بىشكەكتەن جەتكەن ەكوشەرۋ

ەكو-اۆتوشەرۋىنىڭ قاتى­سۋ­­شى­­لارى ل.ن.گۋميلەۆ اتىن­­دا­عى ەۋرازيا ۇلتتىق ۋن­ي­­ۆەر­سي­تە­تىندەگى كەزدەسۋگە جا­نە ارناساي اۋى­لىنداعى EXPO-Camp جاس­تار جازعى لا­گەرىنىڭ اشىلۋىنا بار­عان­­نان كەيىنگى باعىتتارىن رە­سەي, ار­­مەنيا, بەلورۋسسيا جا­نە ەۋروپا ەل­دەرى ارقىلى جال­عاستىرماق. G-Global دامى­تۋ كواليتسياسىنىڭ باس­­قار­ما ءتورايىمى سالتانات را­­قىم­بەكوۆانىڭ ايتۋىنشا, ساناۋلى كۇندەردەن كەي­­ىن سالتاناتتى تۇرد­ە تۋ كو­تەرەتىن ەكسپو-2017 حا­­لىقارالىق كورمەسىنە وراي ۇي­­ىم­داستىرىلعان اۆتوشەرۋ «جا­سىل ەكو­نوميكانى», بالا­مالى قۋات كوز­دەرىن ناسي­حات­تاپ, قورشاعان ورتا­نى قور­عاۋ ماسەلەلەرىن حالىققا جەت­كىزەدى.

اۆتوشەرۋدىڭ رەسمي سە­رىك­­تەسى – قىر­عىزستاندىق ونەر­­تاپ­قىش مۋ­راتبەك سۋل­تان­بە­كوۆ. ول بىلتىر «مە­نىڭ تاڭداۋىم – تازا ەنەرگيا, تازا سۋ, تازا اۋا, تازا سا­نا» ۇرانى­مەن بىشكەك – اس­تانا – ەرەۆان – مينسك – ماس­كەۋ باعىتىنداعى 12 مىڭ شا­­قىرىمدىق ۆەلوشەرۋدىڭ باس­­تاماشىسى بولعان ەدى. م.سۋلتانبەكوۆ سول ۆەلوشەرۋگە داي­ىندىق كەزىندە ەلەكترلى ۆە­لو­سيپەد جاساپ, ۆەلوسي­پەد­كە لاي­ىق گەنەراتوردى ىز­دەۋ با­رى­سىندا جوعىن قا­زاق­ستاننان تاپ­قان بولاتىن. «Three Energy» جشس ديرەك­تو­رى جانبولات مۇز­با­ەۆ قۇ­راستىرعان بۇل جەڭىل جينا­لا­تىن ءمودۋلدى قۇرىلعى داۋ­ىل­دارعا ءتوزىمدى جانە جەل­دىڭ جىل­دامدىعى باياۋ بول­عان­نىڭ وزىندە ەلەكتر ەنەرگياسىن وندىرە الادى. اتالعان قۇ­رىلعى بيىلعى شەرۋگە قا­تى­سۋشىلاردىڭ دا ەلەكترلى ۆە­لوسيپەدتەرىن قاجەتتى ەنەر­گيا­­مەن قامتاماسىز ەتەدى. ياع­ني, ەكو-اۆتوشەرۋدىڭ كولىك قۇ­­رال­دا­رىنىڭ جارتىسى يننوۆاتسيالاردى قولدانادى. ونىڭ ىشىندە ەلەكترلى ۆەلوسي­پەد­­تەرمەن بىرگە دياس ورا­لوۆ جا­سا­عان سۋتەگى گەنەرا­تو­رى­مەن جۇرە­تىن اۆتو­كو­لىكتەر بار. 

جوسپار بويىنشا, ەكو-اۆتوشە­رۋ قاتىسۋشىلارى الەكساندر پەتروۆتىڭ پي­رو­ليزدىك پەشتەرى مەن ال­تاير سىزدى­قوۆانىڭ تيىم­دى­لىگى جوعارى كو­مىر قازان­دىق­تارى, الەك­ساندر بوري­­سەن­كونىڭ قاتتى تۇر­مىستىق قال­دىقتاردى كادەگە جارا­تۋ كەشەنى مەن پلاروندى اۋا تا­زار­تقىشى, دياز باي­سەيىتوۆتىڭ KUNTECH كۇن كوللەكتورى, حاي­رۋ­ل­لا باي­شاگيروۆتىڭ جەل-ەنەر­­­گە­تيكالىق قۇرىلعىسى, ءما­دي جاق­ى­­پوۆتىڭ STEEP ENER­GY NT اتتى جەل تۋربيناسى, الەكساندر بولوتوۆتىڭ كۇن پا­نەلدەرى ور­نا­تىل­عان جەل گەنە­را­تورى, الي مە­ح­تيەۆتىڭ بۋ- ەلەكترلى جى­لىت­قىشى جانە باس­قا دا ونىم­دە­رىن ەلىمىز بەن شەت ەلدەردىڭ تۇرعىندارىنا تا­­نىس­تىرماق. اتالعان جاسىل تەح­­نو­لوگيالاردىڭ بارلىعى – «Online ەحرو-2017» ونەر­تاپ­قىشتار باي­قا­ۋى­نىڭ جەڭىمپازدارى.

دۋمان اناش,
«ەگەمەن قازاقستان»