مەملەكەتتىڭ تانىمال ءانشىسى نيك كوسوۆا شارادا سومالي ءداستۇرلى اۋەندەرىنىڭ جەلىسىنە قۇرىلعان افرو-پوپ اندەرىن ورىندادى. ولاردىڭ ەكسپو-داعى ءتول مەيرامىن ءدال 1 شىلدەگە ورايلاستىرۋىنىڭ وزىندىك ءمانى بار ەكەن. 1960 جىلدىڭ 1 شىلدەسىندە سومالي-لەند پەن سومالي بىرىگىپ, سومالي مەملەكەتىن قۇرعان. قازىر فەدەراتيۆتىك رەسپۋبليكا. سوناۋ شىعىس افريكادان كەلگەن سوماليلىكتەردىڭ ايتۋىنشا, ەلدەرىندە ءجيى قۇرعاقشىلىق بولادى. سوندىقتان جاسىل ەنەرگەتيكانى, وسى سالاعا قاتىستى تەحنولوگيانى مەڭگەرۋ جولدارىن قاراستىرۋدا. ولاردىڭ باستى ماقساتى – بالامالى ەنەرگيانى قولدانۋدا كوش باستاپ تۇرعان مەملەكەتتەردىڭ وزىق جوبالارىمەن تانىسىپ, ارىپتەستىك ورناتۋ.
مەرەكەنىڭ رەسمي بولىمىندە اقپارات جانە كوممۋنيكاتسيالار مينيسترلىگىنىڭ جاۋاپتى حاتشىسى جانات قوجاحمەتوۆ ءسوز سويلەپ, قوناقتارعا دەگەن جىلى لەبىزىن ءبىلدىردى. ءوز كەزەگىندە سومالي پرەمەر-ءمينيسترىنىڭ ەكونوميكالىق ماسەلەلەر جونىندەگى اعا كەڭەسشىسى ابدۋللاحي يۋسۋف موحامەد ەكى مەملەكەتتىڭ دە يسلام ىنتىماقتاستىعى ۇيىمىنا مۇشە جانە ديپلوماتيالىق قارىم-قاتىناستا ەكەنىن ايتتى. «وسى مۇمكىندىكتى پايدالانا وتىرىپ, قازاقستانمەن ساۋدا قارىم-قاتىناسىن نىعايتۋعا نيەتتىمىز. سول ارقىلى جاسىل تەحنولوگيا, مۇناي-گاز جانە تاۋ-كەن بارلاۋ جۇمىستارى سالالارىنداعى ىنتىماقتاستىقتىڭ نەگىزىن قالايمىز», دەدى ول. ابدۋللاحي يۋسۋفتىڭ ايتۋىنشا, كورمەنىڭ «بولاشاق ەنەرگياسى» تاقىرىبى قازبا وتىنعا تاۋەلدىلىكتى بارىنشا ازايتۋدى زەرتتەيتىن وتە ماڭىزدى جوبا. سومالي شارا اياسىندا مادەني جانە جاڭارتىلاتىن ەنەرگيا باستامالارىن ۇسىنادى, يدەيالارىمەن بولىسەدى, الماسادى.
سومالي رەسپۋبليكاسىنىڭ وكىلى لۋشكۋ ۆالۋشيكۋ افريكا قۇرلىعىنان ەكسپو-2017 كورمەسىنە جيىرماعا جۋىق مەملەكەت قاتىسىپ جاتقانىن جەتكىزدى. بارلىعى دا جاڭارتىلعان ەنەرگيانى تابىستىڭ كوزى سانايدى ەكەن. ء«سوماليدىڭ دە كۇن ەنەرگياسىنا قاتىستى جوبالارى بار. ونى ءالى دە تولىقتىرا تۇسسەك دەيمىز. بىزگە باستىسى تاجىريبە جيناقتاۋ كەرەك. ال قازاقستان ماعان ۇنادى. كورمەنىڭ ءدال وسىلاي جوعارى دەڭگەيدە ءوتىپ جاتقاندىعى پرەزيدەنت نۇرسۇلتان نازارباەۆتىڭ ارقاسى دەر ەدىم», دەپ اعىنان جارىلدى ول.
