مەرەيتويلىق جىلدىڭ جاۋاپكەرشىلىگى

كەشە اقوردادا مەملەكەتتىك حاتشى قانات ساۋدا­باەۆ­تىڭ توراعالىق ەتۋىمەن قا­زاق­ستان رەسپۋبليكاسى تاۋەل­سىز­دىگىنىڭ 20 جىلدىق مەرەي­توي­لى جىلىن وتكىزۋ ءجونىن­دە­گى مەملەكەتتىك كوميسسيانىڭ كەزەكتى وتىرىسى بولىپ ءوتتى. ونىڭ جۇمىسىنا پرەزيدەنت اكىمشىلىگىنىڭ جاۋاپتى قىزمەت­كەرلەرى, ۇكىمەت مۇشەلەرى, مەملەكەتتىك ورگاندار, ساياسي پارتيالار مەن قوعامدىق ۇيىمداردىڭ وكىل­دەرى قاتىستى. قازاقستان رەسپۋبليكاسى ءتاۋ­ەل­سىزدىگىنىڭ 20 جىلدىق مەرەي­توي­لى جىلىن بۇكىلحالىقتىق كوتە­رىڭكى ىنتامەن, مەرەكەلىك كو­ڭىل-كۇيمەن وتكىزۋ قاجەتتىگىن ەل­با­سى نۇرسۇلتان نازارباەۆ جىل­دىڭ باسىندا اتاپ كورسەتكەن ەدى. 2011 جىلعى جولداۋىندا دا ول تاۋەلسىزدىكتىڭ 20 جىلدىعىن مەرەكەلەۋ ماسەلەسىنە ەرەكشە نازار اۋدارعان بولاتىن. ال 2011 جىل­دىڭ 28 قاڭتارىندا بولعان مە­رەي­تويدى وتكىزۋ جونىندەگى مەملەكەتتىك كوميسسيانىڭ العاشقى وتىرىسىندا پرەزيدەنت: «تاۋەل­سىز­دىك – بۇل ءبىزدىڭ باستى باي­لى­عىمىز, باعا جەتكىزگىسىز جەتىستىگىمىز. جاس ەلدىڭ تاريحىنداعى جاڭا ءداۋىر شىنتۋايتىندا ءوزىنىڭ باس­تاۋىن تاۋەلسىزدىكتەن الادى. سون­دىقتان تاۋەلسىزدىك مەرەيتويى ايرىقشا مانگە يە. ءبىزدىڭ الدى­مىز­دا بۇل جىلدى جوعارى ۇيىم­داستىرۋ جانە يدەولوگيالىق دەڭ­گەي­دە وتكىزۋ مىندەتى تۇر», دەگەن ەدى. پرەزيدەنتتىڭ تاپسىرماسىنا وراي تاۋەلسىزدىكتىڭ 20 جىل­دى­عىن وتكىزۋ جونىندەگى تۇجى­رىم­داما مەن ءىس-شارالار جوسپارى بەلگىلەنگەن بولاتىن. جىل بويى وسى شارالار ىسكە اسىرىلىپ كەلەدى. سونىڭ ىشىندە «نۇر وتان» حدپ, قازاقستاننىڭ ازاماتتىق اليانسى جەلىلەرى بويىنشا ون­دا­عان اكتسيالار وتكىزىلدى. اسىرەسە, «نۇر وتان» حدپ بەلسەندىلىگى بيىل ارتا ءتۇسۋى كەرەك دەگەن ماقسات العا تارتىلىپ, «مەنىڭ تابىسىم – وتانىمنىڭ تابىسى», «ەلدىك ءۇشىن, ەل ءۇشىن», «ەل قازىناسى» جانە ت.ب. اكتسيالار وتكىزۋ ۇيعارىلعان. سونىڭ ىشىندە پارتيانىڭ «جاس وتان» جاستار قاناتىنىڭ بەلسەندىلىگىمەن «ەرلىك داڭقى وشپەيدى», «ديپلوممەن – اۋىلعا», «تاۋەلسىزدىك قۇرداس­تا­رى» جانە ت.