كەرەيت اۋىلىنداعى وتباسىلىق دەمالىس ايماعى ءبىر مەزەتتە مىڭ ادامدى قابىلداي الادى. ورتالىقتا بالالار دەمالىس ورتالىعى, باسسەين, قوناق ءۇي, مەيرامحانا مەن تاپشاندار ورنالاسقان. 35 ادام جاڭا جۇمىسپەن قامتىلىپ وتىرعان ورتالىقتىڭ قۇرىلىس جۇمىستارىنا 2 ملرد تەڭگە قارجى جۇمساعان.
دەمالىس ورتالىعىنىڭ اشىلۋىندا اۋدان اكىمىنىڭ ورىنباسارى م.جانەسەن مەن ورتالىقتىڭ ديرەكتورى ا.كراسنەنكوۆ ءسوز سويلەپ, اۋدان اۋماعىندا تۋريزم كلاستەرىن دامىتۋ ماقساتىندا قۇرىلعان نىساننىڭ اشىلۋىمەن قۇتتىقتادى.
اسپانمەن امانداسقان تاۋ ەتەگىندە وتىرعان اۋداننىڭ تابيعاتى كەرىم. تاۋدان قۇلاپ اققان بۇلاقتار مەن ساف اۋا, قوڭىر كۇزگە دەيىن ءتۇسىن بەرمەيتىن كۇرەڭسە بەل وتباسىڭمەن كەلىپ دەمالىپ قايتۋ ءۇشىن ناعىز دەملىس ورنى بولادى. الدا اپتاپ باستالادى. سوندىقتان, مۇندا كەلۋشىلەردىڭ قاراسى كوبەيەدى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
