- وزدەرىڭىزگە بەلگىلى, ەلباسىنىڭ باستاماسىمەن ارال تەڭىزىنىڭ سولتۇستىك بولىگىن ساقتاۋ جونىندە قازاقستان اۋقىمدى شارالار ناتيجەسىندە, ارال ءوڭىرىنىڭ اتا كاسىبى - بالىق شارۋاشىلىعى سالاسى جاڭا دەڭگەيگە كوتەرىلىپ, قارقىندى دامۋدا. «باتىس ەۋروپا-باتىس قىتاي» ءاۆتودالىزى مەن ەۋرازيالىق ەكونوميكالىق وداقتىڭ قۇرىلۋى ءبىز ءۇشىن كورشى مەملەكەتتەرمەن بايلانىستار جاساۋعا جانە ينۆەستيتسيالىق جوبالاردى جۇزەگە اسىرۋعا مول مۇمكىندىك بەرۋدە. سونىڭ ايقىن دالەلى – بۇگىنگى سلەتكە قاتىسىپ وتىرعان رەسەيلىك كاسىپكەرلەرىمىزبەن بىرىگىپ سالعان رەسەيدىڭ ۋليانوۆسك وبلىسىنداعى «ديميتروۆگراد بالىق ولكەسى» بالىق وڭدەۋ زاۋىتى. زاۋىتقا شيكىزات نەگىزىنەن ارال تەڭىزىنەن جەتكىزىلەدى. بالىقتىڭ ساپاسى جاقسى, نارىقتاعى سۇرانىسى دا جوعارى,- دەپ اتاپ ءوتتى وبلىس اكىمى قىرىمبەك كوشەرباەۆ.
وبلىس اكىمىنىڭ ايتۋىنشا, بۇگىندە ارال بالىعى دانياعا, پولشاعا, رەسەيگە, گرۋزياعا جانە ازەربايجانعا ەكسپورتتالادى, ال ارال تەڭىزىنەن جىلىنا 8 مىڭ تونناعا جۋىق بالىق اۋلانادى.
سونداي-اق سلەتكە «كاتتاگەتتەن ارال تەڭىزىنە دەيىن» جوباسىنا قاتىسۋشىلاردىڭ ءبىرى, ء «تىرى تەڭىز» بىرلەستىگىنىڭ زەرتتەۋشى-يحتيولوگى يان كريستيان گريۋيەر لارسەن قاتىستى.
- كەزىندە, سۋدىڭ تۇزدانۋىنان ارال تەڭىزىندە جالعىز قالعان كامبالا بالىعىن اۋلاۋدى دانيالىق كۋرت كريستەنسەن باستاعان بالىقشىلار ۇيرەتىپ, «كاتتەگاتتان - ارالعا دەيىن» جوباسىن جۇزەگە اسىردى. بىرلەسىپ جاسالعان جۇمىستىڭ ناتيجەسىندە بالىقتىڭ 22 ءتۇرى قايتا پايدا بولىپ, بالىق ءوندىرۋ كولەمى بىرنەشە ەسە ءوستى,- دەدى قىرىمبەك كوشەرباەۆ.
سلەت بارىسىندا بالىق شارۋاشىلىعى سالاسىنىڭ ارداگەرلەرى مەن بىرقاتار جۇمىسشىلار قر اۋىل شارۋاشىلىعى مينيسترلىگى مەن وبلىس اكىمىنىڭ مەدالدارىمەن, قۇرمەت گراموتالارىمەن جانە العىس حاتتارىمەن ماراپاتتالدى.
سونىمەن قاتار, سلەت اياسىندا بىراقاتار ءىس-شارالار ۇيىمداستىرىلدى: «قامىستىباس» بالىق پيتومنيگىنە ەكسكۋرسيا, ءوڭىردىڭ بالىق شارۋاشىلىعىنىڭ تاريحىنا قاتىستى جادىگەرلەر مەن بالىق ونىمدەرىنىڭ كورمەسى, ارال بەكىرە بالىعىن سىرعالاپ سۋعا جىبەرۋ, بالىق اۋلاۋدان جارىس, بالىق ونىمدەرىنەن اس ازىرلەۋ جانە گالا-كونتسەرت.
انىقتاما: بالىق شارۋاشىلىعى قىزىلوردا وبلىسى ەكونوميكاسىنىڭ ەڭ ماڭىزدى سالالارىنىڭ بىرىنە اينالۋدا. بۇگىندە سەگىز بالىق وڭدەۋ زاۋىتىنىڭ ۇشەۋى بالىق ونىمدەرىن ەۆروپاعا ەكسپورتتاۋعا قاجەتتى ەۆروكودتارعا يە. تەك سوڭعى 4 جىلدا ايماقتا بالىق ءوندىرۋ كولەمى 65%-عا, ال بالىق ونىمدەرىنىڭ ەكسپورتى -3 ەسەگە ءوستى.
