22 قىركۇيەك، 2011

استانا جىلۋ بەرۋ ماۋسىمىنا دايىن

212 رەت كورسەتىلدى
كەشە استانا قالاسىنىڭ اكىمى يمانعالي تاسما­عام­بە­توۆتىڭ توراعالىعىمەن ەلور­دا­نىڭ 2011-2012 جىلعى قىس­قى جىلۋ بەرۋ ماۋسىمىنا دايىندىق ماسەلەسىن پىسىق­تا­عان جينالىس بولىپ ءوتتى. وندا قالا اكىمىنىڭ ورىن­با­سا­رى – 2011-2012 جىلعى جىلۋ بەرۋ ماۋسىمىنا دايىندىق جونىندەگى قالالىق شتابتىڭ توراعاسى ۆاسيلي كرىلوۆ، قالانىڭ الماتى، سارىارقا جانە ەسىل اۋداندارىنىڭ اكىم­دەرى ساپار احمەتوۆ، ءسا­بيلا مۇستافينا جانە قايرات جاڭابەرگەنوۆ ەسەپ بەردى. 2011 جىلعى 20 قىركۇيەكتەگى جاعداي بويىنشا، قالاداعى بار­لىق تۇرعىن ءۇي قورى، ياعني 1903 تۇر­عىن ءۇي تۇگەلدەي جىلۋ ماۋ­سىمىنا دايىن. سونىمەن بىرگە، بيىل العاش رەت قالاداعى 115 ءبىلىم بەرۋ نىسانى، 26 دەنساۋلىق ساقتاۋ جانە 12 مادەنيەت مەكەمەلەرى جىلۋ ماۋسىمىنا 100 پايىز دايىندىقپەن كەلىپ وتىر. استا­نا­نى جىلۋمەن قامتاماسىز ەتەتىن باستى كەشەن – «استانا-ەنەر­گيا» اق جىلۋ بەرۋ ماۋسىمىنا 96 پايىز دايىن. وتكەن جىلعى جىلۋ ماۋسىمى اياقتالعاننان بەر­گى ۋاقىتتا قالانىڭ كوممۋ­نال­دىق جۇيەلەرىن، جىلۋ بەرۋ ورتا­لىقتارى مەن جەلىلەرىن الداعى ماۋسىمعا دايىنداۋ ماقساتىندا اۋقىمدى جۇمىستار اتقارىلعان. №1 جەو-نىڭ №1، 2 ستان­سا­لار­دىڭ بۋ قازاندىقتارىنا جانە №4، 6 ستانسالاردىڭ سۋ ىسىتاتىن قازاندىقتارىنا كەڭ كولەمدە اعىم­داعى جوندەۋ جۇمىستارى ءجۇر­گىزىلسە، №7 ستانسانىڭ سۋ ىسى­تاتىن قازاندىعى كۇردەلى ءجون­دەۋدەن وتكىزىلگەن. №2 جەو-نىڭ №2 ستانساسىنىڭ تۋربو-گە­نە­راتو­رىنا جوندەۋ جاسالسا، №3 ستان­سانىڭ بۋ قازاندارى اگرە­گات­تارىنا كۇردەلى جوندەۋ ءجۇر­گى­زىلۋدە. «استانا-تەپلوترانزيت» اق اعىمداعى جىلى جىلۋ ەنەرگيا­سىن جىبەرۋدىڭ قۋاتىن 3 656،2 مىڭ گكال-دان 3 692،1 مىڭ گكال-عا دەيىن ارتتىرعان. ياعني، قالاعا بيىل بىلتىرعىعا قاراعاندا، 35،9 مىڭ گكال جىلۋ ارتىق بەرىلەدى دەگەن ءسوز. كاسىپورىن جىلۋ جەلىلەرى جۇيەسىن 27،97 شاقىرىمعا ۇلعايتتى. جىلۋمەن قامتاماسىز ەتەتىن 10 سورعى ستانساسى الداعى ماۋسىمعا دايىن. كاسىپورىن بي­ىل­عى جىلى 1489 مەتر ماگيس­ترال­دىق جىلۋ جۇيەسىن، 2997 مەتر تاراتۋ جەلىلەرىن جوندەۋدەن وتكىزىپ، 2 334 شارشى مەتر جىلۋ ماگيسترالدارىنا جىلۋ قورعاعىشتار ورناتتى. «استانا-رەك» اق ەلەكتر قۋا­تىن تاراتاتىن قوسالقى ستان­سا­لاردى، تاراتۋ جەلىلەرىن، كابەل جۇيەلەرىن تولىق جوندەۋدەن ءوت­كىز­دى. «استانا سۋ ارناسى» مكك قاراماعىندا 817 شاقىرىم سۋ قۇبىرلارى جەلىسى،  ءۇشىنشى دارە­جە­لى كوتەرۋ قۋاتى بار 9 سورعى ستانساسى، 87 كوپ قاباتتى تۇرعىن ۇيلەرگە قىسىممەن سۋ جىبەرەتىن ستانسالاردى 100 پايىز الداعى ماۋ­سىمعا دايىندىق ساپىنا قوي­عان. «استانا قالاسىن سۋمەن جاب­دىق­تاۋ جانە كارىز جۇيەسىن جەتىلدىرۋ جونىندەگى» جاپوندىق جوبا­نى ىسكە اسىرۋ شەڭبەرىندە ءبىر­قا­تار جاڭا نىساندار ىسكە قوسىلدى. اتاپ ايتقاندا، الداعى جىلۋ ماۋ­سىمىندا تاۋلىگىنە 210 مىڭ تەكشە مەتر سۋ وندىرەتىن تۇتقىش جانە قۋاتى تاۋلىگىنە 105 مىڭ تەكشە مەتر سۋ ايدايتىن سورعىش-سۇزگى ستانسا ىسكە قوسىلدى. استانا سۋ قويماسىنان سۋ تاراتاتىن ماگيسترالدىڭ ەكىنشى جەلىسى قايتا قۇرۋدان وتكىزىلدى. ديامەترى 1000 مم. بولاتىن 51 شاقىرىم سۋ تاراتۋ قۇبىرلارى ورناتىلدى. «استاناگازقىزمەت» جشس قا­لا­داعى سۇيىتىلعان گاز ساقتاي­تىن 1400 جەراستى رەزەرۆۋارلارى بار 360 ءىرى گاز قويمالارى قون­دىرعىلارىنا قىزمەت كورسەتەدى. ول قالاداعى 1039 كوپ قاباتتى ۇيلەردى گازبەن قامتاماسىز ەتەدى. 2011 جىلى الداعى قىسقى ماۋ­سىم­عا دايىندىق اياسىندا وسى گاز جۇيەلەرىنىڭ بارىنە دە جوندەۋ جۇمىستارى جۇرگىزىلدى. قالانىڭ بارلىق جىلۋ بەرۋ ورتالىقتارى قاتتى جانە سۇيىق وتىنمەن قامتاماسىز ەتىلگەن. ەلىمىزدە قابىلدانعان «2011-2020 جىلدارى تۇرعىن ءۇي-كوممۋ­نال­دىق شارۋاشىلىعىن مودەرنيزاتسيالاۋ باعدارلاماسى» شەڭ­بە­رىندە بيىلعى جىلى استانا قا­لاسىندا 12 كوپ قاباتتى تۇرعىن ۇيگە جوندەۋ جۇمىستارى باس­تال­عان. ونىڭ ىشىندە جالپى قۇنى 310 ميلليون تەڭگە بولاتىن 9 كوپ قاباتتى ۇيگە اعىمداعى جوندەۋ جانە جالپى قۇنى 120 ميلليون تەڭگە بولاتىن 3 كوپ قاباتتى ۇيگە كۇردەلى جوندەۋ جۇمىستارى ءجۇر­گىزىلەدى. جينالىستا قالا اكىمى يمان­عالي تاسماعامبەتوۆ ءسوز سويلەپ، ءوت­كەن جىلعى جىلۋ بەرۋ ماۋسى­مى اياقتالىسىمەن قالادا وسىن­داي ءىرى جينالىس ءوتىپ، الداعى جىلۋ بەرۋ ماۋسىمى قارساڭىندا اتقارىلاتىن جۇمىستاردىڭ اۋقى­مى انىقتالىپ، ناقتى جوسپار جا­سالعاندىعىن اتاپ كورسەتتى. بۇل جوسپار تولىق جۇزەگە اسىرىلدى دەپ بۇگىن سەنىممەن ايتۋعا نەگىز بار. اكىم اتاپ كورسەتكەندەي، №1 جانە №2 جىلۋ ورتالىقتارىنىڭ قالانى جىلۋمەن تولىق قامتا­ما­سىز ەتۋگە مۇمكىندىگى جەتپەيدى. وسى­نىڭ سالدارىنان قالا قىس ايىندا 111 مىڭ گكال. جىلۋ قۋا­تىن وسى ورتالىقتار­دان كەم الا­دى. ونىڭ ورنى سۋ ىسىتاتىن بۋ قا­زاندارىنىڭ ەسەبىمەن تولىق­تى­رى­لا­دى. بيىل قايتا قۇرۋدان ءوت­كەن مۇنداي بۋ قازاندارى 150 مىڭ گكال. قوسىمشا جىلۋ ەنەر­گياسىن بەرەتىن بولادى. ياعني، بيىلعى جىلى قالانى جىلۋمەن قامتاماسىز ەتۋ بارىسىندا ەش­قان­داي تاپشىلىق بولماۋعا ءتيىس. وسى ماسەلەلەردى ايتا كەلىپ، يمان­عالي تاسماعامبەتوۆ وتكەن مەرزىمدە ات­قارىلعان اۋقىمدى جۇمىستىڭ جانە كوم­مۋنالدىق جۇيەلەرگە سالىنعان ميلليون­دا­عان ينۆەستيتسيالاردىڭ ناتيجە­سىن­دە ال­داعى جىلۋ بەرۋ ماۋسى­مىن ەشقانداي پروبلەماسىز جانە كوممۋنالدىق تاريفتەردى كوتەر­مەي وتكىزۋگە تولىق مۇمكىندىك جا­سالعاندىعىن اتاپ كورسەتىپ، ونى ورىن­داۋ جونىندە قىسقى جىلۋ بەرۋ ماۋ­سىمىنا جاۋاپتى كاسىپ­ورىن باسشىلارىنىڭ ۋادەسىن الدى. جەڭىس داڭعىلىندا بيىلعى جاز ماۋسىمىندا كۇردەلى جوندەۋ جۇمىستارى جۇرگىزىلگەندىگىن قالا جۇرتشىلىعى انىق بىلەدى. وسى­عان بايلانىستى اكىم بۇل داڭ­عىل­دا بۇعان دەيىن تەك قانا جاماپ-جاسقاۋ جۇمىستارى جۇرگىزىل­گەن­دىگىن، ال بيىل بۇل داڭعىل بوي­ىنداعى بارلىق ينجەنەرلىك كوممۋنيكاتسيالار تۇگەلدەي دەرلىك جا­ڭارتىلعاندىعىن اتاپ كور­سەت­تى. وسى ءبىر عانا داڭعىلداعى ءاب­دەن توزىعى جەتكەن كوممۋنالدىق جۇيەلەردى اۋىستىرۋعا قالا قور­جىنىنان 7 ميلليارد تەڭگە قار­جى جۇمسالىپتى. سول سياقتى ءا.مول­داعۇلوۆا جانە ا.يمانوۆ كوشە­لەرىندە دە وسىنداي ينجەنەرلىك ينفراقۇرىلىمداردى تو­لىق­تاي قايتا جاڭعىرتۋ جۇمىس­تا­رى ءجۇر­گىزىلگەن. سونىمەن بىرگە، بيىل سامال شاعىن اۋدانىنداعى كوپ قاباتتى ەليتالىق ۇيلەردى ور­تالىق جىلۋ جۇيەسىنە قوسۋ جۇ­مىسى اياقتالعان. قالا اكىمى اتاپ كور­سەتكەندەي، ەلوردانىڭ بارلىق جىلۋ تاراتۋ جۇيەلەرى الداعى جى­لۋ بەرۋ ماۋسىمىنا تولىق داي­ىندىق ساپىنا قويىلعان. جىلقىباي جاعىپار ۇلى.
سوڭعى جاڭالىقتار

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار