بۇل – ون ساۋساعىنان ونەر تامعان جىگىتتىڭ جاساپ شىعارعان العاشقى دۇنيەسى ەمەس. قولىنان كەلمەيتىنى جوق مۇرات بۇعان دەيىن قوسالقى بولشەكتەردەن ماي شايقايتىن, قىمىز پىسەتىن قۇرال-جابدىقتار جاساپ, اۋىلداستارىنىڭ تاڭدايىن قاقتىرىپتى. بۇل كىسىنىڭ ازىرلەگەن قۇرىلعىسىمەن قىمىزدى توق ارقىلى پىسۋگە بولادى. قازىر شەبەردىڭ قولىنان شىققان قۇرىلعىنى كاتونقاراعاي اۋدانىنان بولەك وبلىستىڭ وزگە ايماقتارىنان كەلىپ, ساتىپ الاتىنداردىڭ قاتارى كوپ ەكەن. باعاسى دا قولجەتىمدى. 20-25 مىڭ شاماسىندا.
ال الەۋمەتتىك جەلىنى شۋلاتقان «اۋدي-اربانى» بىلتىر كۇزدە جاساعان ەكەن. الپىس ەكى جاستاعى ۇلكەن نارىن اۋىلىنىڭ تۇرعىنى ارباعا 4 ادامنىڭ ەركىن سياتىنىن ايتادى. «بۇل كولىك وزىمدىكى ەدى. جول اپاتىنا ءتۇسىپ, جارامسىز بولىپ قالعاننان كەيىن الدىڭعى بولىگىن تۇگەل الىپ تاستاپ, ارتقى بولىگىنەن اربا جاساپ شىعاردىم. قيراعان كولىكتىڭ ارتقى بولىگىنە جالعاستىرىپ دارتە سالدىم, وسىلايشا كولىك ارباعا اينالىپ شىعا كەلدى. جۇرگەنگە وتە قولايلى. جەپ-جەڭىل, قولمەن-اق يتەرىپ جۇرگىزۋگە بولادى», دەيدى مۇرات شاتاەۆ.
بۇگىندە شەبەردىڭ اۋىلدا ءوزى اشقان كولىك جوندەۋ ورتالىعى بار. ماشينەنىڭ قۇلاعىندا وينايتىن مۇرات شاتاەۆ جول اپاتىنا ءتۇسىپ, بىت-شىتى شىققان كولىكتەردى دە قالپىنا كەلتىرە الاتىن كورىنەدى.
ازامات قاسىم,
«ەگەمەن قازاقستان»
شىعىس قازاقستان وبلىسى
