زاڭ جوباسىمەن الەۋمەتتىك مەديتسينالىق ساقتاندىرۋ قورىنا تولەنەتىن جارنالار مەن اۋدارىمداردىڭ مولشەرلەمەلەرىن قايتا قاراۋ, ولار ءۇشىن قورعا مەملەكەتتەن جارنالار تۇسەتىن ادامداردىڭ, سونداي-اق قورعا جارنالاردى تولەۋشىلەردىڭ تىزبەسىن كەڭەيتۋ كوزدەلەدى.
زاڭ جوباسىمەن, سونداي-اق 2018 جىلعى 1 قاڭتاردان باستاپ قوردى مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىندە جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە (تمككك) بىرىڭعاي تولەۋشى رەتىندە بەلگىلەۋ; cاپالى دارىلىك زاتتاردى جانە مەديتسينالىق بۇيىمداردى ساتىپ الۋ جانە تولەۋ, ولارمەن قامتاماسىز ەتۋ جونىندەگى بىرىڭعاي ءتيىمدى تاسىلدەردى قامتاماسىز ەتۋ ءۇشىن زاڭ جوباسىمەن ساتىپ الۋ جانە دارىلىك قامسىزداندىرۋعا شىعىستاردى تولەۋ جونىندەگى قۇزىرەتتەردى قور مەن جەرگىلىكتى وكىلدى ورگاندار اراسىندا ءبولۋ ۇسىنىلادى.
قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامداردىڭ وعان سايكەس تمككك الۋعا قۇقىعى بولاتىن ەرەجەلەردى ەنگىزۋ ۇسىنىلدى.
ءمامس جۇيەسىنىڭ قارجىلىق ورنىقتىلىعىن قامتاماسىز ەتۋ ماقساتىندا م ۇلىككە بيلىك ەتۋگە ۋاقىتشا شەكتەۋ بەلگىلەۋگە, م ۇلىكپەن مامىلەلەر جانە وزگە دە وپەراتسيالار جاساۋعا شەكتەۋلەر قويۋعا, بانكتىك شوتتارداعى قوردىڭ اكتيۆتەرىنە تىيىم سالۋعا جول بەرىلمەيدى.
زاڭ جوباسىندا ۇعىمدىق تۇسىندىرمە مەن قولدانىستاعى زاڭنامالىق اكتىلەردىڭ كەيبىر ەرەجەلەرىن ەندىرىلەتىن ءمامس جۇيەسىنە سايكەس كەلتىرۋ ماقساتىندا ناقتىلايتىن ەرەجەلەر بار. وسىعان بايلانىستى زاڭ جوباسىندا قازاقستان رەسپۋبليكاسىنىڭ 21 زاڭنامالىق اكتىسىنە, ونىڭ ىشىندە قازاقستان رەسپۋبليكاسىنىڭ 6 كودەكسىنە جانە 15 زاڭىنا وزگەرىستەر مەن تولىقتىرۋلار ەنگىزىلگەن.
زاڭ جوباسى پالاتانىڭ قاراۋىنا جىبەرىلدى.
