ءسوز سايىسىنا مەيىربەك سۇلتانحان مەن يرانعايىپ كۇزەمباەۆ (استانا), جىبەك شاحماردانقىزى (الماتى), ديدار قاميەۆ (قاراعاندى), راۋان حايداروۆ (پاۆلودار), مۇحتار نيازوۆ (قىزىلوردا), دəۋرەن اقساقالوۆ (وڭتۇستىك قازاقستان), ونەربەك دəۋلەكەنوۆ (اتىراۋ), جانسايا مۋسينا, مۇرادىم ميرلانوۆ, اينابەك بيسەنعاليەۆ, باۋىرجان شيرمەدين ۇلى (ورال) قاتىستى.
قازىلار قۇرامىندا بەلگىلى اقىن-جازۋشىلار ەسەنعالي راۋشانوۆ, سۆەتقالي نۇرجان, مەرەكە قۇلكەنوۆ, قويشىعۇل جىلقىشيەۆ, قونىسباي ءƏبىلوۆ, امانجول Əلتاەۆ, امانگەلدى كەڭشىلىك ۇلى, جاناربەك ءƏشىمجان باۋىرجان حاليوللا, قالقامان سارين, احمەتجان وزبەكوۆ تورەلىك ەتتى.
ايتىستى ادەتتەگىدەي ءجۇرسىن ەرمان جۇرگىزىپ وتىردى.
باتىس قازاقستان وبلىسىنىڭ əكىمى التاي كولگىنوۆ ەلباسىنىڭ «رۋحاني جاڭعىرۋ: بولاشاققا باعدار» اتتى ماقالاسىندا اتاپ كورسەتكەندەي, ەل تاريحىن اقىندار جاڭا كوزقاراسپەن جىرلاۋ كەرەكتىگىن, سونداي-اق قازىرگى ۋاقىتتا بىرلىك تاقىرىبىن ارقاۋ ەتۋدىڭ ماڭىزدى ەكەنىن ايتتى.
قادىر مىرزا ءالى اتىنداعى مادەنيەت پەن ونەر ورتالىعىندا ءبىر كۇن بويى ايتىس قۇمار جۇرتشىلىقتى ءجىپسىز بايلاعان ءسوز دوداسىنىڭ ناتيجەسىندە رەسپۋبليكالىق ايتىستىڭ باس جۇلدەگەرى بولىپ – ورالدىق جانسايا مۋسينا تانىلدى. جانساياعا باس جۇلدەگە – 1 ملن تەڭگە تابىس ەتىلدى.
ءبىرىنشى ورىن – قاراعاندىلىق تىلەگەن Əدىلوۆكە (700 مىڭ) بۇيىردى. ەكىنشى جۇلدەگە (500 مىڭ) مۇحتار نيازوۆ (قىزىلوردا) پەن يرانعايىپ كۇزەمباەۆ (استانا) لايىق دەپ تانىلدى. 400 مىڭ تەڭگەلىك ءىىى دارەجەلى جۇلدە مۇرادىم ميرلانوۆ (ورال) پەن رۇستەم قايىرتايعا (الماتى) بەرىلدى. وبلىس əكىمىنىڭ ورىنباسارى مارات توقجانوۆتىڭ اتىنان مۇحتار نيازوۆقا 500 مىڭ تەڭگەلىك ارنايى جۇلدە تابىس ەتىلدى.
ايتىستى قورىتىندىلاعان قازىلار القاسىنىڭ توراعاسى ەسەنعالي راۋشانوۆ اقىندارعا دەم بەرىپ, جانكۇيەرلىك تانىتقان جايىق جۇرتشىلىعىنا العىس ايتتى.
قازبەك قۇتتىمۇرات ۇلى,
«ەگەمەن قازاقستان»
ورال
سۋرەتتى تۇسىرگەن ايباتىر نۇراش
