22 قىركۇيەك، 2011

ماڭىزدى جوبا سەناتقا جەتتى

205 رەت كورسەتىلدى
كەشە پارلامەنت سەنا­تىن­دا الەۋمەتتىك-مادەني دامۋ كو­ميتەتىنىڭ توراعاسى اقان بيجانوۆتىڭ توراعالىق ەتۋىمەن «ءدىني قىزمەت پەن ءدىني ءبىر­لەستىكتەر تۋرالى» جانە «قازاقستان رەسپۋبليكاسى­نىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بوي­ىن­شا وزگەرىستەر مەن تولىق­تى­رۋلار ەنگىزۋ تۋرالى» زاڭ جوبالارىنىڭ تانىستى­ر­ى­لى­م­ى بولدى. دەپۋتاتتار الدىندا ءدىن ىستەرى جونىندەگى اگەنتتىكتىڭ توراعاسى قايرات لاما ءشارىپ ءسوز سويلەدى. ءدىني سەنىم بوستاندىعى جانە ءدىني بىرلەستىكتەر تۋرالى زاڭنا­ما­نى جەتىلدىرۋ قاجەتتىگى قازاقستان رەس­پۋبليكاسى پرەزيدەنتىنىڭ 2006 جىلعى 26 شىلدەدەگى جارلى­عى­مەن بەكىتىلگەن ازاماتتىق قو­عام­دى دامىتۋدىڭ 2006-2011 جىل­­دار­عا ارنالعان تۇجىرىم­دا­ما­سىندا بەلگىلەنگەنىن ايتا كەلىپ، ق.لاما ءشارىپ ءدىني قىزمەت پەن ءدىني بىرلەستىكتەر تۋرالى زاڭناما جوباسىن تانىستىردى. زاڭ جوباسىنىڭ ماقساتى ءدىني بىرلەستىكتەر قىزمەتىنىڭ جانە ازاماتتاردىڭ ءدىني قىزمەتىنىڭ نەگىزگى باعىتتارىن قۇقىقتىق رەتتەۋ، سونداي-اق ءار ءتۇرلى زاڭ­نا­ما­لىق اكتىلەردىڭ قۇقىق نورما­لارى­نىڭ اراسىنداعى قايشى­لىقتاردى، ولقىلىقتاردى، كول­لي­زيالاردى جويۋ ارقىلى ءدىني بىرلەستىكتەر تۋرالى قازاقستان زاڭ­نا­ماسىن جەتىلدىرۋ بولىپ تا­بىلادى. زاڭناما تىركەلۋ ءۇشىن قاجەتتى قۇجاتتار تىزبەسى مەن ءدىني ءبىر­لەستىكتىڭ جارعىسىنا قويىلاتىن تالاپتاردى انىقتاۋ، ءدىني بىرلەستىكتەردى تىركەۋدەن باس تارتۋىنىڭ نەگىزدەرى، سونداي-اق ءدىنتانۋ ساراپتاماسىن جۇرگىزۋ نەگىزى مەن ءتارتىبى، «ميسسيونەرلىك قىزمەت»، «ءدىني قىزمەتشى» تۇسىنىكتەرىن ناق­تىلاۋ بولىگىندە ءدىني بىرلەستىكتەردى تىركەۋگە قاتىستى ماسە­لەلەردى زاڭنامالىق رەتتەۋدى جەتىلدىرۋدى كوزدەيدى. زاڭ جوباسىن قابىلداۋ تەرىس قۇقىقتىق جانە الەۋمەتتىك-ەكو­نوميكالىق سالدارعا اكەلىپ سوق­تىر­مايدى، سەبەبى، بولجامدالعان وزگەرىستەر ءتيىستى قوعامدىق قا­تىناستاردى قۇقىقتىق رەتتەۋدىڭ تيىمدىلىگىنە سەپتىگىن تيگىزەتىن ەلىمىزدىڭ قولدانىستاعى زاڭنا­ماسىن جەتىلدىرۋگە باعىتتالعان. ءدىني سەنىم بوستاندىعى جانە ءدىني بىرلەستىكتەر تۋرالى زاڭنا­مانى تانىستىرۋ بارىسىندا دەپۋتاتتار ءدىني بىرلەستىكتەردىڭ قىزمەتىن رەتتەيتىن زاڭناما، ءدىني بىرلەستىكتەردىڭ قىزمەتى سالاسىن انىق رەگلامەنتتەۋ جانە ءدىني قاتىناستار سالاسىندا زاڭناما نورمالارىن بۇزعانى ءۇشىن قۇ­قىق­تىق جاۋاپكەرشىلىكتى بەلگىلەۋ ماقساتىندا، سونداي-اق مەملە­كەت­تىك-كونفەسسيالىق قاتىناستاردى جەتىلدىرۋ سالاسىندا مەملەكەتتىك ورگانداردىڭ جۇيەلى قىزمەتىن ۇيىمداستىرۋ ءۇشىن قازىرگى زا­مان­عى ءدىني احۋالدى ەسەپكە الا وتى­رىپ جەتىلدىرۋ قاجەت ەكەنىن ايتتى. جاقسىباي سامرات.
سوڭعى جاڭالىقتار

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

اتوم كولگە ساپار

ايماقتار • كەشە

ۇقساس جاڭالىقتار