولاردىڭ ءاردايىم جاڭالىقتارعا ۇمتىلۋى، يننوۆاتسيالىق تەحنولوگيالاردى ەنگىزۋگە دايىن بولۋى ءبىلىم بەرۋ ساپاسىن ارتتىرۋدىڭ نەگىزى بولىپ تابىلادى. وبلىستىق بىلىكتىلىكتى ارتتىرۋ ينستيتۋتى تالاپتاردىڭ وزگەرۋىنە قاراي جەدەل ارەكەت ەتەدى. جۇمىستىڭ ەنگىزىلىپ جۇرگەن نىساندارىنىڭ ىشىندە ءتيىمدى دەپ مىنالاردى ايتۋعا بولادى: • ۇزدىك مەكتەپتەر بازاسىندا باسشىلار مەن ولاردىڭ ورىنباسارلارىنا ارنالعان تاعىلىمداما • قاشىقتان وقىتۋ سايتىنىڭ جۇمىسى (وقىتۋدان 900-دان استام پەداگوگ ءوتتى) • اۋداندار مەن قالالاردىڭ ادىستەمەلىك قىزمەتىنە ارنالعان ون-لاين رەجيمىندەگى بەينە-كونسۋلتاتسيالار • اقپاراتتىق تەحنولوگيالار جونىندەگى مىندەتتى ءمودۋلدى بارلىق پاندەر كۋرسىنا ەنگىزۋ قاناتقاقتى جوباعا قاتىسۋشىلاردىڭ ىشىنەن وبلىسىمىز بىلىكتىلىكتى ارتتىرۋدىڭ ۆاۋچەرلىك جۇيە ۇلگىسىن ماقۇلداۋ جونىندەگى جۇمىستى باستايدى. ءبىلىم بەرۋ جۇيەسىنىڭ جاڭا جاي-كۇيى – بۇل ونىڭ اي­­قىندىلىعى، جىلدامدىعى، وزگەرىستەرگە ارەكەت ەتۋ سا­پا­سى مەن جاڭالىقتارعا دەگەن جاڭاشا كوزقاراسى. شى­عار­ما­­شىلىق الەۋەتىن جانە ءوز جۇمىسىنىڭ ساپا­سىنا دەگەن جاۋاپكەرشىلىكتى سەزىنە بىلەتىن ۇستازدار قاۋىمى مەملەكەت قويعان مىندەتتەردى ورىنداۋ ءۇشىن ايانباي ەڭبەك ەتۋدە. ورال ورىنباسار. پاۆلودار.
سوڭعى جاڭالىقتار

7 ءوڭىر «سارى» ايماقتا

كوروناۆيرۋس • كەشە

كوبەلەكتەر كورمەسى

ايماقتار • كەشە

كوكشەدەگى ونەر سايىسى

ايماقتار • كەشە

"حات قورجىن"

قوعام • كەشە

قوڭىر اۋەن

ونەر • كەشە

بالقاشتان باستاۋ الدى

ايماقتار • كەشە

كوتەرمەاقى كولەمى ءوستى

ايماقتار • كەشە

جىرشىلىق ونەر – جان ازىعى

ونەر • 21 قىركۇيەك، 2021

جاڭارعان جولدار – تاۋەلسىزدىك تارتۋى

قازاقستان • 21 قىركۇيەك، 2021

داعدارىس پەن دارمەنسىزدىك

ەكونوميكا • 21 قىركۇيەك، 2021

ۇلتتى ۇلىقتايتىن سۋرەتكەر

تەاتر • 21 قىركۇيەك، 2021

قازاق شىعارماسى اقش-تا باعالاندى

ادەبيەت • 21 قىركۇيەك، 2021

تاشەنوۆتىڭ قالتا ساعاتى

تاريح • 21 قىركۇيەك، 2021

سيقىرلى ساز

ونەر • 21 قىركۇيەك، 2021

دۇنيەجۇزىلىك كورمە – دۋبايدا

وقيعا • 21 قىركۇيەك، 2021

العا باستايتىن باعىت-باعدار ايقىن

ەل جانە ەلباسى • 21 قىركۇيەك، 2021

تۇراقتى ازىق-ت ۇلىك جۇيەسىن قارجىلاندىرۋ

ەكونوميكا • 21 قىركۇيەك، 2021

نورۆەگيانىڭ ۇلتتىق مىندەتى

الەم • 21 قىركۇيەك، 2021

اقمولا وبلىسىندا زاڭسىز تسەح انىقتالدى

ايماقتار • 21 قىركۇيەك، 2021

ۇقساس جاڭالىقتار