«قازاقستانداعى 100 جاڭا ەسىم» جوباسى – ءبىزدىڭ كەڭ-بايتاق ەلىمىزدىڭ بارلىق تۇكپىرلەرىندەگى ناقتىلى ادامدار ءومىرىنىڭ كورىنىسى.
پرەزيدەنت ن.نازارباەۆ ءوزىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا ءبىزدىڭ وتانداستارىمىزدىڭ تاريحىنا جۇرتشىلىق نازارىن اۋدارۋدى جانە ولارمەن اركىم دە تانىسا الاتىنداي جاڭا مۋلتيمەديالىق الاڭ قۇرۋدى ۇسىندى.
جوبانىڭ باستى ماقساتى – قاجىرلى ەڭبەگىنىڭ, ءبىلىمى مەن تالانتىنىڭ ارقاسىندا تابىسقا جەتكەن ادامداردىڭ شىنايى تاريحىن تاۋىپ كورسەتۋ.
جوبا بىرنەشە ساتىدا جۇزەگە اساتىن بولادى.
ءبىرىنشىسى – وتىنىشتەر جيناۋ. ول كراۋدسورسينگ نەگىزىندە جۇرەدى جانە وعان كەز كەلگەن تىلەك ءبىلدىرۋشى قاتىسا الادى.
ەگەر ءسىز, ءومىر جولدارى مەن تابىستارى ءسىزدى رۋحتاندىراتىن ادامداردى بىلسەڭىز نەمەسە ءسىزدىڭ ءوزىڭىز سونداي بولىپ تابىلساڭىز, وندا ءسىزدىڭ ءوز تاريحىڭىزبەن بولىسۋگە مۇمكىندىگىڭىز بار», دەدى د.اباەۆ.
باستى كريتەري – تاۋەلسىز قازاقستاننىڭ دامۋىنا ناقتى ۇلەس قوسۋ.
ول ءۇشىن 100 esim.el.kz سايتىنا كىرىپ, ءوتىنىش فورماسىن تولتىرۋ قاجەت.
جوبا سايتىندا بارلىق تاريح قولجەتىمدى بولماق جانە ءاربىر تىلەك ءبىلدىرۋشى كورگەندەرىنە قاتىستى اسەرىمەن ءبولىسىپ, ول تۋرالى الەۋمەتتىك جەلىدە بايانداي الادى.
ودان ءارى − جۇمىس توبى مەن ساراپشىلىق كوميسسيا تۇسكەن ۇسىنىستار, ساراپشىلىق باعالاۋلار نەگىزىندە, سونداي-اق, قوعامدىق پىكىردى ەسكەرە وتىرىپ, «100 جاڭا ەسىم» جوباسىنا قاتىساتىن كەيىپكەرلەردى تاڭداپ الادى.
جوبانى «كازكونتەنت» اق ەl.kz ينتەرنەت-جوباسىنىڭ بازاسىندا ۇيىمداستىرعان, ول − 100 esim.el.kz مەكەنجايى بويىنشا ورنالاسقان.
