«قازاقستان بارىسى-2017» ءتۋرنيرىنىڭ ءبىرىنشى اينالىمىندا 2011 جىلعى «بارىس» ۇلان رىسقۇل مەن وسى باسەكەنىڭ 2013 جىلىعى چەمپيونى ايبەك نۇعىماروۆ جارىستىڭ ەكىنشى اينالىمىنا شىقتى. ۇلان رىسقۇل ءبىرىنشى بەلدەسۋىندە اقمولا وبلىسىنىڭ بالۋانى داۋلەت ءاشىرحانوۆتى تازا جەڭىسپەن ۇتسا, ايبەك نۇعىماروۆ قاراعاندىلىق «اسكەر بارىسى» ولجاس شىنكەەۆتى ۇپاي سانىمەن جەڭدى.
«قازاقستان بارىسى» ءتۋرنيرىنىڭ ءۇش دۇركىن چەمپيونى بەيبىت ىستىباەۆ بيىل جارىسقا قاتىسپايدى. ول كۇز مەزگىلىندە وتەتىن «الەم بارىسىنا» دايىندالۋدا.
ايتا كەتەيىك, ءتۋرنيردىڭ جۇلدە قورى دا قوماقتى. جەڭىمپاز اتانعان بالۋانعا التىن بەلبەۋ جانە التىننان قۇيىلعان «تايتۇياق» تابىستالادى. ەكىنشى جانە ءۇشىنشى ورىنعا كۇمىس جانە قولا بەلبەۋ بەرىلەدى. سونىمەن قاتار, ءار بەلدەسۋدەگى جەڭىسكە 100 مىڭ تەڭگە قارجىلاي سىياقى تاعايىندالعان. ال ءۇشىنشى ورىن يەلەنگەن بالۋانعا ءبىر ميلليون 800 مىڭ, باپكەرىنە 900 مىڭ تەڭگە. ەكىنشى ورىنعا بەس ميلليون 500 مىڭ, باپكەرىنە ءبىر ميلليون 800 مىڭ. ءبىرىنشى ورىن يەلەنگەن بالۋانعا 25 ميلليون تەڭگە, باپكەرىنە ءۇش ميلليون 500 مىڭ تەڭگە تابىستالادى.
