23 قىركۇيەك، 2011

قورىمدى قورلاعاندار

172 رەت كورسەتىلدى
ەستىگەننىڭ تۇلا بويىن ءتۇر­شىك­تىرەتىن قورىمدى قورلاپ، زيرات­تا­عى شارباقتاردى، ەسكەرتكىشتەردى ءبۇلدىرىپ، ونى پايدا كوزىنە اينال­دىرعان تەپسە تەمىر ۇزەتىن جان­دار­دىڭ قىلىعى ويلاندىرادى. وس­ىنداي جاعانى ۇستاتاتىن وقي­عا­لار ءوڭىردىڭ كەيبىر ەلدى مەكەندەرىندە ورىن الىپ، قىلمىستىق ىستەر تىركەلدى. تۋعان-تۋىستا­رى­نىڭ بەيىتتەرى قورلانعانداردىڭ جاي-كۇيىن سەزىنۋدىڭ ءوزى قيىن. وكى­­­نىشتىسى، سول قىلمىسكەرلەر جۋ­­ىق ارادا قولعا دا تۇسە قوي­ما­دى. بەزبۇيرەكتەر انا اۋىلدىڭ، مى­نا اۋىلدىڭ قورىمدارىن قور­لاپ، ءىز جاسىرىپ، ءبىراز ۋاقىت بوس­تان­دىق­تا ءجۇردى. جاقىندا جامبىل اۋدانىن­دا­­عى اقسەڭگىر سەلولىق وكرۋگىنىڭ اكى­مى ءالىمحان قوسباساروۆ پەن ون­ىن­شى سىنىپ وقۋشىسى اياز نۇر­عو­جاەۆ ەكى اۋىلدىڭ زيراتتارىنا قول سال­­عان، ۇياتتان بەزگەن سۇ­عا­ناق­تاردىڭ قۇرىقتالۋىنا سەبەپ بولدى. مال قايىرىپ جۇرگەن اياز كە­ش­كىلىك بەيىت توناپ جاتقانداردى كو­رىپ قالادى. ۇيالى تەلەفونىمەن دەرەۋ اۋىل اكىمىنە حابارلايدى. سۋىت حابار العان ءالىمحان بەيىت­تىڭ شارباقتارىن تيەگەن اۆتوكو­لىك­تى ماي بەكەتىندە توقتاتىپ، ءبى­رىنىڭ قولىن قايىرىپ، پوليتسيا قىزمەتكەرلەرىنە تاپسىرادى. وسى كەزدە كومەككە جەتكەن اياز دا قاراپ قالمايدى. كابينادا وتىر­عان ەكى قاراقشى قالىڭ قامىسقا تىعىلادى. ونىڭ بىرەۋىن اۋدان­دىق ىشكى ىستەر ءبولىمىنىڭ باستىعى بەيبىت كەلگەنباەۆ باستاعان قىز­مەت­كەرلەر قولعا تۇسىرەدى. وسى­لاي­شا تالعار، قاراساي، جامبىل جانە باسقا اۋداندارداعى ەلدى مەكەن جۇرتشىلىعىن ابىگەرگە سال­عان­داردىڭ جولى كەسىلدى. كۇمىسجان بايجان، الماتى وبلىسى.
سوڭعى جاڭالىقتار

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار