23 قىركۇيەك، 2011

ابايلاڭىز، ءورت قاۋپى زور

295 رەت كورسەتىلدى
كەندى التايدا دالا ورتتەرىنىڭ كەزەڭى باستالدى. تاۋلىگىنە ورتا ەس­­ەپ­پەن ءورت سوندىرۋشىلەر قۇرعاق ءشوپ­تى سوندىرۋگە 40 رەت شىعادى. ما­مانداردىڭ ايتۋىنشا، ەگەر ادام­دار ءورت قاۋىپسىزدىگى ەرەجەلەرىن ساقتاسا، بۇل كورسەتكىشتى جار­تى­لاي ازايتۋعا بولاتىن ەدى. ەسەپكە جۇگىنەتىن بولساق، دالا ورتتە­رى­نىڭ شىعۋىنىڭ 90 پايىزى ادام­دار­دىڭ وتتى ابايسىز قولدانۋى مەن نەم­قۇ­رايدى قاراۋىنان بولادى. جىلدىڭ باسىنان شقو-دا 22 مىڭ گەكتار اۋداندى قامتىعان 42 دالا ءورتى تىركەلگەن. مامانداردىڭ ايتۋىنشا، بۇل كورسەتكىش ءالى دە وسەدى. ءورت قاۋپى كەزەڭى قۇرعاق، جى­­­لى اۋا رايىنا بايلانىستى ۇزاققا سوزىلۋى مۇمكىن. قۇرعاق قۋرايلار، شوپتەر، بۇتالار نوسەر جاۋىن مەن ايازدار باستالعانعا دەيىن جاناتىنى بەلگىلى. «دالا جانە ورمان ورتتەرىن ءسوندىرۋ وڭاي ءىس ەمەس، – دەيدى وب­لىستاعى دالا جانە ورمان ورتتەرى جۇمىستارىن ۇيلەستىرۋ ءجونىن­دەگى باس مامان اندرەي يۆانوۆ. – ءورتتى ءسوندىرۋ بىرنەشە كۇنگە، ءتىپتى بىرنەشە اپتاعا سوزىلۋى مۇمكىن. ول ءورتتىڭ شىققان جەرى مەن اۋا رايى جاعدايىنا بايلانىستى. ەگەر ءورت تاۋلى-قۇزدى جەرلەردە بولسا، وندا ول جەرگە مامانداندىرىلعان كو­لىكتەر بارا المايدى. ونداي كەزدە ءورت قولمەن وشىرىلەدى، سوعان باي­لانىستى ۋاقىت تا، كۇش تە كوپ جۇم­سالادى. ال ەگەر ءورتتى باسقارۋ، ءوز كۇشتەرىمەن اۋىزدىقتاۋ مۇمكىن بولماسا، وندا اۋە كۇشتەرى كومەگىنە جۇگىنۋگە تۋرا كەلەدى. ءبىزدىڭ باستى ماقساتىمىز – ءورتتىڭ جاقىن ماڭ­دا­عى اۋىلعا تارالۋىنا جول بەرمەۋ جانە تابيعاتتىڭ اسەمدىگىن ساقتاپ قالۋ. سوندىقتان وسىنداي ساتتەردە ءتۇ­سى­نىستىكپەن بىرىگىپ، جۇمىلا ارە­كەت جاساۋ قاجەت». ەڭ باستىسى، ورمان ورتىنەن ساقتانۋ شارت. وڭداسىن ەلۋباي، شىعىس قازاقستان وبلىسى.
سوڭعى جاڭالىقتار

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار