جوعارعى سوت توراعاسى قايرات ءمامي جوعارى سوت ورگانىنىڭ سۋديالار كورپۋسى مەن اپپاراتىنا جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ جاڭا باسشىسىن تانىستىردى. بۇل قىزمەتكە بۇعان دەيىن وڭتۇستىك قازاقستان وبلىستىق سوتىنىڭ توراعاسى قىزمەتىن اتقارعان ءشارىپوۆ نۇرسەرىك كارىم ۇلى تاعايىندالدى. ونىڭ كانديداتۋراسى جوعارى سوت كەڭەسىنىڭ وتىرىسىندا ماقۇلداندى, سونداي-اق, پرەزيدەنت اكىمشىلىگىمەن كەلىسىلدى. دەپارتامەنتتىڭ بۇرىنعى باسشىسى ا.توقسابا باسقا جۇمىسقا اۋىستى.
دەپارتامەنتتىڭ جاڭا باسشىسىن تانىستىرا كەلە, ق.ءمامي: «نۇرسەرىك كارىم ۇلى ۇلت جوسپارى شەڭبەرىندە جۇرگىزىلگەن سوت جۇيەسىنىڭ بارلىق سوڭعى رەفورمالارىنىڭ وڭىردەگى تىكەلەي ورىنداۋشىسى بولدى. ونىڭ كوپ جىلعى سۋديالىق ءوتىلى جانە سوتتار جۇمىسىن ۇيىمداستىرۋ بويىنشا تاجىريبەسى بار. وسىنى ەسكەرە وتىرىپ, ونى تۇتاس سوت اكىمشىلىگى جۇيەسىنىڭ باسشىسى لاۋازىمىنا تاعايىنداۋ تۋرالى شەشىم قابىلداندى», - دەدى.
ق.ءمامي اباي توقسابانىڭ اتقارعان جۇمىسىنا العىسىن ءبىلدىرىپ, ونىڭ رەسپۋبليكا سۋديالارىنىڭ VII سەزىن ۇيىمداستىرۋ مەن وتكىزۋگە قوسقان ۇلەسىن اتاپ ءوتتى جانە الداعى جاڭا قىزمەتىنە تابىس تىلەدى. جوعارعى سوت توراعاسى ا.توقساباعا ءىىى دارەجەلى ء«مىنسىز قىزمەتى ءۇشىن» ۆەدومستۆولىق مەدالىن تابىستادى.
سونىمەن قاتار, ق.ءمامي جوعارعى سوت جانىنداعى سوت تورەلىگى اكادەمياسىنىڭ جاڭا رەكتورى, زاڭ عىلىمدارىنىڭ دوكتورى, پروفەسسور قاۋدىروۆ تولەش ەردەن ۇلىن تانىستىردى.
«تولەش ەردەن ۇلىنىڭ عىلىمي-اكادەميالىق سالادا ۇزاق جىلعى تاجىريبەسى بار, بىرقاتار جوعارى وقۋ ورىندارىندا باسشىلىق لاۋازىمداردا جۇمىس ىستەگەن, جوعارعى سوت جانىنداعى حالىقارالىق كەڭەستىڭ مۇشەسى بولىپ تابىلادى. وسى لاۋازىمعا تاعايىندالعانعا دەيىن قازاق گۋمانيتارلىق-زاڭ ۋنيۆەرسيتەتى ينستيتۋتىنىڭ ديرەكتورى بولىپ قىزمەت اتقاردى», - دەدى جوعارعى سوت توراعاسى.
تەوريا مەن سوت پراكتيكاسىن ءوزارا بايلانىستىرۋ ماقساتىندا سوت تورەلىگى اكادەمياسىنىڭ ۆيتسە-رەكتورى لاۋازىمىنا سۋديا, زاڭ عىلىمدارىنىڭ دوكتورى راززاق ءنازيليا راززاقبايقىزى تاعايىندالدى. وسى ۋاقىتقا دەيىن ن. راززاق استانا قالاسىنىڭ مامانداندىرىلعان اۋدانارالىق كامەلەتتىك جاسقا تولماعاندار ىستەرى جونىندەگى سوتتىڭ توراعاسى بولىپ قىزمەت اتقاردى.
ق.ءمامي سوت تورەلىگى اكادەمياسى ۇلت جوسپارىنىڭ 18-قادامىن ىسكە اسىرۋ ماقساتىندا قۇرىلعانىن, ونىڭ نەگىزگى مىندەتى جاڭا فورماتسياداعى سۋديالاردى دايارلاۋ جانە سوت جۇيەسىن ودان ءارى دامىتۋ بويىنشا عىلىمي-زەرتتەۋ جۇمىسىن جۇرگىزۋ بولىپ تابىلاتىندىعىن اتاپ ءوتتى. ءدال وسى سەبەپتەن اكادەميا باسشىلىعى اۋىستىرىلدى. تاياۋ ۋاقىتتا جوعارىدا اتالعان بارلىق مىندەتتەر بويىنشا جۇيەلى جۇمىس جۇرگىزىلۋى ءتيىس.
سوت تورەلىگى اكادەمياسىنىڭ بۇرىنعى باسشىلىعى اتقارىپ وتىرعان لاۋازىمدارىنان ءوز ەرىكتەرىمەن بوساتىلدى.
جوعارعى سوت توراعاسى جاڭادان تاعايىندالعانداردىڭ بارلىعىن قۇتتىقتاي كەلە, ولارعا الداعى قىزمەتتەرىنىڭ تابىستى ءارى جەمىستى بولۋىن تىلەپ, جاقىن ارادا ولاردىڭ اتقارۋى ءتيىس باسىم مىندەتتەرىن ايقىنداپ بەردى.
