ۇكىمەتارالىق كوميسسيانىڭ وتىرىسىندا تاراپتاردىڭ «بايقوڭىر» كەشەنىنىڭ قىزمەتىندەگى وزەكتى ماسەلەلەردى شەشۋىنە مۇمكىندىك بەرەتىن, «بايقوڭىر» كەشەنىندەگى ءارى قارايعى ىنتىماقتاستىق تۇجىرىمداماسىن ىسكە اسىرۋ جونىندەگى شارالار تالقىلاندى. تاراپتار «بايقوڭىر» عارىش ايلاعىنىڭ ينفراقۇرىلىمىن دامىتۋعا جانە قولداۋعا باعىتتالعان بىرىككەن ءىس شارالاردى قابىلداۋعا, «بايتەرەك» عارىشتىق زىمىران كەشەنىن قۇرۋعا ۋاعدالاستى.
– ءبىزدىڭ الدىمىزدا تۇرعان ورتاق مىندەت-عارىش سالاسىنداعى قازاقستان مەن رەسەي اراسىنداعى ىنتىماقتاستىقتى تەرەڭدەتۋ جانە جالعاستىرۋ. ۋاقىت وتە كەلە بايقوڭىر زىمىران ءىسى سالاسىنداعى مامانداردى دايارلايتىن ناعىز تەحنوپوليسكە اينالادى, – دەپ اتاپ ءوتتى د.روگوزين.
– «بايقوڭىر» كەشەنىنىڭ ءتيىمدى قىزمەتىن ۇيىمداستىرۋ جونىندەگى بىرلەسكەن جۇمىستار ەكى ەلدىڭ عارىش سالاسىن دامىتۋعا, «بايقوڭىر» عارىش ايلاعىنداعى عارىشتىق قىزمەتتىڭ الەمدىك نارىقتاعى زاماناۋي ءارى باسەكەگە قابىلەتتىلىگىن ساقتاپ قالۋعا باعىتتالعان, – دەدى ا.مامين.
– سونداي-اق, جيىندا بايقوڭىر قالاسىن بىرلەسىپ دامىتۋدىڭ 2017-2025 جىلدارعا ارنالعان باعدارلاماسىنىڭ جوباسى پىسىقتالدى. ونىڭ ىسكە اسۋى جالعا بەرۋ جاعدايىندا قالانىڭ ينجەنەرلىك جانە الەۋمەتتىك ينفراقۇرىلىم نىساندارىن دامىتۋ ارقىلى جاڭا الەۋمەتتىك, مادەني, تۇرعىن ءۇي جانە وندىرىستىك نىسانداردى قۇرۋعا, ينۆەستيتسيا جانە بيزنەس تارتۋعا, قولجەتىمدى باسپانا قۇرىلىسىن سالۋعا, شاعىن جانە ورتا بيزنەستى دامىتۋعا ىقپال ەتەدى. كوميسسيا وتىرىسىندا بايقوڭىر قالاسىن دامىتۋدىڭ قازاقستاندىق تاراپتان قارجىلاندىرىلۋ ءتارتىبى بەكىتىلدى. وسىلايشا, قالانىڭ دامۋىنا قوس تاراپ تا قاتىساتىن بولدى. بۇل ينفراقۇرىلىم نىساندارىن, اتاپ ايتقاندا, ابدەن توزىعى جەتىپ ەسكىرگەن جىلۋ جانە سۋ جۇيەلەرىن جاڭعىرتۋعا مۇمكىندىك بەرەدى. قابىلدانعان شەشىمدەر قالانى تابيعي گازعا قوسۋ بويىنشا قولعا الىنعان جۇمىستاردىڭ اياقتالۋىنا دا وڭ ىقپال ەتپەك. جىل اياعىنا دەيىن تۇرعىن ۇيلەردىڭ العاشقى لەگىن كوگىلدىر وتىنعا قوسۋ, گاز ءتاريفىن تومەندەتۋ جوسپارلانعان.
سونىمەن قاتار, جيىندا «بايقوڭىر» عارىش ايلاعىنىڭ قىزمەتكەرلەرىنە, بايقوڭىر قالاسىنىڭ, تورەتام جانە اقاي كەنتتەرىنىڭ تۇرعىندارىنا مەديتسينالىق قىزمەت كورسەتۋدىڭ, ونىڭ ىشىندە بايقوڭىر قالاسىندا تۇراتىن قازاقستان ازاماتتارىنا قازاقستان رەسپۋبليكاسىنىڭ ۇلتتىق زاڭناماسىنا سايكەس, قر دەنساۋلىق ساقتاۋ سۋبەكتىلەرىنىڭ مەديتسينالىق قىزمەت كورسەتۋ ء تارتىبى, سونداي-اق ولاردىڭ مىندەتتى الەۋمەتتىك مەديتسينالىق ساقتاندىرۋ جۇيەسىنەن دارىگەرلىك كومەك الۋى تۋرالى ەكىجاقتى قۇجاتتى وسى جىلدىڭ 3-توقسانىندا قابىلداۋدى جەدەلدەتۋ جونىندە شەشىم قابىلداندى.
«بايقوڭىر» كەشەنىنىڭ ماسەلەلەرىن تالقىلاۋ استانا قالاسىندا پرەمەر-مينيستر باقىتجان ساعىنتاەۆتىڭ توراعالىعىمەن وتكەن كەڭەستە جالعاستى.
