القا وتىرىسى

اسحات داۋىلباەۆتىڭ توراعالىق ەتۋىمەن, ىشكى ىستەر ءمينيسترى ق.قاسىموۆتىڭ قاتى­سۋى­مەن باس پروكۋراتۋرا القاسىنىڭ وتى­رى­سى ءوتىپ, وندا پايداكۇنەمدىك ماقساتتا كۇش قولدانىپ جاسالعان قىلمىستار (توناۋ, قا­راق­شىلىق شابۋىل, بوپسالاۋ) تۋرالى قىل­مىستىق ىستەردى تەرگەگەن جانە سوتتا قاراعان كەزدە زاڭدىلىقتى ساقتاۋ ماسەلەلەرى قارالدى. القا ءماجىلىسى بەينەبايلانىس رەجيمىندە بارلىق وبلىستاردىڭ پروكۋرورلارى جانە ءىىد باس­شى­لارىنىڭ قاتىسۋىمەن وتكىزىلدى. باس پروكۋرور قىلمىستاردى ەسەپ­كە الۋدان جاسىرۋ, ازامات­تار­دىڭ كونستيتۋتسيالىق قۇقىقتارىن بۇزۋ, قىلمىستىق ىستەردى تەرگەگەن كەزدە سوزبۇيداعا سالۋ, وسى سانات­تاعى ىستەر بويىنشا زاڭسىز ءىس جۇرگىزۋ شەشىمدەرىن قا­بىل­داۋ ورىن العان جاعدايدا ىشكى ىستەر ورگاندارى قىزمەتكەرلەرىنىڭ دەربەس جاۋاپكەرشىلىگىن كۇشەي­تۋدى تالاپ ەتتى. وبلىس پروكۋرورلارى مەن ىشكى ىستەر دەپار­تامەنتتەرىنىڭ باس­شى­لارىنا ءبىر اي مەرزىمدە قىل­مىس­پەن جانە قۇقىق بۇزۋشى­لىق­پەن كۇرەستىڭ وڭىرلىك باعدار­لا­مالارىنىڭ ورىندالۋىنىڭ جاي-كۇيىن, كوشەدەگى بەينەباقى­لاۋ­دىڭ جاعدايى جانە تيىمدىلىگىن زەردەلەپ, وسى ماسەلەنى قۇقىق قورعاۋ ورگان­دارى­نىڭ ۇيلەستىرۋ كەڭەسىندە قاراۋ تاپسىرىلدى. سونداي-اق جەرگىلىكتى پروكۋراتۋرا جانە ىشكى ىستەر ورگاندارىنىڭ باسشىلارىنان سوت تورەلىگىنەن بوي تاسالاپ جۇرگەن كىنالى ادام­داردى ىزدەۋ جانە زاڭمەن بەلگىلەنگەن جاۋاپكەرشىلىككە تار­تۋ­دىڭ بارلىق قاجەتتى شارالارىن قا­بىلداۋ تالاپ ەتىلدى, دەپ حابار­لا­دى باس پروكۋراتۋرانىڭ باس­پاسوز قىزمەتى.