ءشارىپوۆ نۇرسەرىك كارىم ۇلى 1965 جىلى دۇنيەگە كەلگەن.
س.م.كيروۆ اتىنداعى قازاق مەملەكەتتىك ۋنيۆەرسيتەتىن «زاڭتانۋ» ماماندىعى بويىنشا تامامداعان.
جوعارى وقۋ ورنىن بىتىرگەننەن كەيىن قازمۋ-ءدىڭ اكىمشىلىك قۇقىق كافەدراسىنىڭ اسسيستەنتى, قازاقستان رەسپۋبليكاسى پرەزيدەنتى اپپاراتىنىڭ ازاماتتىق جانە راقىمشىلىق جاساۋ ءبولىمىنىڭ رەفەرەنتى بولىپ جۇمىس ىستەدى.
1995-2007 جىلدارى الماتى قالاسىنىڭ فرۋنزە اۋدانى حالىق سوتىنىڭ سۋدياسى بولدى.
2007-2010 جىلدارى الماتى قالاسى مامانداندىرىلعان اۋدانارالىق اكىمشىلىك سوتىنىڭ توراعاسى جانە ماڭعىستاۋ وبلىسى مامانداندىرىلعان اۋدانارالىق ەكونوميكالىق سوتىنىڭ توراعاسى قىزمەتتەرىن اتقاردى.
2010-2012 جىلدارى ماڭعىستاۋ وبلىستىق سوتىنىڭ سوت القاسىنىڭ توراعاسى لاۋازىمىندا جۇمىس ىستەدى.
2012 جىلدان باستاپ قازىرگى كۇنگە دەيىن وڭتۇستىك قازاقستان وبلىستىق سوتىنىڭ توراعاسى بولدى.
قاۋدىروۆ تولەش ەردەن ۇلى 1955 جىلى دۇنيەگە كەلگەن.
س.م.كيروۆ اتىنداعى قازاق مەملەكەتتىك ۋنيۆەرسيتەتىن «زاڭتانۋ» ماماندىعى بويىنشا تامامداعان. زاڭ عىلىمدارىنىڭ دوكتورى, پروفەسسور.
1977-1990 جىلدارى – قازمۋ-ءدىڭ اسسيستەنتى, اعا وقىتۋشىسى, دوتسەنتى, زاڭ فاكۋلتەتى دەكانىنىڭ ورىنباسارى.
1990-1992 جىلدارى – قازاقستان رەسپۋبليكاسى پرەزيدەنتى اكىمشىلىگىنىڭ قىزمەتكەرى.
1992-2002 جىلدارى – قازاقستان رەسپۋبليكاسى مينيسترلەر كابينەتى جانىنداعى ۇلتتىق پاتەنتتىك ۆەدومستۆونىڭ توراعاسى قىزمەتىن اتقاردى.
2003-2007 جىلدارى «ادىلەت» جوعارى قۇقىق مەكتەبىنىڭ ازاماتتىق قۇقىق جانە ازاماتتىق پروتسەستىڭ جەكە-قۇقىقتىق پاندەر كافەدراسىن باسقاردى, سونداي-اق, «ادىلەت» جوعارى قۇقىق مەكتەبى زاڭ اكادەمياسىنىڭ عىلىمي جۇمىس جونىندەگى پرورەكتورى قىزمەتىن اتقاردى.
2007-2008 جىلدارى – كاسپي قوعامدىق ۋنيۆەرسيتەتىنىڭ «ادىلەت» زاڭ اكادەمياسىنىڭ ديرەكتورى.
2002-2017 جىلدارى – قازاق گۋمانيتارلىق-زاڭ ۋنيۆەرسيتەتىنىڭ ازاماتتىق-قۇقىقتىق زەرتتەۋلەر ينستيتۋتىنىڭ ديرەكتورى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ حالىقارالىق ىنتىماقتاستىق قىزمەتىنىڭ باسشىسى.
2016 جىلدان باستاپ قازاقستان رەسپۋبليكاسى جوعارعى سوتىنىڭ جانىنداعى حالىقارالىق كەڭەستىڭ مۇشەسى.
راززاق ءنازيليا 1976 جىلى دۇنيەگە كەلگەن.
ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن, ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن, اتىراۋ ينجەنەرلىك-گۋمانيتارلىق ينستيتۋتىن بىتىرگەن. زاڭگەر, ەكونوميست, «مۇناي-گاز ءىسى» ماماندىعى بويىنشا باكالۆر. زاڭ عىلىمدارىنىڭ دوكتورى.
1993-1996 جىلدارى – قۇرمانعازى اتىنداعى قازاق مەملەكەتتىك اكادەميالىق وركەسترىنىڭ زاڭ كەڭەسشىسى.
1996-1999 جىلدارى – جامبىل وبلىستىق سوتىنىڭ القا حاتشىسى.
1999-2000 جىلدارى – «الان» جشس-ءنىڭ زاڭ كەڭەسشىسى.
2000-2003 جىلدارى – «اقپاراتتىق جۇيەلەر ورتالىعى» كمك زاڭگەرى.
2003-2011 جىلدارى – اتىراۋ قالاسى №2 سوتىنىڭ سۋدياسى جانە اتىراۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى.
2011-2014 جىلدارى – قر جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باس كونسۋلتانتى, ءبولىم مەڭگەرۋشىسىنىڭ ورىنباسارى, مەڭگەرۋشىسى.
2014 جىلدان باستاپ قازىرگى كۇنگە دەيىن استانا قالاسى مامانداندىرىلعان اۋدانارالىق كامەلەتتىك جاسقا تولماعاندار ىستەرى جونىندەگى سوتىنىڭ توراعاسى قىزمەتىن اتقاردى.
