ويتكەنى, بۇرىن مەملەكەتتىك بيلىكتىڭ نەگىزگى بۋىندارى, اسىرەسە ورتالىق بيلىك وكىلدەرى قوعام الدىندا ەسەپ بەرمەيتىن. ماسەلەن, مينيسترلىكتەگىلەر ءوز قىزمەتتەرى تۋرالى حالىق نەمەسە قوعامدىق ۇيىم وكىلدەرىنىڭ الدىنا شىعىپ, بايانداپ جاتپايتىن. مينيستر پارلامەنتكە بارىپ, بەلگىلەنگەن «ۇكىمەت ساعاتى» اياسىندا دەپۋتاتتار قويعان ساۋالدارعا جاۋاپ بەرۋى مۇمكىن. ونىڭ قىزمەتىنىڭ جاريالىلىعى, قوعام الدىنداعى ەسەپتىلىگى وسىمەن شەكتەلەتىن.
سوندىقتان ەلباسىنىڭ باستاماسىمەن ءاربىر مەملەكەتتىك بيلىك ورگانىنىڭ جانىنان قۇرىلعان قوعامدىق كەڭەستەر وسى ىسكە تىڭ سەرپىلىس بەرىپ وتىر دەپ ايتا الامىز. بۇل – ءجاي عانا ايتىلا سالعان ءسوز ەمەس. ويتكەنى, قوعامدىق كەڭەستىڭ وكىلدىگى مەن قۇزىرەتى جانە جاۋاپكەرشىلىگى ارنايى زاڭمەن بەكىتىلدى. سوندىقتان الداعى ۋاقىتتا ولاردىڭ قىزمەتى دەموكراتيا مەن جاريالىلىقتىڭ كورىنىسى رەتىندە ءورىس الىپ, كوممەرتسيالىق ەمەس ۇيىمدار مەن ازاماتتاردىڭ مينيسترلىكتىڭ جۇمىسىن اشىق تۇردە تالقىلاۋ ىسىنە قاتىسۋشىلىعىن ارتتىرا بەرەتىنى ايقىن.
ينۆەستيتسيالار جانە دامۋ مينيسترلىگى قوعامدىق كەڭەسىنىڭ وسى ۋاقىتقا دەيىن جۇرگىزگەن جۇمىسىن سونىڭ ءبىر دالەلى رەتىندە ۇسىنۋعا بولادى. كەڭەس ءوز جۇمىسىن بەلگىلەنگەن جىلدىق جوسپارعا سايكەس اتقارىپ كەلەدى. ال جوسپارعا مىناداي ماڭىزدى ماسەلەلەر ەنگىزىلگەن: مەملەكەتتىك ورگان باسشىسىنىڭ جىلدىق ەسەپ بەرۋىنە قاتىسىپ, ونى تالقىلاۋ; وزەكتى ماسەلەلەر بويىنشا قوعامدىق تىڭداۋلار وتكىزۋ; مينيسترلىكتىڭ بيۋدجەتتىك باعدارلامالارىنىڭ, ستراتەگيالىق جوسپارلارىنىڭ ورىندالۋىن قاراپ, اركەز نازاردا ۇستاۋ جانە تاعى باسقالار.
ماسەلەن, قوعامدىق كەڭەستىڭ مۇشەلەرى «جەر قويناۋى جانە جەر قويناۋىن پايدالانۋ» كودەكسىنىڭ جوباسىن تالقىلاۋدى ۇيىمداستىرۋعا بەلسەنە قاتىستى. كودەكستىڭ جوباسى استانا قالاسىندا 300-دەن استام وسى سالانىڭ ماماندارى مەن قوعامدىق ۇيىمداردىڭ بەلسەندى مۇشەلەرىنىڭ, ىسكە ىنتالى جەكەلەگەن ازاماتتاردىڭ قاتىسۋىمەن كەڭىنەن تالقىلاندى. مۇنداعى باياندامالاردى ينۆەستيتسيالار جانە دامۋ مينيسترلىگى, ەنەرگەتيكا مينيسترلىگىنىڭ جاۋاپتى باسشىلارى مەن تاۋەلسىز ساراپشىلار جاسادى. كودەكس جوباسى قىزۋ تالقىلاۋعا ءتۇستى. سونىڭ ناتيجەسىندە قۇجاتقا بىرقاتار وزگەرىستەر مەن تولىقتىرۋلار ەنگىزۋ ۇسىنىلدى.
وسىنداي قوعامدىق تىڭداۋ كەڭەس مۇشەلەرىنىڭ باستاماشىلىعىمەن جۋىقتا الماتى قالا-
سىندا دا بولىپ ءوتتى. ۋاقىت وتكەن سايىن قوعامدىق كەڭەس جۇمىسىنىڭ اۋقىمى كەڭەيىپ كەلەدى. وسىعان بايلانىستى كەڭەس مۇشەلەرى ءۇش كوميسسياعا ءبولىنىپ جۇمىس ىستەۋدە. مينيسترلىكتىڭ ەكونوميكانى دامىتۋعا بايلانىستى اتقارىپ جاتقان جۇمىستارىن قوعامدىق كەڭەستىڭ يندۋستريالىق-يننوۆاتسيالىق دامۋ كوميسسياسى نازاردا ۇستاۋدا. ال گەولوگيا جانە جەر قويناۋىن پايدالانۋ كوميسسياسى كەن ورىندارىن يگەرگەن كەزدە جەرگىلىكتى تۇرعىنداردىڭ قۇقىقتارىنىڭ ساقتالۋىن قاداعالاپ, زاڭ بۇزۋشىلىقتىڭ الدىن الۋعا ىقپال ەتۋدە.
قوعامدىق كەڭەستىڭ ءۇشىنشى كوميسسياسى اينالىساتىن كولىك لوگيستيكاسى ينفراقۇرىلىمدارىن دامىتۋ پروبلەماسىنىڭ رەسپۋبليكادا تۇراتىن بارشا حالىققا قاتىسى بار. مىنە, وسىنداي ىستەردە حالىق مۇددەسىنىڭ قورعالۋىنا قوعامدىق باقىلاۋ جاساپ وتىرۋ ءاربىر كوميسسيا مۇشەسىنىڭ مىندەتى ەكەندىگى ايقىن.
ينۆەستيتسيالار جانە دامۋ مينيسترلىگى باسشىلارىنىڭ كوعامدىق كەڭەسپەن قارىم-قاتىناسى سىپايى, بەلگىلەنگەن قۇجاتتار اياسىندا, سونىڭ ىشىندە, قوعامدىق كەڭەستەر تۋرالى زاڭ اياسىندا ء ورىس الىپ كەلەدى. ولار كەڭەس تاراپىنان تۋىنداعان باستاماشىلىققا قولداۋ ءبىلدىرىپ وتىرادى.
جەڭىس قۇلسەيىتوۆ,
ينۆەستيتسيالار جانە دامۋ مينيسترلىگى قوعامدىق كەڭەسىنىڭ مۇشەسى, پروفەسسور
