باعدارلامادا ەكسپو-نى جانە ەلوردانى ارالاپ شىعۋ قاراستىرىلعان. قاراعاندىلىق بالالار استانا قالاسىنىڭ پوليتەحنيكالىق كوللەدجىنىڭ جاتاقحاناسىندا ورنالاستىرىلادى. وقۋشىلاردى تاماقتاندىرۋ ماسەلەسى دە شەشىلگەن. ءبىر وقۋشىنىڭ ساپارىنا بيۋدجەتتەن 27 مىڭ تەڭگە بولىنگەن. ەكسپو بيلەتتەرى رەسمي تۋروپەراتورلاردان ساتىپ الىنعان.
وبلىستىق كاسىپكەرلىك باسقارماسىنىڭ جەتەكشىسى تاتيانا ابلاەۆا مالىمدەگەندەي, بيۋدجەت قاراجاتى ەسەبىنەن ەكسپو-عا قاراعاندى وبلىسىنان 3750 وقۋشى بارادى. ولار – دارىندى بالالار, بالالار ءۇيىنىڭ تاربيەلەنۋشىلەرى جانە تۇرمىستىق جاعدايى تومەن وتباسىنداعى بۇلدىرشىندەر. 1050 دارىندى بالا مەن جەتىمدەر ءۇيى بالالارىنىڭ ساپارىنا وبلىستىق بيۋدجەتتەن قاراجات ءبولىندى. ال 2700 جاعدايى تومەن وتباسىلارىنان شىققان بالالاردى تەگىن ەلورداعا اتتاندىرۋ ءۇشىن جەرگىلىكتى قالالىق جانە اۋداندىق بيۋدجەتتەردەن قارجى قاراستىرىلعان.
ەكسكۋرسيالار ەكسپو-نىڭ جابىلۋىنا دەيىن, ياعني 10 قىركۇيەككە دەيىن جالعاسادى.
ميراس اسان,
«ەگەمەن قازاقستان»
قاراعاندى وبلىسى
