«قازاۆتوجول» ۇلتتىق كومپانياسى فيليالىنىڭ باسشىسى داۋرەن توقتاروۆتىڭ مالىمدەۋىنشە, قازىرگى ۋاقىتتا باتىس ەۋروپا - باتىس قىتاي كۇرە جولىنىڭ جامبىل وبلىسىنداعى بولىگىنىڭ 495 كم سالىنىپ ءبىتتى, ونىڭ 295-ءى ءتورت جولاقتى, 200 كم ەكىنشى دارەجەلى تەحنيكالىق, ياعني ەكى جولاقتى. 351 كم تاس جول تسەمەنت-بەتون, 144 كم - اسفالتتى-بەتون جابىندىسىمەن سالىنىپ, 13 توننالىق جۇككە ەسەپتەلگەن. جول قۇرىلىسشىلارى مۇنداي جول 20-25 جىل قىزمەت ەتەتىندىگىن ايتادى.
باتىس ەۋروپا - باتىس قىتاي ماگيسترالىنىڭ قۇرىلىسى جەتى مىڭ جامبىلدىقتاردى جۇمىسپەن قامتىپ وتىر. قازىرگى ۋاقىتتا حالىقارالىق ماگيسترال بويىمەن جامبىل ارقىلى تاۋلىگىنە ورتا ەسەپپەن 7,5 مىڭنان استام كولىك ءجۇرىپ وتەدى.
جامبىل وبلىسىنداعى رەسپۋبليكالىق ماڭىزعا يە جولدىڭ جالپى ۇزىندىعى 1 237 كم قۇرايدى, ونى كۇتىپ ۇستاۋ جۇمىستارىن «قازاۆتوجول» رمك جامبىل وبلىسىنداعى فيليالى جۇزەگە اسىرادى.
