22 قىركۇيەك، 2011

قورشاعان ورتا قولداۋعا مۇقتاج

4266 رەت كورسەتىلدى
كەشە ەلوردادا اشىلعان «ەۋروپا ءۇشىن قورشاعان ورتا» اتتى VII جالپى­ەۋرو­پا­لىق قورشاعان ورتانى قورعاۋ مينيسترلەرى كونفەرەنتسيا­سى­نا قاتىسۋشى دەلەگاتتار اس­تا­ناداعى «اتامەكەن» ەتنو-مەموريالدىق كەشەن جانىن­داعى «ەكولوگتار اللەيا­سىن­دا» اعاش وتىرعىزدى.    اللەياعا اعاش وتىرعىزۋ ءداس­تۇرلى شاراعا اينالىپ وتىر. ءوت­كەن جىلى ءبىز ازيا جانە تىنىق مۇحيتى ايماعىنىڭ قورشاعان ورتانى قورعاۋ مينيسترلەرى كون­فە­رەنتسياسى اياسىندا وسىعان ۇق­ساس اكتسيا وتكىزدىك. ول جاسىل ءوس­كىن­نىڭ تەك قازاقستاندا ەمەس، الەم­دە دە كوبەيۋىن ماقسات تۇتا­دى، دەدى جۋرناليستەرگە بەرگەن سۇحباتىندا قورشاعان ورتانى قورعاۋ ۆيتسە-ءمينيسترى رۋسلان ءبول­تىرىكوۆ. اكتسياعا پولشا، ۆەنگريا، قىرعىزستان جانە باسقا دا ەلدەردەن كەلگەن دەلەگاتسيا باسشىلارى قاتىستى. ەلوردادا اشىلعان «ەۋروپا ءۇشىن قورشاعان ورتا» اتتى مينيسترلەردىڭ جەتىنشى كونفەرەنتسياسىنا بىرقاتار مەملەكەتتەردەن 1 مىڭ 300-گە جۋىق وكىل قاتىسۋعا نيەت ءبىلدىردى. نەگىزىنەن وندا ەۋروپا ەلدەرىنىڭ ماماندارى بولادى، دەدى ۆيتسە-مينيستر. تۇستەن كەيىن تاۋەلسىزدىك سا­رايىندا «ەۋروپا ءۇشىن قورشاعان ورتا» اتتى 7-ءشى مينيسترلەر كون­فەرەنتسياسىنىڭ جۇمىسى باستال­دى. وتكەن جىلى استانادا وتكەن ازيا مەن تىنىق مۇحيتى ايما­عىنىڭ قورشاعان ورتانى قورعاۋ جانە دامىتۋ مينيسترلەرىنىڭ 6-شى كونفەرەنتسياسىندا قور­شا­عان ورتا جانە ونى دامىتۋ ءجو­نىندەگى دەكلاراتسيا، سونداي-اق استانانىڭ «جاسىل كوپىر» اتتى باستاماسى قابىلدانعان بولاتىن. بۇل باستامانىڭ نەگىزگى ماقساتى ەكونوميكادا «جاسىل دامۋ» سايا­ساتىن العا جىلجىتۋدا ەۋروپا، ازيا جانە تىنىق مۇحيتى ەلدەرىنە قولداۋ كورسەتۋ بولىپ تا­بىلادى. 7-ءشى مينيسترلەر كونفەرەن­تسيا­سىنىڭ اشىلۋ بارىسىندا ءبىرىنشى ۆيتسە-پرەمەر ومىرزاق ءشو­كەەۆ ەلباسى نۇرسۇلتان نازار­باەۆتىڭ ۇندەۋىن وقىپ بەردى. «ءبىز ءوزىمىزدىڭ باستامامىزدى ناقتى ىستەرمەن دالەلدەپ وتىرامىز. اس­تا­نالىق «جاسىل كوپىر» باستا­ما­سىن كوپشىلىككە تانىستىردىق. ونى كورەيالىق «جاسىل دامۋ» باس­تاماسىن ءارى قاراي دامىتۋ جولى رەتىندە قاراستىردىق. ءبۇ­گىن­گى كونفەرەنتسيا بارىسىندا ءبىز جاسىل ەكونوميكاعا كوشۋ بوي­ىن­شا وڭىرلىك نەگىزگى تەتىكتەردىڭ ءبىرى بولاتىن «جاسىل دامۋ» ءارىپ­تەس­تىك باعدارلاماسىن قاراستىرۋدى ۇسىنامىز»، – دەلىنگەن مەملەكەت باسشىسىنىڭ سوزىندە. ەلباسى ۇندەۋىندە تاجىريبە الماسۋ، تازا تەحنولوگيالارمەن الماسۋ تەتىكتەرىن قۇرۋ، جاسىل ەكونوميكاعا كوشۋ ءۇشىن بىرلەسكەن ينۆەستي­تسيا­لار مەن ءتيىستى جوبالار، سون­داي-اق ەكوجۇيەنى ساقتاۋ شارا­لا­رى وسىنداي ىنتىماقتاستىق اياسىن­دا ىسكە اسىرىلۋى ءتيىس ەكەندىگى ايتىلعان. كونفەرەنتسيا اراسىندا قور­شا­عان ورتانى قورعاۋ ءمينيسترى نۇرعالي ءاشىم جۋرناليستەرمەن اڭگىمە بارىسىندا ەلىمىزگە اي­نال­مالى سۋمەن قامتاماسىز ەتۋ­دىڭ ەۋروپالىق ستاندارتتارىن ەن­گىزۋ تۋرالى ويلارىمەن ءبو­لىستى. وسىعان بايلانىستى ار­نايى زاڭ جوباسىن ءبىز ماجىلىسكە بيىل ۇسىن­عىمىز كەلگەن، الايدا ءبىر­قا­تار ماسەلەلەر تۋىنداپ وتىر، – دەدى ول. اينالمالى سۋمەن قامتا­ما­سىز ەتۋدىڭ ماقساتى پايدا­لا­نىل­عان سۋدى تابيعاتقا تازا كۇيىن­دە قايتارۋ بولىپ تابى­لادى. ەۋروپادا بۇل جۇيە الدە­قاشان قولدانىسقا ەنگىزىلگەن، ءبىز دە وسىنى قۋاتتاعىمىز كەلەدى،  دەدى مينيستر. ول سون­داي-اق، كور­شىلەس مەملەكەتتەرگە ترانسشە­كا­را­لىق وزەندەرگە باي­لا­نىستى بۇۇ تەتىكتەرىن پايدا­لانۋدى ۇسى­نىپ وتىرعاندىعىن مالىمدەدى. ۆەنەرا تۇگەلباي.
سوڭعى جاڭالىقتار

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار