جۋرناليستەردى كاسىبىي مەرەكەلەرىمەن قۇتتىقتاعان ۇلتتىق سپورت تۇرلەرى قاۋىمداستىعىنىڭ پرەزيدەنتى, قر پارلامەنت ءماجىلىسىنىڭ دەپۋتاتى بەكبولات تىلەۋحان:
«قازىرگى ۋاقىتتا كىم قانداي ءىس اتقارسا دا باق ارقىلى, تەلەارنا مەن گازەت ارقىلى حالىققا جەتىپ جاتادى. وسى تۇرعىدا ۇلتىمىزدىڭ ۇلىق ونەرىن ۇلىقتاپ جۇرگەن سىزدەردىڭ ەڭبەكتەرىڭىز ەرەكشە ەكەنىن ايتا كەتكىم كەلەدى. ارقاشان ەلدىگىمىزدى, ۇلتتىق قۇندىلىقتارىمىزدى ناسيحاتتاۋدان تالماڭىزدار» - دەپ ۇلتتىق سپورتقا شىنايى جانكۇيەر ءارى ءناسيحاتشى بولىپ جۇرگەن جۋرناليستەرگە العىس حات تابىستاپ, مەرەكەلىك كادە-سىي جورالعىسىن جاسادى.
از ۋاقىتتىڭ ىشىندە كوكپاردان ازيا, الەم بىرىنشىلىكتەرى ءوتىپ, جالپاق جۇرتقا كەشەگى جاۋىنگەر كوشپەندىلەردىڭ ۇرپاعى ەكەنىمىزدى ايعاقتاعان, ءداستۇرلى "التىن تۇلپار" ۇيىمداستىرىلىپ بايگەنىڭ دە ءباسى بيىكتەگەن, وزگەنى ايتپاعاندا استانا جۇرتى اتشابارعا اعىلۋدى داعدىعا اينالدىرعان بۇگىنگى كۇن ۇلتتىق رۋح ۇلتتىق دۇنيەمەن عانا كوگەرىپ, كوكتەيتىنىن ايقىن ۇقتىرعانداي!
ءوز كەزەگىندە جۋرناليستەر دە وسىلاي ريزاشىلىقتارىن ءبىلدىرىپ, قاۋىمداستىق قىزمەتىنە تابىس تىلەدى.
