EXPO-2017 كورمەسىندەگى تۇركيا كوميسسارى, ەلدىڭ ەكونوميكا ءمينيسترىنىڭ ورىنباسارى فاتيح مەتين مەن تۇركيانىڭ ەكونوميكا ۆيتسە-ءمينيسترى تارىك سونمەز جۇرتتى تۇرىك پاۆيلونىنىڭ تۇجىرىمداماسىمەن تانىستىردى.
تۇركيانىڭ «بولاشاق ەنەرگياسى» تاقىرىبىنا ارنالعان EXPO-2017 كورمەسىنە قاتىسۋى تۋرالى شەشىم 2016 جىلعى تامىزدىڭ 5-ىندە تۇركيا رەسپۋبليكاسىنىڭ ەكونوميكا مينيسترلىگى مەن Astana EXPO-2017 اكىمشىلىگى اراسىندا قول قويىلعان حاتتامامەن رەسمي تۇردە بەكىتىلدى.
پاۆيلوننىڭ جالپى اۋماعى 1000 شارشى مەتردى قۇرايدى. ونىڭ جانىندا تايلاند, يوردانيا جانە ازەربايجان پاۆيلوندارى ورنالاسقان.
تۇركيا EXPO كورمەلەرىنە 34 رەت قاتىستى. ول 1851 جىلى لوندوندا وتكەن العاشقى EXPO-عا دا قاتىسقان ەل. 2016 جىلى تۇركيا تۇڭعىش رەت ءوز ەلىندە دۇنيەجۇزىلىك دەڭگەيدەگى اسا اۋقىمدى شارا «World Botanic EXPO-2016» حالىقارالىق مامانداندىرىلعان كورمەسىن وتكىزۋ قۇقىعىنا يە بولدى. «بالالار مەن گۇلدەر» دەۆيزىمەن وتكەن بۇل كورمە وسى سالاداعى جۇرتشىلىق قىزىعۋشىلىعىنا ەرەكشە يە بولعان وقيعا سانالادى. ءتورت ايدان ءسال عانا استام ۋاقىت ىشىندە كورمەنى 4,5 ميلليوننان استام ادام تاماشالاعان. كەيبىر كۇندەرى كورمەگە كەلۋشىلەر سانى 70 مىڭ ادامنان اسىپ كەتكەن.
Milan EXPO-2015 دۇنيەجۇزىلىك كورمەسىندە تۇرىك ەلى تۇركيا رەسپۋبليكاسى ەكونوميكا مينيسترلىگىنىڭ قولداۋىمەن «كەلەشەكتىڭ ىرگەسىن بەرىك قالاۋ ءۇشىن وتكەندى زەرتتەۋ» تۇجىرىمداماسىنا قاتىستى.
استانادا وتەتىن كورمەدەگى تۇركيانىڭ تاقىرىپتىق تۇجىرىمداماسى «تۇراقتى ەنەرگەتيكا جولىنداعى عالامدىق ءوزارا ارەكەتتەستىك» دەپ اتالادى. ەكسپوزيتسيا دەۆيزى «تۇركيا – ەنەرگيا ورتالىعى» دۇنيەجۇزىلىك قوعامداستىققا تۇركيانىڭ بولاشاققا سەنىممەن قارايتىن بەيبىت سۇيگىش ەل ەكەنىن پاش ەتەدى.
لوگوتيپ كومپوزيتسياسىنىڭ نەگىزى – كۇن. وعىز تايپالارىنىڭ تاڭباسى دا جاراتىلىس كىندىگى رەتىندە كۇندى ەرەكشە اسپەتتەيدى.
انادولى كۇنى – كۇنباعىس. كوك توسىندەگى التىن كۇنگە ۇقسايتىن بۇل وسىمدىك تازا ەنەرگيا سيمۆولى بولىپ سانالادى. لوگوتيپتە تۇركيانى بەينەلەيتىن وسى نىشانداردىڭ ءبارى كورىنىس تاپقان.
نەگىزگى رەڭك رەتىندە تۇركيانىڭ تاعى ءبىر اجىراماس سيمۆولى – كوگىلدىر اق تۇسى تاڭداپ الىنعان.
تۇساۋكەسەر قوناقتارى الدىندا اتاقتى «چەلليستامبۋل» ۆيولونچەلشىلەر كۆارتەتى ونەر كورسەتىپ, تۇرىك حالقىنىڭ «سەما» جانە «نەي» بيلەرى ورىندالدى.
باۋىرجان مۇقان ۇلى,
«ەگەمەن قازاقستان»
