23 قىركۇيەك، 2011

جارمەڭكە جاراپ تۇر

172 رەت كورسەتىلدى
وبلىس ورتالىعىنداعى  «كۆازار» ساۋدا ءۇيىنىڭ اۋلاسىندا قا­لا تۇرعىندارى ءار سەنبى سايىن اۋىلشارۋاشىلىق ونىمدەرىنىڭ  جارمەڭكەسىنە جينالادى. وب­لىس­تاعى 12 اۋدان جەر قارا، كۇن جىلىدا قالا تۇرعىندارىن ءانى مەن ءسانى جاراسقان، قورجىنى تولى  جارمەڭكەگە شاقىرا باس­تادى. العاشقى بولىپ، قالا­لىقتارعا تولەگەن باستەنوۆ باس­قاراتىن پاۆلودار اۋدانى كەلگەن ەدى. بۇعان دەيىنگى وتەتىن ءجار­مەڭ­كەلەرگە وبلىستىڭ بارلىق اۋداندارى تۇگەلدەي قاتىساتىن. ەندى وبلىس اكىمى باقىتجان سا­عىنتاەۆتىڭ تاپسىرماسىنا وراي  اۋداندار ءار اپتا سايىنعى ءجار­مەڭكەنى كەزەكتەسىپ وتكىزۋدى قول­عا الدى. بۇلاي كەزەكتەسىپ وتكىزۋ ءار اۋداننىڭ قولدا با­رىن، ءون­دىرگەن ونىمدەرىنىڭ قانشالىقتى باعالى، تاتىمدى ەكەنىن كورسەت­سە، ەكىنشىدەن، اۋداندار اراسىن­داعى باسەكەلەس­تىك ارتادى. اكىم­دەر دە ءوز اۋداندارى وتكىزە­تىن جارمەڭكەگە جاۋاپكەرشىلىكپەن قاراي باستاي­دى. بۇدان كەيىن  «كۆازاردا» قالالىقتار ءۇشىن قىزۋ ساۋدا بولماي قايتسىن. ال، وتكەن سەنبىدە  جارمەڭكە كوشىن جال­عاستىرىپ، باياناۋىل­دىق­تار كەل­دى. تاڭعى ساعات 7-ءنىڭ كەزى. سونىڭ وزىندە كىسى دەگەن قالىڭ، كوبى زەينەتكەرلەر، از قامتاماسىز ەتىلگەن وتبا­سىلار جارمەڭكەنىڭ جاقسى­لى­عىن كورىپ، ءبىر قۋانىپ قالدى. اينالا  جۇمىرتقاعا، قۇرت-ماي، ىرىمشىككە، باسقا دا ازىق-ءتۇ­لىككە لىقا تولتىرىپ سومكە كوتەر­­گەن جۇرتشىلىق، كوڭىلدەرى جايدا­رى، كەلەسى جارمەڭكەدە باس­قا نە اكەلەر ەكەن دەسىپ جاتىر. كەڭ الاڭدا باياناۋىلدىق ونەر­پاز­دار ءان شىرقاۋدا. بارلىق جوعىڭدى وسى جەردەن-اق تاۋىپ الاسىڭ. مۇنداعى باعا قالا دۇكەندەرىندەگى ازىق-ت ۇلىك ءونىم­دەرىنە قاراعاندا، 20 پايىزعا دەيىن تومەن. – باياناۋىلدىڭ اۋىلدارى وب­لىس ورتالىعىنا 1785 كيلو ەت، 235 كيلو سارى ماي، 165 كيلو قايماق، 235 كيلو ىرىمشىك، 90 كيلو ءتاتتى قوسپا، 125 كيلو قۇرت، 500 ليتر قىمىز، 650 دانا جۇمىرتقا، نان-توقاش ونىمدەرىن، تاتتىلەر اكەلدى. قارا مالدىڭ، قويدىڭ ەتتەرى، اۋىلدىڭ سارى مايى، ىرىمشىگى، قوسپاسى، جۇمىرتقاسى، تاعى دا باسقا قاجەتتى ازىق-ت ۇلىكتەر تۇر­عىن­دارعا ارزانعا تۇسۋدە، – دەيدى اۋدان اكىمى ەرنۇر ايتكەنوۆ. تاعى ءبىر تاڭقالارلىعى، تاسىنا دا اعاش ءوسىپ شىعاتىن باياناۋىل­دىڭ شالعايداعى قاراتومار دەگەن اۋىلىنان اعاش ەگىپ، جەمىسىن كورگەن اۋىلدىقتار العاش رەت 20 كيلو «باياننىڭ الماسىن» اكەپ ساتتى. قالاۋىن تاپسا قار جانار دەگەن وسى. اۋدان اكىمى ەرنۇر ايتكەنوۆتىڭ ايتۋىنشا، بايان­اۋىل­دىقتار ەندى 26 قازاندا استانادا وتەتىن جارمەڭكەگە  5 توننا ەت، «كەڭ دالا» سەرىكتەستىگىنىڭ باسشىسى، كاسىپكەر گۇلنار توقپا­نوۆا پىسىرەتىن ءدامدى نان-توقاش ونىمدەرىنەن 1 توننا اپارىپ ساۋدالاماقشى. فاريدا بىقاي، پاۆلودار.
سوڭعى جاڭالىقتار

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار