سۇحبات باسىندا اكىم وبلىستىڭ الەۋمەتتىك-ەكونوميكالىق دامۋى بويىنشا بايانداما جاساپ, اۋىل شارۋاشىلىعى, الەۋمەتتىك سالا, كاسىپكەرلىك, تۇرعىن ءۇي-كوممۋنالدى شارۋاشىلىعى, ءبىلىم بەرۋ, دەنساۋلىق ساقتاۋ سىندى نەگىزگى سالالار شەڭبەرىندە جەكە-جەكە توقتالدى.
«وبلىستا بيىل العاش رەت جىبەك شارۋاشىلىعى قولعا الىندى. وڭىرگە باعىتتالعان ينۆەستيتسيا كولەمى 1,6 ەسەگە ارتتى. ەلباسى جولداۋىندا اتاپ ايتىلعانداي اۋىل شارۋاشىلىعىن ەكونوميكانىڭ درايۆەرىنە اينالدىرۋ جۇمىستارى قارقىندى تۇردە جۇرگىزىلۋدە. قازىرگە 50 مىڭ وتباسىنى بىرىكتىرگەن 468 اۋل شارۋاشىلىعى كووپەراتيۆتەرى قۇرىلدى. تاسقىن سۋدىڭ الدىن-الۋ ءارى ەگىستىك القاپتاردى سۋلاندىرۋ ماقساتىندا وزەندەردىڭ بويىنان 16 سۋ قويماسىن جۇرگىزۋ جوسپارلانۋدا. وعان 9,3 ملدر. تەڭگە قارالىپ, ناتيجەسىندە 17 مىڭ القاپ سۋلاندىرۋ كوزدەلۋدە. بيىل ەلدى مەكەندەردى گازداندىرۋ جىنە ەلەكتر ەنەرگياسىمەن قامتۋ جونىندە اۋقىمدى جۇمىستار اتقارىلاتىن بولادى», - دەدى اكىم.
باس-اياعى 1,5 ساعاتقا سوزىلعان جۇزدەسۋدە ارنايى مامانداردان قۇرالعان «Call-ورتالىقتا» تەلەفون, ەلەكتروندى پوشتا, whatsapp جەلىسى جانە وڭتۇستىك قازاقستان وبلىستىق اكىمدىگىنىڭ فەيسبۋكتەگى رەسمي پاراقشاسى ارقىلى ساۋالدار كەلىپ, وبلىس جۇرتشىلىعى وزدەرىن تولعاندىرعان ساۋالدارىنا جاۋاپ الدى.
تىكەلەي ەفير كەزىندە, ساۋالداردىڭ باسىم بولىگى whatsapp جەلىسى ارقىلى كەلىپ, ونداعى نەگىزگى سۇراقتار اۋىل شارۋاشىلىعى, جۇمىسپەن قامتۋ, كاسىپكەرلىك, كوممۋنالدى شارۋاشىلىق, ءبىلىم, دەنساۋلىق ساقتاۋ, ءتۋريزمدى دامىتۋ سىندى ماڭىزدى سالالارعا قاتىستى بولدى.
سۇراق جولداۋشىلاردىڭ اراسىندا رەسپۋبليكامىزدىڭ وزگە وبلىستارىنان, حابارلاسقان كورەرمەندەر ايماق باسشىسىمەن تىكەلەي بەينەسۇراق ارقىلى ديدارلاسىپ, تولعاندىرعان ماسەلەسىنىڭ جاۋابىن الىپ, ۇسىنىستارىن جولداي الدى. ماسەلەن, وڭتۇستىك قازاقستان وبلىسىنىڭ تۋماسى, بۇگىندە ەلىمىزدىڭ اقتاۋ قالاسىندا تۇرىپ جاتقان ا.جايىلعانوۆا ىشكى ءتۋريزمدى دامىتۋ جايىنا الاڭداپ, وزگە وبلىستار تۇرعىندارىن وڭتۇستىككە ءجيى كەلتىرۋ ماسەلەسىن كوتەرسە, كەزىندە كۇنگەيدەن تەرىسكەيگە كوشىپ بارىپ, ءدال قازىرگى تاڭدا وندا ەگىن شارۋاشىلىعىمەن اينالىسىپ, پايدانىڭ كوزىن تاۋىپ جۇرگەن س.مىرزاحمەتوۆ وڭتۇستىك تۇرعىندارىن سولتۇستىككە كوشىرۋ ماسەلەسىنە اكىمنىڭ ءوزى اتسالىسۋىن ءوتىندى. جالپى, بۇل كۇنى ايماق باسشىسىمەن بولعان تىكەلەي ەفيرگە ءوڭىر تۇرعىندارىنان جالپى سانى 600-دەن استام سۇراق جولداندى. ساناۋلى ۋاقىت ىشىندە كەلىپ تۇسكەن سۇراقتارعا مەيلىنشە جاۋاپ بەرگەن ج.تۇيمەباەۆ تۇرعىنداردىڭ ماسەلەسىن دەر كەزىندە شەشۋگە اتسالىساتىنىن جەتكىزدى.
ايتا كەتۋ قاجەت, اكىممەن سۇحبات بارىسىندا جاۋاپ بەرىلىپ ۇلگەرىلمەگەن ساۋالداردىڭ جاۋابى الداعى ۋاقىتتا وبلىس اكىمىنىڭ رەسمي سايتىندا جاريالاناتىن بولادى.