ب. ءىرى شارالار وتكىزۋ جوسپارلانعان ەدى. جالپى, مەرەي­تويلىق جىلدى «بەيبىتشىلىك پەن جاسامپازدىقتىڭ 20 جىلى» اتتى ۇرانمەن وتكىزۋ بەلگىلەنگەن. سونىمەن بىرگە, مەرەيتويلى جىلدىڭ شارالارىن وتكىزۋگە ازا­ماتتىق قوعام ينستيتۋتتارى كەڭى­نەن تارتىلدى. ولاردىڭ قاتى­سۋى­مەن ەلىمىزدىڭ بارلىق ءوڭىر­لە­رىن قامتىعان ءىس-شارالار قاراس­تى­رىلعان ەدى. قازىر ولاردىڭ ءبارى ۇيىمشىلدىقپەن ىسكە اسىرىلۋدا. اسىرەسە, «اۋىلدىڭ گۇلدەنۋى – قازاقستاننىڭ گۇلدەنۋى» اكتسياسى حالىقتىڭ زور ىنتالى قولداۋىنا يە بولدى. بۇدان باسقا دا 30-عا جۋىق مادەني-كوپشىلىك ءىس-شارا­لار­دى وتكىزۋ كوزدەلگەن. كەشەگى وتىرىستا مەملەكەتتىك حاتشى قانات ساۋداباەۆ وسى ءىس-شارا­لاردىڭ ورىندالۋ بارىسى جونىندە قىسقاشا حابارلاما جا­سا­دى. توعىز اي بويىنا ەلىمىزدە قى­رۋار جۇمىستار اتقارىلدى. اس­تانادا جانە بارلىق وڭىرلەردە مىڭنان استام ءىس-شارالار مەن ءتۇرلى دەڭگەيدەگى جۇمىستار ءجۇ­زە­گە استى. بۇلاردى وتكىزۋدە جاستار, عىلىم جانە شارۋاشىلىق وكىلدە­رى, ەكونو­ميكانىڭ ونەركا­سىپ جانە اۋىل شارۋاشىلىعى سەك­تورلارى, ۇكىمەت­تىك ەمەس ۇي­ىم­دار مەن قوعامدىق قوزعا­لىس­تار بەلسەندىلىكپەن اتسا­لىس­تى. ءبىر سوزبەن ايت­قاندا, مەرەكەلى جىلعا ارنالعان ءىس-شارالار جال­پى­حالىقتىق سيپات الدى, دەدى مەملەكەتتىك حاتشى. ودان ءارى قانات بەكمىرزا ۇلى قازاقستان­نىڭ قول جەتكىزگەن ءىرى تابىس­تا­رى­نىڭ قاينار كوزى پرەزيدەنت نۇر­سۇلتان نازار­باەۆ­تىڭ الەۋمەتتىك-ەكونوميكالىق جانە مادەني-گۋ­مانيتارلىق سالا­لار­­داعى دانا دا كورەگەن باسشىلى­عى­نىڭ ارقاسى ەكەندىگى جاسالعان ءىس-شارالار با­رىسىندا ايقىن كو­رىن­گەنىن تىلگە تيەك ەتتى. مەرەي­توي­لىق جىلدىڭ ونە بويىندا ەلى­مىزدىڭ بارلىق وڭىرلەرىندەگى وتان­داستارى­مىز­­دىڭ حال-احۋالىنىڭ جاقسا­رۋى­نا, تۇرمىس ساپاسىنىڭ ارتۋىنا بار­لىق جاعدايلار جاسال­دى, دەدى ول. كوميسسيا وتىرىسىندا مەرەي­توي­لىق ءىس-شارالار جوسپارىنىڭ 9 ايداعى ورىندالۋ بارىسى تىڭ­دالىپ, تالقىلاندى. سونىمەن قا­تار, جوسپاردا قاراستىرىلعان قال­عان ءىس-شارالاردى جىل اياعىنا دەيىن ۇيىمشىلدىقپەن ءارى ماز­مۇندى­لىق­پەن وتكىزۋ ءۇشىن ناقتى تاپسىر­مالار بەرىلدى. وتىرىستى قورىتىندىلاي كەلە, قانات ساۋداباەۆ كوميسسيا مۇشە­لەرىن وتكىزىلەتىن ءىس-شارا­لار­دىڭ بەلسەندىلىك قارقىنىن تومەندەت­پەۋگە جانە جەل­توق­سان ايىندا ەلبا­سىنىڭ قاتىسۋى­مەن وتەتىن ەڭ باستى مەرەكەلىك شا­را­نىڭ مازمۇندى, جارقىن جانە جارا­سىم­دى بولۋىنا ۇلەس قوسۋعا شاقىردى. جاقسىباي سامرات.