قۇتتىقتاۋ جولدادى

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ورتالىق جانە شىعىس ەۋروپا مەن ورتالىق ازيا ەلدەرى ءۇشىن حالىقارالىق اسسوتسياتسيا پروكۋرورلارىنىڭ 6-شى وڭىرلىك كونفەرەنتسياسىنا قاتىسۋشىلار مەن مەيماندارىنا قۇتتىقتاۋ جولدادى. وندا بىلاي دەلىنگەن: «قازاقستاندا العاش رەت وتكىزىلىپ وتىرعان پروكۋراتۋرا قىزمەتكەرلەرىنىڭ فورۋمى 45 ەلدىڭ باس پروكۋراتۋرالارىنىڭ, حالىقارالىق پروكۋرور قاۋىم­داستىعىنىڭ, اسا ءىرى حالىقارالىق ۇيىمدار, ونىڭ ىشىندە بۇۇ, ەقىۇ, ەۋروپا زاڭگەرلەرى جانە باسقا ۇيىمداردىڭ وكىلدەرىن جينادى. سىزدەردىڭ بەدەلدى فورۋمدارىڭىزدىڭ كۇن ءتار­تى­بىنە – ءبىزدىڭ قۇقىق قورعاۋ جۇيەمىز ءۇشىن جانە قازاقستاننىڭ حالىقارالىق ارىپتەستەرى ءۇشىن كو­كەي­كەستى ماسەلەلەر ەنگىزىلگەن. ولاردىڭ اراسىندا قىلمىستىق-قۇقىقتىق زاڭ­گەر­لىك سالاسىنان تىس پروكۋروردىڭ ءرولىن جوعارى­لا­تۋدى قامتاماسىز ەتۋ, ۇلتتىق پروكۋراتۋرالاردىڭ حالىقارالىق ىنتىماقتاستىعىن نىعايتۋ بار». قازاقستان پرەزيدەنتى ءوزىنىڭ قۇتتىقتاۋىندا, سونداي-اق قازىرگى الەمنىڭ جاھاندىق ترانسفورما­تسيا­­لانۋ كەزەڭىن باسىنان وتكەرىپ وتىرعانىن, ورتاق سىناقتارعا ءتيىمدى جاۋاپتار ىزدەپ جاتقانىن, ادامزات دامۋىنىڭ جاڭا ۇلگىسىن ىزدەستىرۋ دە وسى قاتاردا تۇرعانىن اتاپ كورسەتەدى. بۇگىندە, دەيدى قازاقستان باسشىسى, مەملەكەتتەردىڭ ازاماتتاردىڭ قۇقىقتارى مەن بوستاندىعىن قورعاۋ ىسىندە ءوزارا ءىس-قيمىلىن ورىستەتۋ, كاسىپكەرلىك پەن ەركىن باسەكەلەستىكتى قول­داۋ, جيناقتالعان تاجىريبەلەرمەن جانە اقپارات­تار­مەن تۇراقتى تۇردە الماسىپ وتىرۋ, قۇقىق قورعاۋ قىز­مەتىنىڭ جاڭا پىشىندەرىن كۇش بىرىكتىرە وتىرىپ جاساۋ ماڭىزدى. ءبىزدىڭ ءبارىمىز ءۇشىن قازاقستاننىڭ ەلورداسى – استانا وڭىرلىك باسقوسۋ وتكىزۋدىڭ ورنىنا اينالىپ وتىر­عانى قۋانىشتى. مۇنداي ءىرى شارالار قازىرگى زامانعى مەملەكەتتەر پروكۋراتۋرالارىنىڭ كۇش-جىگەرىن جۇمىلدىرۋ ءۇشىن, پروكۋرورلىق قىزمەتتىڭ حالىقارالىق تانىلعان ستاندارتتارىن جاساۋ ءۇشىن ۇلكەن ماڭىزى بار. نۇرسۇلتان نازارباەۆ قۇتتىقتاۋىنىڭ سوڭىندا ءماسليحات بارىسىندا جاسالعان ۇسىنىمدامالار ءىس جۇزىندە سۇرانىسقا يە بولاتىنىنا, بىرلەسكەن قىزمەتتىڭ ناتيجەلىلىگىن ارتتىراتىنىنا جانە ەۋرازيا قۇرلىعىنداعى ەلدەردىڭ زاڭدىلىعىن نىعايتۋعا جانە قۇقىقتىڭ ۇستەمدىك قۇراتىنىنا وڭ ىقپال ەتەتىنىنە سەنىم بىلدىرگەن. «سىزدەرگە سىندارلى جانە جەمىستى جۇمىس تىلەيمىن!», دەپ قورىتىندىلايدى قازاقستان باسشىسى ءوزىنىڭ قۇتتىقتاۋىن.