«قازاقستانىم-عاجاپستانىم» ايدارىمەن جاريالانعان مۇشايراعا ەلىمىزدىڭ تۇكپىر-تۇكپىرىنەن ۇلكەندى-كىشىلى 50-گە تارتا اقىن قاتىستى. اقىندار اتالمىش تاقىرىپتى ءار قىرىنان اشىپ, كەڭىنەن تولعاۋعا قۇلاش ۇرعانىمەن, كوپشىلىگى دىتتەگەن جەردەن كورىنە المادى.
قازىلار القاسى دامەلى جىرلاردى ساراپتاي, سارالاي كەلە, 12 اقىندى جۇلدەگە لايىق دەپ تاپتى. سونىمەن, كورنەكتى جازۋشى, مەملەكەتتىك سىيلىقتىڭ لاۋرەاتى قويشىعارا سالعارا توراعالىق ەتكەن قازىلاردىڭ شەشىمىمەن:
باس بايگەنى (2 ميلليون تەڭگە) حالىقارالىق «الاش» ادەبي سىيلىعىنىڭ لاۋرەاتى, قازاقستان جازۋشىلار وداعى باسقارماسى توراعاسىنىڭ ءبىرىنشى ورىنباسارى عالىم جايلىباي «قازاقستان», «رۋح جىرى», «قاراتاۋ» توپتاماسىمەن قانجىعاسىنا بايلادى.
ء بىرىنشى ورىن (1ميلليون تەڭگە) – وڭتۇستىك قازاقستان وبلىسىنداعى ماقتاارال اۋدانىنىڭ تۋماسى ىقتيار مىرزاقۇلوۆقا بۇيىردى. قازاقستاننىڭ باستى-باستى 21 قالاسىن جىرعا قوسىپ, ەلىمىزدىڭ كەلىستى كەلبەتىن جارقىراتا اشا بىلگەن, وقىرمانعا كوپ تانىلا قويماعان جاس اقىن ءمۇشايرانىڭ جاڭالىعى بولدى.
ەكى ەكىنشى ورىن (500 مىڭ تەڭگەدەن) قىزىلوردالىق بەلگىلى اقىن تولىباي ابىلاەۆقا «جەرۇيىق» تولعاۋى, استانالىق جاس اقىن ارمان شەريزاتقا «استانا» ولەڭى ءۇشىن بەرىلدى.
ء ۇشىنشى ءۇش ورىندى (250 مىڭ تەڭگەدەن) الماتىلىق عالىم قاليبەك ۇلى «قازاقستان ماڭگىلىك ماحابباتىم» توپتاماسىمەن, ەلوردالىق ولجاس قاسىم «ەبىنەي كورگەن ەكسپو», اياگوزدىك اقاش كوكسەگەنوۆ «مەنىڭ التىن تىرەگىم» تولعاۋلارىمەن ءبولىستى.
سونداي-اق, دوستىق تىلەۋبەرگەنوۆ (قىزىلوردا وبلىسى, قارماقشى اۋدانى) «كوك تۋدى سۇيەم», استانالىق اقىندار: ۇلاربەك دالەي «ەسىل بويىن جاعالاتا ءۇي تىكتىم», بالتابەك نۇرعالي «ەل باقىتى − ەلباسى», قۋات راحات ۇلى «ارمان قالا – استانا», مۇقيات قويشىباي «گۇل كومكەرگەن سارىارقا» ولەڭدەرى ءۇشىن (150 مىڭ تەڭگەدەن) ىنتالاندىرۋ سىيلىقتارىنا يە بولدى.
«ەگەمەن-اقپارات»
