وقۋ ورتالىعىنداعى تاعلىمى مول ءبىر شارا دانيل اقساقالسىز وتپەيدى. وقۋ ورتالىعىنىڭ باستىعى, پوليتسيا پودپولكوۆنيگى تالعات مەڭدىباەۆ مەرەي جاسىنا وراي ارداگەردىڭ يىعىنا شاپان جاۋىپ, دومبىرا سىيعا تارتتتى. دانيل ايتمۇحان ۇلى سول جەردە دومبىرامەن «دۋدار-اي» ءانىن ايتىپ جىبەردى.
ىشكى ىستەر ورگانى ارداگەرىن قۇتتىقتاۋعا زامانداستارى, جاس تىڭداۋشىلار, وقىتۋشىلار كەلدى. وبلىستىق ىشكى ىستەر دەپارتامەنتى ارداگەرلەر كەڭەسىنىڭ توراعاسى الەكسەي لابازوۆ مەرەيتوي يەسىن قۇتتىقتاپ, ونىڭ ميليتسياعا سىڭىرگەن ەڭبەگىن ايتتى.
دانيل نادىرباەۆتى 1944 جىلى قىزىل ارميا قاتارىنا شاقىرىپ, ورتتەن قورعاۋ جۇيەسى بويىنشا نكۆد اسكەرىنە جىبەرەدى. سوعىس جىلدارى ول مينا ارتىلعان پويىزدى ورتتەن ساقتاپ قالعانى ءۇشىن ءستاليننىڭ قولى قويىلعان العىس حات الادى.
ء«بىزدى اتقىلاي باستادى, اعا كوندۋكتوردىڭ اياعىنا وق ءتيدى, مەن ونىڭ ءمايىتىن وراپ قويدىم, سول ۋاقىتتا سوڭعى ۆاگون جانا باستادى. پويىز قۇرامىن توقتاتۋعا بولمايدى, قاۋىپسىزدىك ءۇشىن مەن جانىپ بارا جاتقان ۆاگوندى اجىراتىپ تاستادىم, ال ول بوس بولاتىن» دەپ ەستەلىك ايتتى سوعىس ارداگەرى. ارداگەر ءۇشىن كەۋدەسىندەگى «زا پوبەدۋ ناد گەرمانيەي ۆ ۆەليكوي وتەچەستۆەننوي ۆوينە» مەدالى قىمبات ماراپات بولىپ ەسەپتەلەدى.
دانيل نادىرباەۆ سوعىستان كەيىن پارتيا, كەڭەس قىزمەتىندە بولدى. 1965 جىلدان باستاپ, ىشكى ىستەر ورگاندارىنىڭ كادر ءبولىمىنىڭ ينسپەكتورى بولىپ كەلدى, ازاماتتىق قورعانىس, تاعى باسقا سالالارىندا ابىرويلى قىزمەتتەر اتقاردى.
ءنازيرا جارىمبەتوۆا
«ەگەمەن قازاقستان»
قوستاناي
